សេដ្ឋកិច្ច

ក្រុមហ៊ុនអាកាសចរណ៍ Firefly Airlines របស់ម៉ាឡេស៊ី តភ្ជាប់ជើងហោះហើរត្រង់មកខេត្តសៀមរាបនាដំណាច់ខែវិច្ឆិកានេះ

បានផុស

៨ ខែ មុន

នៅ

ថ្ងៃអង្គារ ១៨ វិច្ឆិកា ២០២៥

ដោយ

ក្រុមហ៊ុនអាកាសចរណ៍ Firefly Airlines របស់ប្រទេសម៉ាឡេស៊ីនឹងធ្វើការតភ្ជាប់ជើងហោះហើរត្រង់ពីទីក្រុងកូឡាឡាំពួរ មកកាន់ខេត្តសៀមរាប (SAI) ចាប់ពីថ្ងៃទី២៧ ខែវិច្ឆិកា ឆ្នាំ២០២៥ ហើយរំពឹងថា នឹងមានការតភ្ជាប់ជើងហោះហើរថ្មី ២ បន្ថែមទៀត ត្រឹមដំណាច់ឆ្នាំ ២០២៥។

ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រី ទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យនៃរដ្ឋលេខាធិការដ្ឋានអាកាសចរណ៍ស៊ីវិលមានប្រសាសន៍ថា នេះជាផ្លែផ្កាថ្មីមួយទៀត ក្រោមការដឹកនាំតម្រង់ទិសរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងកិច្ចខិតខំប្រឹងប្រែងរបស់រដ្ឋលេខាធិការដ្ឋានអាកាសចរណ៍ស៊ីវិល ក្រសួងទេសចរណ៍ និងស្ថាប័នពាក់ព័ន្ធនានា។

ក្រុមហ៊ុនអាកាសចរណ៍ Firefly Airlines ជាក្រុមហ៊ុនបុត្រសម្ព័ន្ធរបស់ក្រុមហ៊ុនអាកាសចរណ៍ Malaysia Airlines មានមូលដ្ឋាននៅប៉េណាង (Penang) និងស៊ូបាង (Subang) ប្រទេសម៉ាឡេស៊ី ដែលបច្ចុប្បន្នកំពុងប្រតិបត្តិការហោះហើរដឹកជញ្ជូនអ្នកដំណើរ ទៅកាន់ប្រទេស ថៃ, សឹង្ហបុរី, និងឥណ្ឌូនេស៊ី។

ក្រុមហ៊ុននេះនឹងធ្វើការហោះហើរត្រង់រវាង Kuala Lumpur–Siem Reap (SAI) ចំនួន ៣ ជើងក្នុងមួយសប្តាហ៍ ពោលគឺរៀងរាល់ថ្ងៃអង្គារ ព្រហស្បតិ៍ និងសៅរ៍ ដោយប្រើយន្តហោះប្រភេទ Boeing737-800 ដែលមានជើងហោះហើរលេខ FY3520 (KUL–SAI) និង FY3521 (SAI–KUL)។

បន្ទាប់ពីជើងហោះហើរត្រង់ពីទីក្រុងកូឡាឡាំពួរ-សៀមរាប (SAI) របស់ក្រុមហ៊ុនអាកាសចរណ៍ Firefly, អាកាសយានដ្ឋានអន្តរជាតិសៀមរាបអង្គរ (SAI) នឹងមានក្រុមហ៊ុនអាកាសចរណ៍ប្រតិបត្តិការហោះហើរចំនួន ១៣ ក្រុមហ៊ុន នឹងក្លាយជាជើងហោះហើរថ្មី កូឡាឡាំពួរ-សៀមរាប ហើយរំពឹងថានឹងទទួលបានក្រុមហ៊ុនអាកាសចរណ៍ថ្មីចំនួន ២ បន្ថែមទៀត មាន T’way និងAir Busan ត្រឹមដំណាច់ឆ្នាំ២០២៥៕