ជោគជតារាសីមនុស្សឆ្នាំ «ជូត» ក្នុងថ្ងៃចូលឆ្នាំចិន ២០២៦

អ្នកដែលកើតក្នុងឆ្នាំជូត (កណ្ដុរ) មានឆ្នាំ ១៩២៤, ១៩៣៦, ១៩៤៨, ១៩៦០, ១៩៧២, ១៩៨៤, ១៩៩៦, ២០០៨ និង ២០២០ ជាសត្វដំបូងគេនៅក្នុងវដ្តរាសីចក្រនៃឆ្នាំទាំង ១២។ ជាធម្មតា កណ្តុរត្រូវបានផ្សារភ្ជាប់ជាមួយនឹងប្រាជ្ញា ភាពវៃឆ្លាត ទាក់ទាញ និងភាពប៉ិនប្រសប់ពីកំណើត។ អ្នកដែលកើតក្នុងឆ្នាំទាំងនេះត្រូវបានចាត់ទុកថា ជាបុគ្គលមានថាមពល និងមានសុទិដ្ឋិនិយម ដែលជារឿយៗធ្វើឲ្យពួកគេមានប្រជាប្រិយភាពនៅក្នុងរង្វង់សង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ យោងទៅតាមប្រភពពី chineseastrology ដែលជាក្បួនទស្សន៍ទាយហោរាស្រ្តចិន សម្រាប់រាសីក្នុងថ្ងៃសែនចូលឆ្នាំចិន ២០២៦ ឆ្នាំជូតអាចនឹងជួបប្រទះទំនាក់ទំនង ឬប៉ះទង្គិចគ្នាជាមួយទេវតាតៃសួយ (tai sui នៃមែកធាងផែនដី zi ដែលនាំឲ្យមានរយៈពេលនៃភាពងាយរងគ្រោះកាន់តែខ្លាំងឬពេញមួយឆ្នាំតែម្ដង។ ក្នុងនោះ ក៏មានរឿងត្រូវដោះស្រាយច្រើន​ សាច់ញាតិចាស់ទុំមានបញ្ហា​ និងឧស្សាហ៍ឈឺក្បាលញឹកញាប់ដែរ។ ក្នុងអំឡុងពេលនេះ ពួកគេត្រូវតែប្រុងប្រយ័ត្នក្នុងកិច្ចខិតខំប្រឹងប្រែងទាំងអស់ និងចៀសវាងការធ្វេសប្រហែសណាមួយ។ ជាពិសេស ការប៉ះទង្គិចគ្នានេះ ទំនងជាជួបប្រទះនឹងឧបសគ្គក្នុងកិច្ចការរបស់ពួកគេ។

អាជីពឬការប្រកបមុខរបរផ្សេងៗនៅឆ្នាំថ្មីនេះ បុគ្គលឆ្នាំជូតត្រូវប្រុងប្រយ័ត្នខ្ពស់ ដោយសារតែភាពស៊ីសង្វាក់គ្នារវាងឆ្នាំកំណើតនៃទេវតាតៃសួយ ពួកគេអាចពិចារណាផ្លាស់ប្តូរការងារភ្លាមៗ។ ប៉ុន្តែ រាល់ការសម្រេចចិត្តបែបនេះ គួរតែធ្វើឡើងតែបន្ទាប់ពីពិចារណាយ៉ាងប្រុងប្រយ័ត្នប៉ុណ្ណោះ។ ចៀសវាងការលាលែងពីតំណែងដោយមិនបានគិតទុកជាមុន ព្រោះវាអាចនាំឲ្យអត់ការងារធ្វើរយៈពេលយូរ។ បើគ្មានប្រភពចំណូលដែលមានស្ថេរភាពទេ ជីវិតរបស់ពួកគេអាចក្លាយជាបញ្ហាប្រឈមជាពិសេស។

ងាកមកកាន់ទ្រព្យសម្បត្តិ និងហិរញ្ញវត្ថុក្នុងចន្លោះពេលចូលឆ្នាំចិន អាចនឹងមានសភាពប្រែប្រួលបន្តិច! កំឡុងពេលនេះ វាមានសារៈសំខាន់ណាស់ក្នុងការផ្តោតលើការបង្កើនប្រាក់ចំណូល និងកាត់បន្ថយការចំណាយផ្សេង។ ការខ្ជះខ្ជាយឥតប្រយោជន៍ ហើយការទិញដែលមិនចាំបាច់ទៀតសោត ក៏ត្រូវតែកាត់បន្ថយដែរ។ រាល់ប្រាក់ដែលបានសន្សំគួរតែត្រូវបានប្រមូលផ្តុំយ៉ាងយកចិត្តទុកដាក់ ដើម្បីរក្សាស្ថិរភាពស្ថានភាពបច្ចុប្បន្ន និងឆ្លងកាត់ការលំបាកដោយជោគជ័យ។

ចំពោះទំនាក់ទំនងស្នេហាវិញ ពួកគេនឹងប្រឈមមុខនឹងការឡើងចុះមួយចំនួនក្នុងជីវិតស្នេហា។ កណ្ដុរនៅលីវអាចជួបប្រទះនឹងឱកាសស្នេហាជាច្រើន ប៉ុន្តែទាំងនេះច្រើនតែត្រូវបានហ៊ុំព័ទ្ធដោយទំនាក់ទំនងមិនល្អ មិនត្រឹមតែមិនអាចនាំមកនូវសុភមង្គលប៉ុណ្ណោះទេ ថែមទាំងអាចរារាំងទៀតផង។ នៅពេលជ្រើសរើសដៃគូ ត្រូវចេះប្រើកែវភ្នែកសម្លឹងមើល ជាជាងប្រើបេះដូងទាំំងងងឹតងងល់។ ចំណែក អ្នករៀបការរួចត្រូវប្រុងប្រយ័ត្នជាពិសេស ព្រោះជម្លោះរវាងបុរសនិងស្ត្រីអាចកើតឡើង ហើយការជ្រៀតជ្រែកពីភាគីទីបីអាចកើតឡើងដូចគ្នា។ ការរក្សាវិន័យខ្លួនឯងក្នុងអាពាហ៍ពិពាហ៍គឺមានសារៈសំខាន់ដើម្បីការពារអារម្មណ៍មិនសមរម្យពីការប៉ះពាល់ដល់ទំនាក់ទំនងទាំងសងខាង។

ទាក់ទងនឹងសុខភាពនៅឆ្នាំនេះ ពោលគឺមានស្ថិរភាពល្អសម្រាប់អ្នកដែលកើតក្នុងឆ្នាំកណ្តុរ ដោយមិនមានជំងឺធ្ងន់ធ្ងរណាមួយមកបៀតបៀនលើអ្នកឡើយ។ ប៉ុន្តែ ក្នុងអំឡុងពេលផ្លាស់ប្តូរអាកាសធាតុ ពួកគេគួរតែការពារខ្លួនពីជំងឺផ្តាសាយ និងគ្រុនផ្តាសាយជាដើម។ ក្នុងជីវិតប្រចាំថ្ងៃ ដូចជាការទៅកន្លែងហាត់ប្រាណ ហែលទឹក ឬលេងបាល់ទះ នឹងជួយពង្រឹងរាងកាយកាន់តែប្រសើរឡើងសម្រាប់បញ្ហាប្រឈមនាពេលអនាគត។ សម្រាប់ការបើកបរផ្លូវឆ្ងាយក្ដីជិតក្ដី មនុស្សដែលស្ថិតនៅក្រោមសញ្ញាកណ្តុរ ត្រូវបានណែនាំឲ្យព្យួរគ្រឿងតុបតែងលើកញ្ចក់មើលក្រោយ ជារូបតំណាងភ្នែកខ្លាមួយគូ (Pi Xiu) នៅក្នុងឡានរបស់ពួកគេ។ ជ្រើសរើសខ្សែដៃនាំសំណាងក្នុងរាសីចក្រចិន ដើម្បីជួយអ្នកឲ្យបង្កើនសំណាង និងបណ្តេញវិញ្ញាណអាក្រក់ក្នុងជីវិតប្រចាំថ្ងៃ៕

គ្រូ ណុប

បើ​ធូប​បង្ហាញ​សញ្ញា​ណាមួយ មានន័យថា សំណាងល្អ និង​ទ្រព្យសម្បត្តិ​ ហូរចូល​ដល់​ក្នុងផ្ទះ​