ព័ត៌មានជាតិ

កងកម្លាំងកម្ពុជាមិនប្រដាប់អាវុធបណ្ដេញទាហានថៃដែលនាំអ្នកវាស់ដីចូលមកជិតបង្គោលព្រំដែនលេខ៤៦ នៅភូមិជោគជ័យ

បានផុស

៩ ខែ មុន

នៅ

ថ្ងៃអង្គារ ៣០ កញ្ញា ២០២៥

ដោយ

បន្ទាយមានជ័យ៖នៅព្រឹកថ្ងៃទី ៣០ ខែ កញ្ញា ឆ្នាំ ២០២៥ កងកម្លាំងថៃបាននាំអ្នកវាស់ដីចូលមកជិតបង្គោលព្រំដែនលេខ៤៦ ត្រង់ភូមិសាស្ត្រខាងលិចចំការអំពៅ ក្នុងភូមិជោគជ័យ ឃុំ អូរបីជាន់ ស្រុកអូរជ្រៅ ខេត្តបន្ទាយមានជ័យ តែត្រូវកងកម្លាំងជួរមុខបណ្ដេញចេញមិនឱ្យមកវាស់វែងបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីមានការរារាំងពីកងកម្លាំងកម្ពុជា ភាគីថៃបានដកថយបន្តិច។ តាមសេចក្ដីរាយការណ៍ពីមូលដ្ឋាន ក៏បានឱ្យដឹងថា កងកម្លាំងថៃមួយក្រុមទៀត ក៏ប្រុងធ្វើសកម្មភាពបង្កភាពតានតឹងនៅបង្គោលព្រំដែនលេខ ៤៧ ប៉ុន្តែកងកម្លាំងជួរមុខ និងប្រជាពលរដ្ឋ ដែលរស់នៅទីតាំងជាក់ស្ដែង និងធ្លាប់អាស្រ័យផលលើដីស្រែចម្ការតាំងពីយូរលង់ណាស់មកហើយ បានត្រៀមខ្លួនជាប់ជានិច្ច ដើម្បីការពារបូរណភាពទឹកដី និងអ្វីដែលជាទ្រព្យសម្បត្តិរបស់ពួកគាត់។

អភិបាលស្រុកអូរជ្រៅ លោក កែវ តារារស្មី ឱ្យដឹងថាជុំវិញសកម្មភាពបង្កហេតុដោយភាគីថៃ បង្កភាពតានតឹងសាជាថ្មី បានស្ងប់ស្ងាត់ទៅវិញ ក្រោយទាហានថៃបានដកថយ ហើយគិតមកត្រឹមម៉ោង ៩:៣០ នាទី ព្រឹកថ្ងៃដដែល ស្ថានភាពនៅតំបន់អូរបីជាន់ មានសភាពស្ងប់ស្ងាត់ទៅវិញធម្មតា គ្មានសភាពតានតឹងឡើយ។

ជាការកត់សម្គាល់ សកម្មភាពបង្កហេតុជាថ្មីរបស់ទាហានថៃ ជាសកម្មភាពបង្កភាពតានតឹង រំលោភបំពានលើរំលោភបទឈប់បាញ់ និងកិច្ចព្រមព្រៀងដែលបានឯកភាពកាលពីពេលកន្លងទៅដែលហាមឃាត់មិនឱ្យពង្រីកតំបន់ជម្លោះ៕

ដោយ៖ អ ពៅ