តំណក់ប្រេងប្រវត្តិសាស្រ្ត នឹងតម្គល់ទុកនៅវិមានឈ្នះៗ

ថ្លែងក្នុងការផ្សាយផ្ទាល់ពិសេស នាព្រឹកថ្ងៃអង្គារ ទី២៩ ខែធ្នូ ឆ្នាំ២០២០នេះ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានប្រាប់សម្តេច ទៀ បាញ់ រដ្ឋមន្ត្រីក្រសួងការពារជាតិ ឱ្យយកតំណក់ប្រេងដំបូង តម្កល់ទុកនៅវិមានឈ្នះឈ្នះ។

សម្តេចនាយករដ្ឋមន្ត្រីកម្ពុជា បានលើកឡើងថា សម្តេច ទៀ បាញ់ ជាតួអង្គរង បន្ទាប់ពីសម្តេច ដែលបានបញ្ចប់សង្គ្រាម និងបានដាក់ចេញនយោបាយឈ្នះឈ្នះ ។

ជុំវិញតំណក់ប្រេងលើកដំបូងនេះដែរ សម្តេចតេជោ ក៏បាននឹកគុណដល់សម្តេច សុខ អាន អតីតឧបនាយករដ្ឋមន្ត្រី រដ្ឋមន្រ្តី​ ទីស្តីការគណៈរដ្ឋមន្ត្រី ដែលបានខិតខំចរចារជាមួយភាគីបរទេស នាពេលកន្លងមកផងដែរ។

សូមបញ្ជាក់ថា ដំណក់ប្រេងលើកដំបូងរបស់កម្ពុជា នឹងចាប់ផ្តើមផលិតចេញពីអណ្តូងប្រេងទី១ ឈ្មោះ A-0ID នៃ ផ្លាតហ្វម A នៅក្នុងប្លុក នៃឈូងសមុទ្រកម្ពុជា នាថ្ងៃទី២៩ធ្នូ ឆ្នាំ២០២០ នេះ៕