ព័ត៌មានជាតិ

រដ្ឋបាលខេត្តស្វាយរៀងប្រកាសស្វែងរកអ្នកជាប់ពាក់ព័ន្ធនឹងអ្នកជំងឺកូវីដ១៩ចំនួន២នាក់

បានផុស

៥ years មុន

នៅ

ថ្ងៃអង្គារ ៦ មេសា ២០២១

ដោយ

រដ្ឋបាលខេត្តស្វាយរៀងបានប្រកាសដល់ប្រជាពលរដ្ឋដែលមានជាប់ពាក់ព័ន្ធជាមួយនឹងអ្នកជំងឺកូវីដ១៩ចំនួន២នាក់ទី១បុរសជនជាតិខ្មែរឈ្មោះព្រាប ផល្លី អាយុ៣៧ឆ្នាំ ជាសន្តិសុខនៅកាស៊ីណូបាវិតម៉ុក បាយមានវិជ្ជមានកូវីដ១៩ ដែលមានទីលំនៅភូមិប្រសូតទី១ ឃុំកណ្ដៀងរាយ ស្រុកស្វាយទាបនិងស្ត្រីជាតិខ្មែរឈ្មោះអនសុវណ្ណអាយុ៧២ឆ្នាំរស់នៅភូមិប្រសប់លាក់សង្កាត់បាទីក្រុងបាវិត។

តាមសេចក្តីជូនដំណឹងពីរដាច់ដោយឡែករបស់រដ្ឋបាលខេត្តស្វាយរៀងចុះថ្ងៃទី៦មេសាបានឲ្យដឹងថាបុរសឈ្មោះព្រាប ផល្លីនេះ នៅថ្ងៃទី២៨ ខែមីនា ឆ្នាំ២០២១ បានមកផ្ទះសម្រាកចំនួនថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់មកក៏បានត្រឡប់ទៅកាស៊ីណូវិញក្នុងគោលបំណងចូលធ្វើការ ប៉ុន្តែនៅកន្លែងធ្វើការមិនអនុញ្ញាតឲ្យចូលធ្វើការទេដោយសារស្ថានភាពកន្លែងធ្វើការមានការរីករាលដាលជំងឺកូវីដ១៩។

គាត់ក៏បានត្រឡប់មកផ្ទះវិញដោយមានការសង្ស័យនៅថ្ងៃទី ២៩ខែមីនាឆ្នាំ២០២១គាត់បានស្ម័គ្រចិត្តទៅធ្វើតេស្តរកកូវីដ១៩ដោយ លទ្ធផលវិជ្ជមានកូវីដ១៩។

តាមការស្រាវជ្រាវរបស់ក្រុមការងារបានរកឃើញអ្នកពាក់ព័ន្ធផ្ទាល់ចំនួន១២នាក់ ស្រី៥នាក់ កំពុងធ្វើចត្តាឡីស័កនៅផ្ទះដើម្បីតាមដានសុខភាពនិងរង់ចាំក្រុមការងារចុះទៅយកវត្ថុសំណាកនិងអ្នកប៉ះពាល់ប្រយោជន៍ចំនួន៤នាក់កំពុងធ្វើចត្តាឡីស័កនៅផ្ទះ។

បច្ចុប្បន្នបុគ្គលដែលមានវិជ្ជមានកូវីដ១៩ ត្រូវបានបញ្ជូនទៅព្យាបាលនៅមន្ទីរពេទ្យបង្អែកសាមគ្គីរំដួល។ ចំពោះទីតាំងផ្ទះលោកដូរឈ្មោះ ព្រាបសូនៅផ្លូវជាតិលេខ ១កែងផ្លូវលេខ៣១៤Dនៅភូមិប្រសូតទី ១ ត្រូវបានយកធ្វើជាទីតាំងចត្តាឡីស័ក។

ចំពោះស្ត្រីជាតិខ្មែរឈ្មោះអន សុវណ្ណ អាយុ៧២ឆ្នាំ ដែលធ្លាប់បានប៉ះពាល់ជាមួយអ្នកវិជ្ជមានកូវីដ១៩ឈ្មោះហួតសុខាក្រុមការងារបានយកសំណាកលើកទី១នៅថ្ងៃទី១មេសាដោយទទួលបានលទ្ធផលអវិជ្ជមានក៏ប៉ុន្តែដោយសារស្ថានភាពរបស់គាត់ពុំបានធូរស្បើយនៅថ្ងៃទី៣ខែមេសាឆ្នាំ២០២១ ក្រុមការងារក៏បានយកសំណាកធ្វើតេស្តជាលើកទី២ជាលទ្ធផលមានវិជ្ជមានកូវីដ១៩ហើយបានបញ្ជូនទៅព្យាបាលនៅមន្ទីរពេទ្យបង្អែកខេត្តស្វាយជ្រំ។

ក្រុមការងារកំពុងស្វែងរកទីតាំងនិងអ្នកប៉ះពាល់ជាមួយអ្នកជំងឺកូវីដ១៩ជាមួយអ្នកជំងឺខាងលើបន្ថែមទៀតនិងសូមអំពាវនាវឲ្យអ្នកពាក់ព័ន្ធ ឬ ដឹងថា បានប៉ះពាល់ផ្ទាល់ដោយប្រយោលសូមធ្វើចត្តាឡីស័កនៅតាមផ្ទះរៀងៗខ្លួន។បើមានស្ថានភាពសុខភាពមិនស្រួលប្រញាប់ទៅទាក់ទងជាមួយអាជ្ញាធរមានសមត្ថកិច្ចជាបន្ទាន់៕

ដោយ ៖ សំអឿន