វប្បធម៌ ជំនឿ

គួរស្លៀកពាក់ថ្មី និងមិនគួរ នៅថ្ងៃណា ទើបនាំទ្រព្យ នាំលាភសំណាងដល់ខ្លួនឯង

បានផុស

៤ years មុន

នៅ

ថ្ងៃព្រហស្បតិ៍ ២៦ ឧសភា ២០២២

ដោយ

យោងតាមជំនឿបុរាណ បន្ទាប់ពីទិញសំលៀកបំពាក់ថ្មី ចាស់ៗពីដើមលោកជឿណាស់ថា គួរតែមានថ្ងៃល្អណាមួយ ដើម្បីស្លៀកនាំភាពសុខសប្បាយដល់ខ្លួន។ ព្រោះសំលៀកបំពាក់ដូចជាគ្រឿងតុបតែង ដើម្បីបង្កើនភាពទាក់ទាញដល់មនុស្សជាទីស្រឡាញ់ ទាញទ្រព្យសម្បត្តិ នាំលាភសំណាង និងសុភមង្គល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះដែរ គេក៏ហាមមិនឲ្យយើងស្លៀករបស់ថ្មី ក្នុងថ្ងៃមិនល្អប្រសើរ ព្រោះអាចនាំគ្រោះនិងភាពស៊យដល់ខ្លួនវិញ។

ថ្ងៃអាទិត្យ

បើតាមជំនឿគេជឿថា បើអ្នកស្លៀកសំលៀកបំពាក់ថ្មីថ្ងៃនេះ នោះនឹងធ្វើឲ្យអ្នកឆាប់ទទួលបានជ័យជម្នះ រាល់ការបរាជ័យនឹងចេញឆាប់ ជួយបង្កើតភាពលេចធ្លោ និងកិត្តិនាមមានដល់ខ្លួនឯង។

ថ្ងៃច័ន្ទ

បើអ្នកស្លៀកសំលៀកបំពាក់ថ្មីថ្ងៃនេះ នឹងបង្កើនភាពទាក់ទាញ មានគេស្រលាញ់រាប់អានច្រើនៗ។

ថ្ងៃអង្គារ

អ្នកមិនគួរស្លៀកពាក់របស់ថ្មីនៅថ្ងៃនេះទេ។ ព្រោះគេជឿថា អាចនាំឲ្យមានទុក្ខ មានរឿងដែលត្រូវអាក់អន់ចិត្ត រហូតដល់មានភាពមិនស្រួល មានជម្លោះ រហូតបែកបាក់សាមគ្គីគ្នាមិនខាន។

ថ្ងៃពុធ

គេជឿថា បើអ្នកស្លៀកសំលៀកបំពាក់ថ្មីថ្ងៃនេះ អ្នកនឹងរកឃើញសុភមង្គល ហើយបានជួបតែរឿងល្អៗចូលមក ក្នុងឆាកជីវិតមួយនេះ។

ថ្ងៃព្រហស្បតិ៍

គេជឿថា បើអ្នកស្លៀកសំលៀកបំពាក់ថ្មីថ្ងៃនេះ នឹងរកឃើញក្ដីសង្ឃឹម តាមដែលអ្នកចង់បាន ជាពិសេសរាល់ការប៉ងប្រាថ្នានឹងឆាប់ទទួលបានជោគជ័យ។

ថ្ងៃសុក្រ

គេជឿថា បើអ្នកស្លៀកសំលៀកបំពាក់ថ្មីថ្ងៃនេះ វានឹងជួយដោះស្រាយរាល់បញ្ហាជាប់គាំងលុយកាក់ ជួយបង្កើនទ្រព្យសម្បត្តិ ឲ្យហូរមកកាន់តែច្រើន។

ថ្ងៃសៅរ៍

អ្នកមិនគួរស្លៀកពាក់ថ្មីនៅថ្ងៃនេះទេ។ ព្រោះគេជឿថា នាំឲ្យកើតទុក្ខ ឈឺថ្កាត់ មានរបួសស្នាម និងការឈឺចាប់មិនលោះពេល។

យ៉ាងណាមិញ ខាងលើនេះ គ្រាន់តែជំនឿដែលមានពីបុរាណកាលមក អ្វីដែលអ្នកអាចធ្វើបាន គឺចិត្តជ្រះថ្លា និងការផ្ដល់ក្ដីសុខឲ្យខ្លួនឯងតែប៉ុណ្ណោះ៕

គ្រូ ណុប

ចុចអាន៖ក្នុងជីវិត គួរដាក់ត្បូងទាំងនេះជាប់ខ្លួន ព្រោះគេជឿថា ជួយការពារពីគ្រោះថ្នាក់ផ្សេងៗ

ចុចអាន៖ប្រជ្រុយលើច្រមុះ ៤ ទីតាំង នេះ ចាស់ៗថា សំណាងល្អខ្លាំង ក្នុងឆាកជីវិត