សន្តិសុខសង្គម

ក្រោយចប់បុណ្យភ្ជុំ នារីម្នាក់មកលោតទឹកលេីស្ពានកោះនរា

បានផុស

៩ ខែ មុន

នៅ

ថ្ងៃព្រហស្បតិ៍ ២៥ កញ្ញា ២០២៥

ដោយ

ក្រោយចប់ពិធីបុណ្យភ្ជុំបិណ្ឌបានត្រឹមមួយថ្ងៃ នារីម្នាក់បានមកលោតទឹកសម្លាប់ខ្លួនលើស្ពានកោះនរា តែត្រូវបានប្រជាពលរដ្ឋ និងសន្តិសុខនៅទីនោះ ជួយទាន់ពេលវេលា។ ហេតុការណ៍នេះបានកើតឡើងនៅវេលាម៉ោង១០និង៣៥នាទីយប់ ថ្ងៃទី២៤ខែកញ្ញា ឆ្នាំ២០២៥ នៅលើស្ពានកោះនរា សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីប្រជាពលរដ្ឋបានឲ្យដឹងថា មុនពេលកេីតហេតុ ពួកគាត់បានធ្វើដំណើរឆ្លងកាត់ស្ពានកោះនរា ក៏ស្រាប់តែប្រទះឃើញនារីម្នាក់ មិនថាមានវិបត្តិអ្វីនោះទេ កំពុងឈរលេីស្ពាន និងបម្រុងលោតចុះចូលទៅក្នុងទឹក ទេីបពួកគាត់ចុះទៅជួយឃាត់ និងបានហៅសន្តិសុខនៅជិតនោះឲ្យជួយលួងលោមនារីរូបនោះយកទៅក្រោមស្ពានវិញផងដែរ។

បើតាមការលើកឡើងពីនារីរងគ្រោះ ការណ៍ដែលនាងមកទីនេះបម្រុងលោតទឹកសម្លាប់ខ្លួន ក៏ដោយសារមានវិបត្តិជាមួយគ្រួសារតិចតួច។ ក្រោយកេីតហេតុ សន្តិសុខនៅទីនោះបានជួយនិយាយលួងលោមអោយនារីរូបនោះស្ងប់អារម្មណ៍ ហើយដោយសារក្លិនស្រាផង ទេីបសម្រេចយកនារីរូបនោះទៅស្នាក់ការសន្តិសុខ រង់ចាំធ្វើការទាក់ទងសាច់ញាតិអោយមកទទួលយកទៅផ្ទះវិញ៕

អត្ថបទ៖ សុខា