សេដ្ឋកិច្ច

កំពង់ផែស្វយ័តក្រុងព្រះសីហនុជោគជ័យក្នុងការតេស្ដសាកល្បងរបាយការណ៍ចីរភាព

បានផុស

៨ ខែ មុន

នៅ

ថ្ងៃពុធ ២៦ វិច្ឆិកា ២០២៥

ដោយ

កំពង់ផែស្វយ័តក្រុងព្រះសីហនុ ជោគជ័យក្នុងការតេស្ដសាកល្បងរបាយការណ៍ចីរភាពក្រោមជំនួយបច្ចេកទេសរបស់ធនាគារពិភពលោក ក្នុងការបង្ហាញព័ត៌មានចីរភាពរបស់កំពង់ផែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅល្ងាចថ្ងៃទី២៦ ខែវិច្ឆិកា ឆ្នាំ២០២៥ នេះ និយ័តករមូលបត្រកម្ពុជា បានចេញសេចក្តីប្រកាសព័ត៌មានមួយ ដើម្បីអបអរសាទរដល់កំពង់ផែស្វយ័តក្រុងព្រះសីហនុដែលជាបុគ្គលចុះបញ្ជីលក់មូលបត្រដែលបានចូលរួមក្នុងផែនការតេស្ដសាកល្បងរៀបចំរបាយការណ៍ចីរភាពក្រោមជំនួយបច្ចេកទេសរបស់ធនាគារពិភពលោក និងបានជោគជ័យក្នុងការអនុវត្តកាតព្វកិច្ចបង្ហាញព័ត៌មានចីរភាពរបស់កំពង់ផែស្វយ័តក្រុងព្រះសីហនុដោយស្ម័គ្រចិត្តស្របតាមប្រកាសស្ដីពីការបង្ហាញព័ត៌មានចីរភាព។

ការបង្ហាញព័ត៌មានចីរភាពរបស់កំពង់ផែស្វយ័តក្រុងព្រះសីហនុនេះឆ្លុះបញ្ចាំងឱ្យឃើញពីការប្ដេជ្ញាចិត្តរបស់កំពង់ផែស្វយ័តក្រុងព្រះសីហនុចំពោះអភិបាលកិច្ចសាជីវកម្មល្អ តម្លាភាព និងក៏ជាការចូលរួមជាមួយរាជរដ្ឋាភិបាលកម្ពុជាក្នុងកិច្ចការបរិស្ថាន សង្គម និងអភិបាលកិច្ច ដើម្បីសម្រេចបានគោលដៅអព្យាក្រឹត្យកាបូននៅឆ្នាំ២០៥០ ផងដែរ៕