ឆ្នាំទាំង ៧ រាសីមិនសមប្រកប កំលុងបុណ្យភ្ជុំបិណ្ឌ

ខាងក្រោមនេះជាហោរាសាស្ត្រគិតតាមឆ្នាំចន្ទគតិរបស់ចិនសម្រាប់មនុស្សកើតឆ្នាំជូត ខាល រោង មមី មមែ រកា និងច ដែលជាឆ្នាំមានរាសីមិនសមប្រកប ក្នុងកំលុងបុណ្យភ្ជុំបិណ្ឌ ពោលចាប់ពីថ្ងៃទី១២-១៤ ខែតុលា ឆ្នាំ២០២៣។

ឆ្នាំជូត (កណ្ដុរ)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រាសីជីវិត​អ្នក​ត្រូវ​ជួប​រឿង​ច្របូកច្របល់​ខ្លាំង ​ដោយសារ​ឥទ្ធិពល​របស់ផ្កាយគ្រោះ។ អ្នកដែលធ្លាប់មានជំងឺធ្ងន់ធ្ងរពីមុន ស្ថានភាពជំងឺអាចរើឡើងវិញ។ ចូរស្វែងរកការពិនិត្យ និងព្យាបាលឲ្យបានឆាប់រហ័ស នៅពេលដែលមានអារម្មណ៍មិនស្រួល ហើយទៅមន្ទីរពេទ្យពិនិត្យសុខភាពជាប្រចាំ ព្រមទាំងលេបថ្នាំតាមវេជ្ជបញ្ជា។

ស្ត្រី​កើត​ឆ្នាំ​ជូត ចូរ​ព្យាយាម​កុំ​ចេញ​ក្រៅ​ពេល​យប់​ក្នុងអំឡុងពេល​នេះ ព្រោះ​អាច​ប្រឈម​នឹង​គ្រោះថ្នាក់​ចរាចរណ៍។

ឆ្នាំខាល (ខ្លា)

ខ្លាមានរាសី​ស្រុតចុះ​ក្នុង​រយៈពេលប៉ុន្មានថ្ងៃ​នេះ​។ អ្នក​នៅ​លីវ នឹង​មិនអាចរកបានទំនាក់ទំនង​ផ្អែមល្ហែមជាមួយគ្នាឡើយ​ ពោលភាពរកាំរកូសនឹងកើតមានឡើងនៅក្នុងទំនាក់ទំនងស្នេហា។ ទោះយ៉ាងណា ជីវិតស្នេហារបស់អ្នកមិនអាក្រក់រហូតបែកបាក់គ្នានោះទេ ត្បិតថាអ្នកទាំងពីរមានឱកាសឈានដល់ចំណងអាពាហ៍ពិពាហ៍នៅពេលខាងមុខ។

ចំពោះជីវិតប្ដីប្រពន្ធនឹងកើតមានរឿងមិនសប្បាយចិត្តជាមួយគ្នាដោយសារខ្វះការយកចិត្តដាក់ឱ្យគ្នាទៅវិញទៅមក។

ឆ្នាំរោង (នាគ)

ទ្រព្យធនរបស់នាគមិនល្អនោះទេ ក្នុងកំលុងពេលនេះ។ នាគងាយប្រឈមនឹងការក្ស័យធន និងខាតលុយច្រើន។ ចូរប្រយ័ត្នខ្ពស់បំផុតរាល់ការចំណាយទាំងឡាយ រួមទាំងការឱ្យ គេខ្ចីបុល។

លើសពីនេះ នាគត្រូវមានការប្រុងប្រយ័ត្នបន្ថែមទៀតនៅពេលវិនិយោគ កុំដោយសារតែប្រាក់ចំណេញបណ្តោះអាសន្ន ព្រមប្រថុយជាមួយមនុស្សមិនស្គាល់ច្បាស់ ព្រោះលទ្ធផលចុងក្រោយនឹងមានតែលុយហូរចេញប៉ុណ្ណោះ។

ឆ្នាំមមី (សេះ)

រាសីសេះ តាមប្រតិទិនចន្ទគតិនឹងមានភាពច្របូកច្របល់បន្តិច។ ក្នុងអំឡុងពេលនេះ អ្នក ត្រូវប្រយ័ត្នលើរឿងជាច្រើន ជាពិសេសសុខភាពងាយរងឥទ្ធិពលពីផ្កាយព្រះគ្រោះ។  ដូច្នេះចូរចាប់ផ្ដើមបង្កើតទម្លាប់ហាត់ប្រាណឲ្យបានច្រើនដើម្បីបង្កើនភាពធន់នៃប្រព័ន្ធភាពស៊ាំ។

ឆ្នាំមមែ (ពពែ)

យោងតាមការទស្សន៍ទាយតាមប្រតិទិនតាមចន្ទគតិ ពពែមានរាសីមិនសូវល្អឡើយ។ បុគ្គលិកការិយាល័យងាយរងគ្រោះខ្លាំងចំពោះវិបត្តិផ្ទេរការងារ។ ការផ្លាស់ប្តូរភ្លាមៗនៅក្នុងក្រុមហ៊ុននឹងធ្វើឱ្យអ្នកមិនអាចសម្របខ្លួនបាន ហើយអ្នកគួរតែស្វែងរកជំនួយឱ្យបានឆាប់រហ័សនៅពេលជួបអ្វីមួយដែលខ្លួនមិនយល់។ បើមិនដូច្នោះទេ ភាពច្របូកច្របល់ក្នុងរយៈពេលយូរនឹងបង្កឱ្យមានសម្ពាធកាន់តែខ្លាំងលើអ្នក និងប៉ះពាល់ដល់វឌ្ឍនភាពនៃការងារថែមទៀតផង។

ពពែ​ក៏​ត្រូវ​យក​ចិត្ត​ទុក​ដាក់​ចំពោះ​សុខភាពផងដែរ ព្រោះអ្នកនឹងងាយរងគ្រោះដោយគ្រោះថ្នាក់ក្នុងអំឡុងពេលនេះ។ ដើម្បី​ប្រឆាំង​នឹង​សំណាង​អាក្រក់ ចូរ​ធ្វើ​លំហាត់​ប្រាណ​បន្ថែម​ទៀត ​បន្ទាប់​ពី​ធ្វើ​ការ​ដើម្បី​ពង្រឹងសុខភាព​រាង​កាយ​។

ឆ្នាំរកា​ (មាន់)

ការទស្សន៍ទាយរាសីចក្រចិនរបស់មាន់ ​ក្នុងកំលុងបុណ្យភ្ជុំបិណ្ឌ មិនល្អនោះទេ។ អ្នកនឹងជួបប្រទះនូវបញ្ហាសុខភាព ជាពិសេសនៅក្នុងពោះវៀន។ នៅចូរកាត់បន្ថយការទទួលទានអាហារត្រជាក់ ឬហឹរខ្លាំង ដើម្បីសុខភាពខ្លួនឯង។

នៅក្នុងពេលនេះ មាន់ចាំបាច់កាត់បន្ថយការចំណាយដែលមិនចាំបាច់ ដើម្បីចៀសវាងហានិភ័យនៃការក្ស័យធន ឬបង់ទ្រព្យទាំងមិនដឹងខ្លួន។

ឆ្នាំច (ឆ្កែ)

រាសី​ក្នុង​ការងារ​របស់​អ្នកធ្លាក់ចុះ​នៅកំលុងបុណ្យភ្ជុំបិណ្ឌនេះ។ អ្នកត្រូវតែមានការប្រុងប្រយ័ត្នក្នុងការគ្រប់គ្រងឯកសារកិច្ចសន្យា ដើម្បីកុំឱ្យចាញ់បោកគេ ឬហានិភ័យដែលធ្វើឱ្យក្រុមហ៊ុនរបស់អ្នកខាតបង់ធំ៕

អត្ថបទ៖ សន្យា

ចុចអាន៖ អ្នកកើតនៅចន្លោះម៉ោងប៉ុន្មាននេះ ជោគវាសនាច្រើនភ្ជាប់ជាមួយទេវតាទ្រព្យ