ត្រាំ ថា បើលោកមិនឈ្នះរង្វាន់ណូបែលសន្តិភាព គឺស្មើនឹងការប្រមាថអាមេរិក

ថ្លែងក្នុងព្រឹត្តិការណ៍ជំនួបជាមួយមេទ័ពនៅរដ្ឋ Virginia កាលពីដើមសប្តាហ៍ ប្រមុខសេតវិមាន លោក ដូណាល់ ត្រាំ ប្រកាសថា បើលោកមិនឈ្នះរង្វាន់ណូបែលសន្តិភាពទេនោះ វាគឺស្មើនឹងការប្រមាថសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីអាមេរិកថ្លែងថា លោកត្រូវគេមើលរំលងចំពោះរង្វាន់នេះម្តងហើយម្តងទៀត ដ្បិតលោកជឿជាក់ថា ខ្លួនបានសាងសមិទ្ធផលគ្រប់គ្រាន់ដើម្បីទទួលបានរង្វាន់នេះក៏ដោយ។ 

លោក ត្រាំ និយាយលេងសើចថា «រង្វាន់នេះប្រហែលបានទៅលើអ្នកនិពន្ធវិញ ខ្ញុំនឹងប្រាប់អ្នកថា វាគឺជាការប្រមាថដ៏ធំមួយដល់ប្រទេសរបស់យើង។ ខ្ញុំមិនចង់បានវាទេតែខ្ញុំចង់ឲ្យប្រទេសជាតិទទួលបានវា។ យើងមានសមិទ្ធផលចំនួនប្រាំបី ក្នុងរយៈពេលប្រាំបីខែ។ តើអ្នកនឹងឈ្នះរង្វាន់ណូបែលទេ? ច្បាស់ជាមិនបានទេ។ ពួកគេនឹងផ្តល់រង្វាន់នេះទៅឲ្យបុរសម្នាក់ដែលមិនបានធ្វើអ្វីសោះទៅវិញ»។

លោកត្រាំតែងអះអាងម្តងហើយម្តងទៀតថា ខ្លួនគឺជាបេក្ខភាពតែម្នាក់គត់ដែលស័ក្តិសមឈ្នះរង្វាន់ណូបែលសន្តិភាព ព្រោះតែការខិតខំបញ្ចប់សង្គ្រាមជាបន្តបន្ទាប់។

ក្នុងការលើកឡើងរបស់ត្រាំ, សង្គ្រាមដែលលោកជួយបញ្ចប់មានដូចជា អាមេនី-អាស៊ែរបៃហ្សង់, ឥណ្ឌា-ប៉ាគីស្ថាន, អ៊ីស្រាអែល-អ៊ីរ៉ង់, កូសូវ៉ូ-ស៊ែប៊ី និងរួមទាំងជម្លោះកម្ពុជា-ថៃផងដែរ៕

អត្ថបទ៖ សុខ សុវណ្ណ

ចុចអាន៖ សេតវិមាន៖ លោក ត្រាំ បើកចំហ​ជួបលោក គីម ជុងអ៊ុន ដោយមិន​ចាំបាច់​កំណត់​លក្ខខណ្ឌជា​មុន