ព័ត៌មានជាតិ

ពូជពោតថ្មី មួយហិតាបានជាង ៨ តោន ដាំដុះជាង ២០០ កន្លែង ទិន្នផលខ្ពស់ ជាងពូជពោតនាំចូល

បានផុស

៥ years មុន

នៅ

ថ្ងៃព្រហស្បតិ៍ ៣១ ធ្នូ ២០២០

ដោយ

ក្រសួងកសិកម្មរុក្ខាប្រមាញ់ និងនេសាទ បានស្រាវជ្រាវរកឃើញប្រភេទពូជពោតថ្មីមួយ ដែលធន់នឹងអាកាសធាតុ និងជំងឺ ហើយទទួលបានទិន្នផលខ្ពស់ថែមទៀត។

បើតាមអគ្គនាយកដ្ឋាន កសិកម្មបានឲ្យដឹងថា បន្ទាប់ពីស្រាវជ្រាវអស់រយៈពេលជាច្រើនឆ្នាំរួចមកទើបទទួលបានលទ្ធផលប្រភេទពូជពោត អ៊ីប្រ៊ីតថ្មីមួយមានឈ្មោះថា “CHM01”ដែលមានលក្ខណៈសម្បត្តិធន់នឹងជំងឺ និងផ្តល់ទិន្នផលខ្ពស់ប្រមាណជាង៨,៦០តោនក្នុង១ហិកតា ខ្ពស់ជាងប្រភេទពូជពោត អ៊ីប្រ៊ីត ដែលនាំចូលពីបរទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គនាយកដ្ឋានកសិកម្ម ក៏បានឲ្យដឹងទៀតថា ប្រភេទពូជពោត អ៊ីប្រ៊ីត ថ្មីនេះមានអាយុកាលខ្លីជាងប្រភេទពូជអ៊ីប្រ៊ីតផ្សេងៗចំនួនពី១០ទៅ១៥ថ្ងៃ ។ រីឯការដាំដុះនៅរដូវប្រាំងប្រើរយៈពេល១០០ថ្ងៃ និងនៅរដូវវស្សាប្រើរយៈពេល១០៥ថ្ងៃ ជាប្រភេទពោត មានគ្រាប់ធំនិងមានពណ៌ទឹកក្រូចចាស់។

អគ្គនាយកដ្ឋានកសិកម្មបានយកប្រភេទពូជពោតនេះ ទៅដាំដុះពិសោធន៍ បន្សាំនៅតាមបណ្តាចម្ការរបស់កសិករនៅខេត្តបាត់ដំបង កំពង់ចាម ត្បូងឃ្មុំ និងខេត្តកណ្ដាលចំនួនជាង២០០កន្លែង ទាំងក្នុង រដូវវស្សា និងរដូវប្រាំងចាប់ពីឆ្នាំ២០១៧ ,២០១៨ និង ២០១៩ ជាលទ្ធផលទទួលបានលក្ខណប្រហាក់ប្រហែលលទ្ធផលនៅក្នុងស្ថានីយ។

យោងលើលទ្ធផល នៃការស្រាវជ្រាវទាំងពីរកន្លែង នៅខែឧសភា កន្លងមកក្រសួងកសិកម្ម រុក្ខាប្រមាញ់ និងនេសាទ បានសម្រេចអនុញ្ញាតឲ្យចុះបញ្ជីកាជាពូជពោត អ៊ីប្រ៊ីត កម្ពុជាដំបូងគេដែលមានឈ្មោះថា CHM01សម្រាប់ប្រើប្រាស់ជាសាធារណៈ៕

អត្ថបទ ៖ សំអឿន

Related Topics:ក្រសួងកសិកម្ម រុក្ខាប្រមាញ់ និងនេសាទ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា