សេដ្ឋកិច្ច
កម្ពុជា បានចំណូលជាង ២៦៦ លានដុល្លារ ពីការនាំចេញអង្ករជិត ៤៧ ម៉ឺនតោនរយៈពេល ៤ ខែ
កម្ពុជាសម្រេចបានការនាំចេញអង្ករចំនួនជិត ៤៧ ម៉ឺនតោន (៤៦៩៩០៩) នៅក្នុងរយៈពេល ៤ ខែ (មករា-មេសា) ២០២៦ ទៅកាន់គោលដៅ ៦០ ប្រទេស គិតជាទឹកប្រាក់ជាង ២៦៦ លានដុល្លារ។ នេះបើយោងតាមទិន្នន័យរបស់សហព័ន្ធស្រូវអង្ករកម្ពុជា (CRF)។
ទិន្នន័យរបស់ CRF បង្ហាញថា នៅក្នុងរយៈពេល៤ខែ នៃឆ្នាំ២០២៦ កម្ពុជាបាននាំចេញអង្ករបានចំនួន ៤៦៩៩០៩ តោន តាមរយៈក្រុមហ៊ុននាំចេញអង្ករចំនួន ៦១ ក្រុមហ៊ុនទៅកាន់គោលដៅ ៦០ ក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ៣១ ប្រទេស បានបរិមាណអង្ករ ១២៦ ១០៨ តោន គិតជាទឹកប្រាក់ ៨៥,៤៤ លានដុល្លារ ទៅកាន់ប្រទេសសមាជិកអាស៊ានបានចំនួន ៥ ប្រទេសបាន ១៧៧ ៧៦១ តោន គិតជាទឹកប្រាក់ ៧២ លានដុល្លារ ទៅកាន់ប្រទេសចិន និងតំបន់រដ្ឋបាលស្វ័យ័តចំនួន ១២៩ ៣៣២ តោន គិតជាទឹកប្រាក់ ៧៥,៨៨ លានដុល្លារនិងគោលដៅ ២២ ប្រទេសផ្សេងទៀត អាហ្វ្រិក មជ្ឈឹមបូព៌ាបានបរិមាណ ៣៦ ៧០៨ តោន គិតជាទឹកប្រាក់ជិត ៣៣ លានដុល្លារ។
លោក លន់ យ៉េង អគ្គលេខាធិការសហព័ន្ធស្រូវអង្ករកម្ពុជា មានប្រសាសន៍ថា ចំពោះប្រភេទអង្ករបាននាំចេញអង្ករក្រអូបចំនួន ៥៨,៦៦% ប្រភេទអង្ករសគ្រាប់វែង ២១.៣៨% អង្ករចំហ៊ុយ ១.៦៩% អង្ករសរីរាង្គចំនួន ០.៨៩% អង្ករបាក់គ្រប់ប្រភេទ ១៧.១៨% និងអង្ករផ្សេងៗចំនួន ០.២%។ ទន្ទឹមនឹងនេះ កម្ពុជាក៏បាននាំចេញស្រូវចំនួន ២,៦៨ លានតោន មានទឹកប្រាក់ជាង ៥៧៦ លានដុល្លារ។
យោងតាមសហព័ន្ធស្រូវអង្ករកម្ពុជា នៅក្នុងឆ្នាំ ២០២៥ កម្ពុជាសម្រេចបានការនាំចេញអង្ករចំនួនជាង ៩៤ ម៉ឺនតោន (៩៤០ ៣២១) គិតជាទឹកប្រាក់ជាង ៦០០ លានដុល្លារ៕
អត្ថបទ៖ ឡេង ដេត
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៣ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ