សេដ្ឋកិច្ច
ជប៉ុន ផ្តល់ឧបករណ៍រាវមីនទំនើប១២គ្រឿង តម្លៃជិត ៥០ម៉ឺនដុល្លារដល់ស៊ីម៉ាក់
រាជរដ្ឋាភិបាលជប៉ុន បានផ្តល់ជំនួយឧបករណ៍រាវមីនប្រភេទ ALIS មានលក្ខណៈទំនើបនៃសម័យបច្ចេកវិទ្យាចុងក្រោយ ផលិតនៅប្រទេសជប៉ុន ចំនួន១២គ្រឿង ដែលមានតម្លៃជិត៥០ម៉ឺនដុល្លារអាមេរិក ដល់ស៊ីម៉ាក់ ដើម្បីយកទៅប្រើប្រាស់ក្នុងប្រតិបត្តិការបោសសំអាតមីននៅក្នុងប្រទេសកម្ពុជាប្រកបដោយប្រសិទ្ធភាពខ្ពស់។
ពិធីប្រគល់ឧបករណ៍រាវមីនប្រភេទ ALIS ដល់ស៊ីម៉ាក់នេះ បានធ្វើឡើងកាលពីរសៀលថ្ងៃទី០៣ ខែមីនា ឆ្នាំ២០២៣ នៅបញ្ជាការដ្ឋានស៊ីម៉ាក់ភ្នំពេញ ដោយមានការចូលរួមពីលោក Atsushi UENO ឯកអគ្គរដ្ឋទូតជប៉ុនប្រចាំនៅកម្ពុជា និងលោក ហេង រតនា ប្រតិភូរាជរដ្ឋាភិបាលទទួលបន្ទុកអគ្គនាយកស៊ីម៉ាក់។
លោក ហេង រតនា បានសរសេរនៅក្នុងទំព័រហ្វេប៊ុកថា ឧបករណ៍រាវមីនប្រភេទ ALIS ផលិតនៅប្រទេសជប៉ុនមានចំនួន១២គ្រឿង ដែលគិតជាថវិកាជិត៥០ម៉ឺនដុល្លារអាមេរិក។ឧបករណ៍រាវមីនប្រភេទ ALIS ជាការសហការអភិវឌ្ឍស្រាវជ្រាវបច្ចេកទេសរវាងវិស្វករ និងអ្នកវិទ្យាសាស្ត្រជប៉ុន ជាមួយអង្គភាពស៊ីម៉ាក់ ដោយប្រើពេលវេលាស្រាវជ្រាវអស់រយ:ពេលជិត១៦ឆ្នាំ។
លោកអគ្គនាយក បានសរសេរទៀតថា ឧបករណ៍រាវមីនប្រភេទ ALIS នេះមានលក្ខណៈទំនើបនៃសម័យបច្ចេកវិទ្យាចុងក្រោយ ដោយមានបំពាក់រួមគ្នាប្រពន្ធ័រ៉ាដា ឧបករណ៍ស្កេនរូបភាពក្រោមដី និងឧបករណ៍ស្រូបលោហធាតុ ព្រមទាំងបញ្ជូនរលកសញ្ញាជារូបភាពតែម្តង។
លោកអគ្គនាយកស៊ីម៉ាក់សង្ឃឹមថា តាមរយៈឧបករណ៍នេះ អាចជួយពង្រឹងសុវត្ថិភាពសម្រាប់អ្នកដោះមីន និបង្កើនប្រសិទ្ធផល ដោយកាត់បន្ថយសកម្មភាពជីកកាយដីរកគ្រាប់មីននិងគ្រាប់មិនទាន់ផ្ទុះ។
លោកអគ្គនាយកស៊ីម៉ាក់ បានថ្លែងអំណរគុណដល់ឯកអគ្គរដ្ឋទូត ក៏ដូចរដ្ឋាភិបាល និងប្រជាជនជប៉ុន ដែលតែងតែយកចិត្តទុកដាក់ដល់សុខទុក្ខ និងសុវត្ថិភាពរបស់ប្រជាជនកម្ពុជា៕
អត្ថបទ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ២៤ ម៉ោង ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ