សុបិនបានរើទៅនៅផ្ទះថ្មី មានអត្ថន័យ និងប្រផ្នូលយ៉ាងណា

យល់សប្តិឃើញផ្ទះថ្មីតំណាងឱ្យអនាគតបង្ហាញថាបំណងប្រាថ្នាក្នុងការធ្វើឲ្យប្រសើរឡើងនូវជីវិតរស់នៅកំពុងចាប់ផ្តើមក្លាយជាការពិត។

យល់សប្តិឃើញ​ផ្ទះថ្មីក៏ទាយទុកជាមុននូវការវិនិយោគដ៏ឆ្លាតវៃទាក់ទងនឹងអាជីព ឬ​ឱកាសការងារថ្មីដែលឈានទៅ​ធ្វើការកែលម្អជំហរហិរញ្ញវត្ថុបច្ចុប្បន្នរបស់អ្នកឱ្យប្រសើរឡើងដែរ។

បើឃើញយើង​កំពុងសាងសង់ផ្ទះថ្មីវិញ បង្ហាញថាអ្នកនឹងធ្វើអ្វីមួយទៀតនៅក្នុងជីវិតដែលនឹងធ្វើឱ្យមានមោទនភាព ជាសញ្ញាតឿនថា គួរតែចាប់ផ្តើមដើរតាមបេះដូងជំនួសគំនិតរបស់អ្នក។

ផ្លាស់ទៅផ្ទះថ្មីនៅក្នុងក្តីសុបិនមានន័យថាកំពុងឈានចូលដំណាក់កាលថ្មីក្នុងជីវិតពិត។ អ្នកកំពុងទុកអតីតកាលចោល ហើយត្រៀមខ្លួនជាស្រេចសម្រាប់ការផ្លាស់ប្តូរដ៏ធំមួយ។
ក្តីសុបិនរើនៅផ្ទះថ្មី អាចមានអត្ថន័យផ្សេងទៀត​យោងតាមធាតុនីមួយៗដែលយើងឃើញ​។ ផ្ទះតំណាងឱ្យអារម្មណ៍ផ្ទាល់ខ្លួនរបស់យើងនៅក្នុងជីវិត។ ជាទូទៅ​ឃើញបាន​ផ្ទះស្អាត​ក្នុងក្តីសុបិនជានិមិត្តរូបនៃការទទួលបានអ្វីធំដែលគ្រប់គ្នា​រមែង​តែងតែ​ចង់បាន។

រចនាបថនៃផ្ទះក្នុងក្តីសុបិនដែលមានភាពទាក់ទាញខ្លាំងអាច ផ្ដល់យោបល់ជាមុនថាអ្នកនឹងជួបស្ថានភាពដែលជោគជ័យបន្តទៅមុខ។

ឃើញផ្ទះដែលមាន​ផ្កាចម្រុះពណ៌ផ្ការីកត្រសុំជាតំណាងនៃវិបុលសុខ សុភមង្គល៕

គ្រូ ឯម

ចុចអាន៖ សុបិនឃើញលុយជាប្រផ្នូលវិជ្ជមានផ្សារភ្ជាប់ជាមួយការរីកចម្រើន

ចុចអាន៖ អត្ថន័យ​នៃ​ការ​យល់​សុបិន​ឃើញពស់ពណ៌ខ្មៅ