ព័ត៌មានអន្ដរជាតិ

ក្រុមការងារលោកស្រី ផែថងថាន ស៊ីណាវ៉ាត្រ រើរបស់របរចេញពីវិមានរដ្ឋាភិបាលថៃ

បានផុស

៩ ខែ មុន

នៅ

ថ្ងៃសៅរ៍ ៦ កញ្ញា ២០២៥

ដោយ

យោងសេចក្តីរាយការណ៍របស់សារព័ត៌មានថៃ ខាវសុត នៅថ្ងៃទី៦ខែកញ្ញានេះ ក្រុមការងាររបស់អតីតនាយករដ្ឋមន្ត្រី ផែថងថាន ស៊ីណាវ៉ាត្រ បានចាប់ផ្តើមរើរបស់របរចេញពីវិមានរដ្ឋាភិបាល ១ថ្ងៃបន្ទាប់ពីសភាបោះឆ្នោតគាំទ្រលោក អានុទីន ចានវីរៈគុល (Anutin Charnvirakul) ឲ្យឡើងជានាយករដ្ឋមន្ត្រីជំនួសលោកស្រី។

បុគ្គលិករបស់អតីតនាយករដ្ឋមន្ត្រី ផែថងថាន បានរើរូបថតចេញពីវិមានរដ្ឋាភិបាល។ Khaosod

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ផែថងថាន ស៊ីណាវ៉ាត្រ បានធ្លាក់ពីអំណាចនាយករដ្ឋមន្ត្រីថៃ ដោយអំណាចសាលក្រមតុលាការធម្មនុញ្ញកាលថ្ងៃទី២៩ខែសីហា ដោយចៅក្រម ៦រូបក្នុងចំណោម៩រូប បានបោះឆ្នោតដកលោកស្រី ផែថងថាន ពីអំណាចជុំការចោទប្រកាន់ពីសមាជិកព្រឹទ្ធសភាដែលប្តឹងលោកស្រីពីបទប្រព្រឹត្តប្រាសចាកក្រមរដ្ឋធម្មនុញ្ញ ដោយសារតែការនិយាយទូរស័ព្ទជាលក្ខណៈឯកជនជាមួយសម្តេច តេជោ ហ៊ុន សែន ប្រធានព្រឹទ្ធសភាកម្ពុជា។

សេចក្តីរាយការណ៍របស់ខាងសុត បានឲ្យដឹងថា សមាជិកនៃអតីតរដ្ឋាភិបាលចម្រុះ របស់លោកស្រី ផែថងថាន ស៊ីណាវ៉ាត្រ (Paetongtarn Shinawatra) បានបញ្ជូនកម្មករឱ្យរើរបស់របរចេញពីវិមានរដ្ឋាភិបាលកាលពីថ្ងៃទី៦ ខែកញ្ញា បន្ទាប់ពីសភាតំណាងបានបោះឆ្នោតជ្រើសរើសលោក Anutin Charnvirakul ជានាយករដ្ឋមន្ត្រីទី៣២កាលថ្ងៃទី៥ខែកញ្ញា។ ទន្ទឹមនឹងនេះ បុគ្គលិកបានមកសម្អាត និងជំនួសម៉ាស៊ីនត្រជាក់ AC ទាំងនៅក្នុងអគារវិមានរដ្ឋាភិបាលថៃ Thai Khu Fah និងអគារផ្សេងៗទៀត។

ទោះជាបែបណា លោក Anutin Charnvirakul ជានាយករដ្ឋមន្ត្រីទី៣២ នឹងកាន់អំណាចត្រឹមតែ៤ខែប៉ុណ្ណោះ មុនការរំលាយសភាដើម្បីបើកផ្លូវឲ្យមានការរៀបចំការបោះឆ្នោតឡើងវិញ តាមលក្ខខណ្ឌយល់ព្រមជាមួយគណបក្សប្រជាជនដែលជាបក្សប្រឆាំងដែលបោះឆ្នោតក្នុងសភាគាំទ្រខ្លួននោះ៕

រថយន្តរបស់កម្មករលោកស្រីផែថងថាន ដឹកសម្ភារៈចេញពីវិមានរដ្ឋាភិបាល។ Khaosod

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា