សេដ្ឋកិច្ច
កម្ពុជាឈរលំដាប់ទី៤ នៃប្រទេសនាំចូលអង្ករសរីរាង្គទៅសហគមន៍អឺរ៉ុប
ភ្នំពេញ៖ ប្រធានសហព័ន្ធស្រូវអង្ករកម្ពុជាបានឱ្យដឹងថា នៅលើទីផ្សារអន្តរជាតិ ភាគច្រើននៃអង្ករសរីរាង្គរបស់កម្ពុជាត្រូវបាននាំចេញទៅកាន់ទីផ្សារសហគមន៍អឺរ៉ុប ជាក់ស្តែងនៅក្នុងឆ្នាំ២០២០ នេះកម្ពុជាឈរនៅលំដាប់ទី៤ នៃប្រទេសនាំចូលអង្ករសរីរាង្គទៅ ទីផ្សារសហគមន៍អឺរ៉ុប។
លោកឧកញ៉ា សុង សារ៉ន បានលើកឡើងបែបនេះនៅក្នុង ទិវាជនជាតិដើមភាគតិចអន្តរជាតិលើកទី២៧ និងជាលើកទី១៧ សម្រាប់ប្រទេសកម្ពុជា នៅថ្ងៃទី០៩ ខែសីហា ឆ្នាំ២០២១នេះ។
លោកឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានចូលរួមជាវាគ្មិនកិត្តិយសមួយរូបនៅក្នុងកិច្ចសម្ភាសន៍នៃវីដេអូឯកសារដែលមានចំណងជើងថា “គ្មាននរណាម្នាក់ត្រូវបានផាត់ចេញ” របស់វេទិកានៃអង្គការមិនមែនរដ្ឋាភិបាលស្តីពីកម្ពុជា (NGO Forum)។
លោកឧកញ៉ាបានចែករំលែកនូវបទពិសោធន៍អនុវត្តការងារនៃវិស័យស្រូវអង្ករទៅលើការការពារសិទ្ធិជនជាតិដើមភាគតិច ពោលគឺការចូលរួមជំរុញ និងលើកទឹកចិត្តឱ្យមានការចូលរួមពីបងប្អូនជនជាតិដើមភាគតិចនៅកម្ពុជាក្នុងការប្រកបរបរកសិកម្មដែលជាគំរូពាណិជ្ជកម្មបែបបរិយាប័ន្ន (Inclusive) មួយ ដោយបងប្អូនជនជាតិដើមភាគតិចនៅកម្ពុជាពិតជាបានចូលរួមចំណែកក្នុងការបង្កើតនូវផលិតផលកសិកម្មប្រកបដោយសុវត្ថិភាព (សរីរាង្គ) និងចីរភាព និងចូលរួមក្នុងការលើកកម្ពស់មុខមាត់កម្ពុជានៅលើទីផ្សារអន្តរជាតិដោយភាគច្រើននៃអង្ករសរីរាង្គរបស់កម្ពុជាត្រូវបាននាំចេញទៅកាន់ទីផ្សារសហគមន៍អឺរ៉ុប។ ជាក់ស្តែងនៅក្នុងឆ្នាំ២០២០នេះ កម្ពុជាឈរនៅលំដាប់ទី៤ នៃប្រទេសនាំចូលអង្ករសីរាង្គទៅក្នុងទីផ្សារសហគមន៍អឺរ៉ុប។
យោងតាមសហព័ន្ធស្រូវអង្ករកម្ពុជា (CRF) កម្ពុជាបាននាំចេញអង្ករសរីរាង្គចំនួន១១,២០០តោនទៅបរទេសនៅឆ្នាំ២០២០ ដែលកើនឡើង១,២ភាគរយ បើធៀបនឹងឆ្នាំ ២០១៩ ខណៈកំណើនសេដ្ឋកិច្ចធ្លាក់ចុះនៅឆ្នាំ២០២០ ដោយសារវិបត្តិកូវីដ-១៩។
សហព័ន្ធស្រូវអង្ករកម្ពុជា បានឱ្យដឹងថា ជាង៩០ភាគរយនៃការនាំចេញបានដឹកជញ្ជូនទៅកាន់ទីផ្សារអឺរ៉ុប ខណៈតិចតួច បានទៅអាមេរិកជាមួយការនាំចេញអង្ករសរុបឆ្នាំ២០២០ របស់កម្ពុជា ៦៩០,៨២៩ តោន អង្ករសរីរាង្គមានចំនួនត្រឹមតែ ១.៦ភាគរយប៉ុណ្ណោះ។
ប្រទេសដែលនាំចូលអង្ករសេរីរាង្គទៅកាន់ទីផ្សារអ៊ឺរ៉ុបច្រើនជាងគេគឺសហរដ្ឋអាមេរិក បន្ទាប់មកមានឥណ្ឌា ថៃ និង កម្ពុជា។
បើតាមការនាំចេញអង្ករសរីរាង្គទៅកាន់ទីផ្សាអឺរ៉ុប កម្ពុជានៅមានសក្តានុពលជាច្រើនទៀតក្នុងការពង្រីការដាំដុះបន្តទៅទៀតបើយើងប្រៀបធៀបទៅនឹងបណ្តាប្រទេសផ្សេងទៀតដូចជា ឥណ្ឌា ប៉ាហ្គីស្ថាន និង ថៃ ដែលគេប្រើប្រាស់ដីអស់លទ្ធភាព។ ប្រទេសរីកចម្រើនដូចជាអឺរ៉ុប អាមេរិក រួមនិឹងកាណាដា ត្រូវការអង្ករ និងដំណាំសេរីរាង្គខ្លាំង ព្រោះវាផ្តល់អត្ថប្រយោជន៍ដល់សុខភាពសម្រាប់អ្នកបរិភោគ។
គួររំលឹកថា តាមរយៈរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានបង្ហាញថា គោលដៅអភិវឌ្ឍន៍វិស័យកសិកម្មគឺត្រូវជំរុញកំណើនកសិកម្ម និងបង្កើនការនាំចេញផលិតផលកសិកម្មប្រកបដោយគុណភាព និងសុវត្ថិភាព តាមរយៈការលើកកម្ពស់ផលិតភាពកសិកម្ម បង្កើនតម្លៃបន្ថែម និងពង្រីកការប្រកួតប្រជែងទីផ្សារ ព្រមទាំងរក្សាបានតុល្យភាពនៃការប្រើប្រាស់ដីកសិកម្ម និងធានាការគ្រប់គ្រងធនធានព្រៃឈើនិងជលផលប្រកបដោយនិរន្តរភាព៕
អត្ថបទ៖ ណារី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ