ព័ត៌មានអន្ដរជាតិ

តម្លៃប្រាក់ដុល្លារអាមេរិកឆ្នាំនេះ អាចធ្លាក់ចុះខ្លាំងបំផុតក្នុងរយៈពេលជាង ២០ ឆ្នាំ

បានផុស

៧ ខែ មុន

នៅ

ថ្ងៃព្រហស្បតិ៍ ២៥ ធ្នូ ២០២៥

ដោយ

តម្លៃប្រាក់ដុល្លាររបស់សហរដ្ឋអាមេរិកប្រចាំឆ្នាំ ២០២៥ អាចនឹងធ្លាក់ចុះខ្លាំងបំផុតរាប់តាំងពីឆ្នាំ ២០០៣ ចំពេលវិនិយោគិនបន្តរំពឹងថា ធនាគារកណ្ដាលសហព័ន្ធអាមេរិក (Fed) នឹងកាត់អត្រាការប្រាក់បន្ថែមទៀតនៅឆ្នាំក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ទីភ្នាក់ងារសារព័ត៌មានរ៉យទ័រ តម្លៃប្រាក់ដុល្លារនៅតែខ្សោយពេលជួញដូរលើទីផ្សារអាស៊ីកាលពីពុធ។

ទិន្នន័យរដ្ឋាភិបាលអាមេរិកចេញផ្សាយនៅថ្ងៃអង្គារ បានបង្ហាញថា សេដ្ឋកិច្ចអាមេរិកបានកើនឡើង ៤,៣% កាលពីត្រីមាសទី៣ ដែលរឹងមាំបំផុតក្នុងរយៈពេលជាង ២ ឆ្នាំ។ ទោះបីជាបែបនេះក្ដី វិនិយោគិននៅតែរំពឹងថា Fed អាចនឹងកាត់បន្ថយអត្រាការប្រាក់ ២ ដងទៀត ឆ្នាំក្រោយ ខណៈ Fed នឹងរៀបចំកិច្ចប្រជុំគោលនយោបាយហិរញ្ញវត្ថុនៅចុងខែមករា។

លោក David Mericle ប្រធានសេដ្ឋវិទូអាមេរិកនៅ Goldman Sachs បានថ្លែងប្រាប់់រ៉យទ័រ យ៉ាងដូច្នេះថា៖ «យើងរំពឹងថា FOMC (គណៈកម្មាធិការទីផ្សារបើកចំហសហព័ន្ធ) នឹងសម្របសម្រួលលើការកាត់បន្ថយអត្រាមូលដ្ឋាន ២៦ ពិន្ទុ ចំនួន ២ ដង ទៀត ដល់ ៣-៣,២៥% ប៉ុន្តែមើលឃើញថា ហានិភ័យត្រូវបានបន្ថយចុះ»។ លោក David បានរំពឹងទុកដូច្នេះ ដោយសារតែការធ្លាក់ចុះនៃអតិផរណាអតិផរណា។

ក្នុងការជួញដូរកាលពីថ្ងៃពុធ សន្ទស្សន៍តម្លៃប្រាក់ដុល្លារ ធៀបនឹងរូបិយប័ណ្ណផ្សេងៗទៀត បានធ្លាក់ចុះដល់កម្រិតទាបបំផុតក្នុងរយៈពេល ១០ សប្ដាហ៍ ដល់ ៩៧,៧៦៧ ពិន្ទុ ហើយអត្រាតម្លៃប្រចាំឆ្នាំ អាចធ្លាក់ចុះរហូតដល់ ៩,៩% ដែលជាការធ្លាក់ប្រចាំឆ្នាំដ៏ធំបំផុត ចាប់តាំងពីឆ្នាំ ២០០៣។

មែនទែនទៅ តម្លៃប្រាក់ដុល្លារនៅឆ្នាំនេះ ប្រែប្រួលខ្លាំងដោយសារតែភាពមិនច្បាស់លាសនៃការប្រកាសពន្ធគយរបស់ប្រធានាធិបតីអាមេរិក លោក ដូណាល់ ត្រាំ ដែលធ្វើឱ្យប៉ះពាល់ដល់ទំនុកចិត្តរបស់វិនិយោគិនសម្រាប់ការវិនិយោគលើទ្រព្យសម្បត្តិអាមេរិក។ ក្រៅនេះ ការប្រើប្រាស់អំណាចរបស់លោក ត្រាំ លើឯករាជ្យភាពរបស់់ Fed ក៏បានប៉ះពាល់ដល់តម្លៃប្រាក់ដុល្លារផងដែរ៕