វប្បធម៌ ជំនឿ
យល់សប្ដិ ៨ ប្រភេទ ចាស់ៗជឿថា នាំលាភសំណាងឲ្យដល់ជីវិត
នៅពេលគេងលក់ គ្រប់គ្នាប្រាកដជាមានសុបិន ហើយជឿថា សុបិនគឺជាប្រផ្នូលមួយដែលនាំឲ្យដឹងមុន។ ដូច្នេះថ្ងៃនេះ គ្រូ ណុប បានចងក្រងនូវសុបិន៨ប្រភេទ ដែលពិពណ៌នាអំពីរឿងរ៉ាវ និងបញ្ជាក់ឲ្យយើងបានដឹងហេតុការណ៍មុនផងដែរ។
យល់សប្ដិឃើញស្ត្រីចម្លែក
ប្រសិនបើអ្នកយល់សប្ដិបានជួបឬនិយាយ និងធ្វើអ្វីមួយរួមគ្នាជាមួយស្ត្រីចម្លែកម្នាក់ មានន័យថា អ្នកនឹងទទួលបានដំណឹងល្អអំពីការងារ ឬហិរញ្ញវត្ថុពាក់ព័ន្ធនឹងស្ត្រី ឬទទួលបានដំណឹងល្អពីស្ត្រី បើអ្នកចង់ប្រថុយសំណាង ឬធ្វើរឿងហិរញ្ញវត្ថុ នោះល្អណាស់ក្នុងពេលនេះ។
យល់សប្ដិឃើញព្រះបរមរាជវាំង
យល់សប្ដិឃើញខ្លួនឯងបានឈរមើលព្រះបរមរាជវាំង ឬបានចូលព្រះបរមរាជវាំង ទស្សន៍ទាយថា អ្នកនឹងត្រូវបានដំឡើងឋានៈ ការងារនឹងរីកចម្រើនកាន់តែខ្លាំង។ ប្រសិនបើអ្នកមានអាជីពក្នុងការជួញដូរ ទីតាំងរបស់អ្នក នឹងមានស្ថិរភាពលឿនជាងអ្វីដែលអ្នកគិត។
យល់សប្ដិឃើញវិហារ ឬវត្ថុសក្តិសិទ្ធិ
ប្រសិនបើអ្នកយល់សប្ដិថាខ្លួនឯងបានទៅដល់កន្លែងសក្តិសិទ្ធិដើម្បីធ្វើបុណ្យ ឬទៅគោរពព្រះសង្ឃដែលគង់នៅលើវិហារ ទស្សន៍ទាយថា អ្នកនឹងរួចផុតពីគ្រោះចង្រៃទាំងឡាយ ការងារដែលធ្លាប់មានបញ្ហានឹងបានដោះស្រាយដោយធូររលុង ហើយថែមទាំងមានការងារថ្មីមកទៀតផង។ ចំណែកបញ្ហាហិរញ្ញវត្ថុ អ្នកនឹងទទួលបានលាភសំណាងច្រើន ពីវត្ថុស័ក្ដិសិទ្ធិមកវិញ។
យល់សប្ដិឃើញត្រី
ឃើញត្រី ឬសុបិនថាបានចាប់ត្រី វាត្រូវបានចាត់ទុកថាជាសុបិនល្អ និងត្រឹមត្រូវទាក់ទងនឹងសំណាងនៃផ្នែកហិរញ្ញវត្ថុ។ អ្នកនឹងមានសំណាង មួយដែលមិននឹកស្មានដល់ ប៉ុន្តែវានឹងមានតិច ឬច្រើនអាស្រ័យលើចំនួនត្រីដែលចាប់បានក្នុងសុបិនរបស់អ្នក។
យល់សប្ដិឃើញបក្សីឬសត្វស្លាបផ្សេងទៀត
ប្រសិនបើក្នុងសុបិនឃើញ ឬចាប់សត្វស្លាប ឬបក្សីហើរមករកអ្នក នោះគេអាចទស្សន៍ទាយបានថា នឹងមានមនុស្សណាម្នាក់បាននាំយកការងារមកឲ្យ ដោយមិនចាំបាច់ទៅរកវាឡើយ ឬម្យ៉ាងទៀតវាមានន័យថា សំណាងច្រើននឹងមកដោយមិននឹកស្មានដល់។
យល់សប្ដិចង់សម្លាប់នរណាម្នាក់
ប្រសិនបើអ្នកសុបិនថាអ្នកសម្លាប់នរណាម្នាក់ ឬកាត់ក្បាលអ្នកដទៃ វាជាសុបិនចម្លែក និងគួរឲ្យខ្លាច ផ្អែកតាមការទស្សន៍ទាយថា អ្នកនឹងជោគជ័យក្នុងការងារ មានអំណាច និងកិត្យានុភាព ទទួលបានឋានៈថ្មី ឬទទួលបានឱកាសល្អពីថៅកែ។
យល់សប្ដិយល់សប្ដិឃើញពន្លឺ
ប្រសិនបើអ្នកសុបិនចង់ឃើញពន្លឺ ទោះបីយ៉ាងណាក៏ដោយ ទាយថាការងារ ឬមុខរបរដែលកំពុងធ្វើ នឹងរីកដូចកាំជ្រួច នឹងទទួលបានជោគជ័យដ៏អស្ចារ្យក្នុងជីវិត
យល់សប្ដិឃើញសរីរាង្គសម្ងាត់
ប្រសិនបើអ្នកយល់សប្ដិឃើញសរីរាង្គសម្ងាត់ដូចជា ប្រដាប់ភេទ គូទ ក្បាលសុដន់ មិនថាប្រុសឬស្រីទេ អាចទាយបានថា អ្នកសុបិននឹងមានសំណាងធំ ឬទទួលបានគម្រោងធំ។ ប៉ុន្តែកុំប្រាប់អ្នកណាឲ្យសោះ ព្រោះធ្វើបែបនេះនឹងធ្វើឲ្យសំណាងបាត់ទៅវិញ។
ទោះយ៉ាងណា មិនថាសុបិនត្រូវបានចាត់ទុកថាជាប្រផ្នូលដ៏ល្អក្ដី។ តែកុំភ្លេចធ្វើបុណ្យដាក់ទាននិងធ្វើតែអំពើល្អឲ្យបានច្រើនៗ ជាជាងទៅច្រណែនឈ្នានីសគេ នាំឲ្យខាតបុណ្យ ហើយការយល់សប្ដិក៏មិនបានពិតដូចទិដ្ឋភាពជួបដែរ៕
គ្រូ ណុប
ចុចអាន៖យល់សប្ដិឃើញនាឡិកាដៃ ជាប្រផ្នូលនាំលាភសំណាងផ្នែកលុយកាក់
ចុចអាន៖ឃើញមច្ឆាក្នុងយល់សប្ដិ បំណងប្រាថ្នានឹងសម្រេច ឯអាជីពនឹងផ្លាស់ប្ដូរ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង