ប្រសិនបើយល់សប្តិឃើញខ្លួនឯងអង្គុយបត់ជើងធំតែម្នាក់ឯងក្ដី ឬអង្គុយទល់មុខអ្នកដទៃក្ដី អត្ថន័យរបស់វាគឺ៖

ទិដ្ឋភាពទូទៅនៃស្នេហា ឬជីវិតគូ

យោងទៅតាមការបកស្រាយពីសៀវភៅសុបិន បុរាណបានចែងថា អ្នកនឹងកើតជម្លោះជាមួយគូស្នេហ៍ ឬគូស្នេហ៍របស់អ្នកកំពុងមិនស្រណុកក្នុងចិត្ត ដោយសារមនុស្សជិតដិតរបស់គេអេចអូចនៅពីក្រោយខ្នងអ្នក។ ប៉ុន្តែប្រសិនបើអ្នកទាំងពីរ មិនរក្សាគម្លាតពីគ្នាពេក និងឧស្សាហ៍ធ្វើបុណ្យរួមគ្នា បញ្ហាឬឧបសគ្គទាំងឡាយនឹងមិនអាចកើតឡើងលើវិថីជីវិតគូរបស់អ្នកឡើយ។

ទិដ្ឋភាពទូទៅនៃហិរញ្ញវត្ថុ ឬការងារ

ចំពោះបញ្ហាការងារ ឬអាជីពនានា ប្រសិនយល់សប្តិឃើញបត់ជើងធំ មានន័យថា អ្នកនឹងពើបប្រទះនឹងរឿងឈឺក្បាលមិនចេះចប់មិនចេះហើយជាមួយមេកោយ។ យ៉ាងណាក្ដី បើអ្នកអាចអត់ទ្រាំនឹងភាពនឿយហត់ ហ៊ានលះបង់ ឧស្សាហ៍ព្យាយាម ហើយព្រមអត់ធ្មត់ច្រើនជាងនេះ អ្នកនឹងទទួលរង្វាន់ធំ ដែលនឹកស្មានមិនដល់។  ទោះយ៉ាងណា បញ្ហាហិរញ្ញវត្ថុ យល់សប្តិនេះ មិនមែនជាប្រផ្នូលល្អទេ អ្នកអាចជំពាក់ជំពិននឹងបំណុល ដោយសារគិតមិនវែងឆ្ងាយលើការចាយវាយ៕

អត្ថបទ៖ សន្យា

ចុចអាន៖ យល់សប្ដិឃើញ “យមទូត” ជាប្រផ្នូលនៃសេចក្ដីស្លាប់ឬ?

ចុចអាន៖ សុបិនឃើញមនុស្សស្រីអាក្រាតកាយ ជីវិតពិតនឹងជួបវិបត្តិ