សេដ្ឋកិច្ច
កម្ពុជា បានចំណូលពីការលក់ផ្លាកលេខពិសេសជាង ២១លានដុល្លារ ក្នុងឆ្នាំ២០២២
កម្ពុជាចបានរកចំណូលបានជាង៨៤ប៊ីលានរៀល ឬស្មើប្រមាណ២១លានដុល្លារអាមេរិក ពីការលក់ផ្លាកលេខពិសេសលើយានយន្តនៅ ក្នុងឆ្នាំ២០២២ កន្លងទៅ។
ថ្លែងក្នុងសន្និបាតបូកសរុបលទ្ធផលការងារប្រចាំឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងសាធារណការ និងដឹកជញ្ជូន នៅថ្ងៃទី១៥ កុម្ភៈនេះ លោក ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានមានប្រសាសន៍ថា ការចុះបញ្ជីលេខពិសេស ត្រូវបានបែងចែកជាពីរ គឺលេខពិសេស រាជធានី-ខេត្ត និងលេខពិសេសផ្ទាល់ខ្លួន ដែលបានអក្សរ”កម្ពុជា”។ នៅក្នុងឆ្នាំកន្លងទៅ ការចុះបញ្ជីផ្លាកលេខពិសេសផ្ទាល់ខ្លួនបានចំនួន ៧.១២៥ផ្លាក ដោយបានចំណូល ៤៤ប៊ីលានរៀល ឬត្រូវជាប្រមាណ១១លានដុល្លារ។ ចំណែកការចុះបញ្ជីផ្លាកលេខពិសេសថ្នាក់រាជធានី-ខេត្ត បានចំនួន៣១.៧៥៦ផ្លាក ជាមួយចំណូលជាង៤០ប៊ីលានរៀល ឬត្រូវជាប្រមាណ១០លានដុល្លារ។
គួរបញ្ជាក់ថា ផ្លាកលេខពិសេសផ្ទាល់ខ្លួន ត្រូវបានបង្កើតឡើងសម្រាប់រថយន្តគ្រួសារ ដោយមានអក្សរ «កម្ពុជា» នៅផ្នែកខាងលើ និងការរួមបញ្ចូលគ្នានៃលេខឡាតាំង ឬអក្សរ ចាប់ពី១ដល់៨ខ្ទង់នៅផ្នែកកណ្តាល ព្រមទាំងមាន QR Code នៅផ្នែកខាងស្តាំនៃផ្លាកលេខ ហើយផ្លាកលេខពិសេសនេះ ក៏អាចរក្សាទុកបាននៅពេលដែលមានការផ្ទេរកម្មសិទ្ធិរថយន្តផងដែរ។ ប្រជាពលរដ្ឋ អាចធ្វើការជ្រើសរើសផ្លាកលេខរថយន្ត ដែលខ្លួនស្រលាញ់ តាមរយៈការដាក់ពាក្យស្នើសុំទិញ ឬការដាក់ដេញថ្លៃ ក្នុងប្រព័ន្ធស្វ័យប្រវត្តិកម្មនៃចុះបញ្ជីរថយន្តរបស់ក្រសួងសាធារណការ និងដឹកជញ្ជូន។
លោកទេសរដ្ឋមន្ត្រីបានបន្តថា ចាប់តាំងពីបើកដំណើរការចុះបញ្ជីផ្លាកលេខពិសេសផ្ទាល់ខ្លួនតាមប្រព័ន្ធស្វ័យប្រវត្តិកម្មនៅថ្ងៃទី៧ ខែមករា ឆ្នាំ២០២០ មកដល់ដំណាច់ខែធ្នូ ឆ្នាំ២០២២ កន្លងទៅនេះ គណៈកម្មការអន្តរក្រសួងចុះបញ្ជីបាន១៦.១៣២ផ្លាក និងទទួលបានចំណូលជាង១១៤ប៊ីលានរៀល ឬត្រូវជាប្រមាណ២៨លានដុល្លារ។
ក្នុងឆ្នាំ២០២២ មានយានយន្តបានចុះបញ្ជីយានយន្ដជាង៥២ម៉ឺនគ្រឿង កើនឡើង២,៧៦ភាគរយ បើធៀបនឹងឆ្នាំ២០២១ ក្នុងនោះម៉ូតូជាង៤៣ម៉ឺនគ្រឿង និងរថយន្ដគ្រប់ប្រភេទជាង៨ម៉ឺន៣ពាន់គ្រឿង។ នេះជាការបន្ថែមរបស់លោក ស៊ុន ចាន់ថុល។
ដោយឡែក ការចុះបញ្ជីយានយន្តអគ្គិសនីនៅកម្ពុជា គិតត្រឹមឆ្នាំ២០២២ គឺមានចំនួ ៧៣១គ្រឿង និងមានស្ថានីយបញ្ចូលថាមពលយានយន្តដើរដោយថាមពលអគ្គិសនីចំនួន៩ទីតាំង ក្នុងនោះមាននៅទីស្តីការក្រសួងសាធារណការ និងដឹកជញ្ជូនចំនួន៤, ស្ថានីយប្រេងឥន្ធនៈសាំងកាល់តិច ចំនួន១, ផ្សារទំនើប AEON MALL សែនសុខចំនួន១, ខេត្តសៀមរាបចំនួន១, ខេត្តបាត់ដំបងចំនួន ១ និងខេត្តព្រះសីហនុចំនួន១៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?