សេដ្ឋកិច្ច
សមត្ថកិច្ច រកឃើញសាច់បង្កកអត់ច្បាប់ជិត៤០ម៉ឺនគ.ក្រ នៅភ្នំពេញ
ក្រុមការងារអន្តរាគមន៍បង្ក្រាបបទល្មើសចលនាសត្វនៃអគ្គនាយកដ្ឋានសុខភាពសត្វ និងផលិតកម្មសត្វ បានសហការជាមួយការិយាល័យផលិតកម្ម និងបសុព្យាបាលរាជធានីភ្នំពេញ ចុះត្រួតពិនិត្យទីតាំងស្តុកសាច់សត្វបង្កកមួយកន្លែងនៅភូមិសំរោងទាវ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ កាលពីថ្ងៃចន្ទ ម្សិលមិញនេះ។ ជាលទ្ធផល សមត្ថកិច្ចចម្រុះ បានរកឃើញសាច់បង្កកអត់ច្បាប់ជិត៤០ម៉ឺនគ.ក្រ។
សាច់បង្កកគ្មានឯកសារច្បាប់ទាំងនេះ រួមមាន គ្រឿងក្នុងមាន់ សាច់មាន់ សាច់ជ្រូក និងក្របី សរុប ២ ម៉ឺន ៤ ពាន់ ៤២៤ កេះ ស្មើ ៣ សែន ៧ ម៉ឺន និង ៧៨៧ គីឡូក្រាម ។ លោក ហ៊ុន សារ៉ាត់ អនុប្រធាននាយកដ្ឋានសុខភាពសត្វ និងសុខភាពសាធារណៈបសុខព្យាបាល បានអះអាងថា សាច់សត្វបង្កកទាំងនេះ ត្រូវបាននាំចូលពីបរទេស មកស្តុកទុកនៅក្នុងឃ្លាំង ដោយពុំទាន់មានឯកសារបញ្ជាក់ច្បាស់លាស់ឡើយ។ លោកបានគូសបញ្ជាក់ថា ក្រុមការងាររបស់លោកបានស្នើសុំទៅព្រះរាជអាជ្ញាសាលាដំបូងរាជធានីភ្នំពេញឱ្យបិទឃ្លាំងបង្កកសាច់សត្វនេះ ជាបណ្ដោះអាសន្ន ដោយតម្រូវឱ្យម្ចាស់ទីតាំងរកឯកសារពាក់ព័ន្ធទៅបំភ្លឺនៅអគ្គនាយកដ្ឋានសុខភាពសត្វ និងផលិតកម្មសត្វ។
អ្នកប្រកបអាជីវកម្មលក់សាច់ និងប្រជាពលរដ្ឋជាច្រើន បានសម្តែងនូវសាទរចំពោះចំណាត់ការរបស់អាជ្ញាធរចំពោះសាច់បង្កកអត់ច្បាប់នេះ ក្នុងនោះ ក៏មានដែរលោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា។ លោក ស្រ៊ុន ពៅ បានថ្លែងអំណរដល់អគ្គនាយកដ្ឋានសុខភាពសត្វ និងផលិតកម្មសត្វ និងរាជរដ្ឋាភិបាលកម្ពុជា ដែលបានបង្រ្កាប និងមានចំណាត់ការចំពោះបញ្ហានេះ និងបានយកចិត្តទុកដាក់ចំពោះសុខភាពរបស់ប្រជាពលរដ្ឋកម្ពុជា។
ជាការកត់សម្គាល់ បញ្ហាសាច់បង្កកនេះ កំពុងក្លាយជាប្រធានបទដ៏ពេញនិយមមួយនៃការជជែកពិភាក្សាគ្នានៅក្នុងចំណោមប្រជាពលរដ្ឋកម្ពុជា ជាពិសេស ពីសំណាក់អ្នកតាមដាន និងនិយមលេងបណ្តាញទំនាក់ទំនងសង្គមហ្វេសប៊ុក។ ពួកគេសម្តែងការព្រួយបារម្ភចំពោះការហូរចូលយ៉ាងគំហកនៃសាច់បង្កកនេះពីបរទេសមកកាន់ប្រទេសកម្ពុជា ដែលសាច់បង្កកខ្លះមានរយៈពេលយូរខ្លាំងដែលអាចបង្កបញ្ហាដល់សុខភាពរបស់អ្នកបរិភោគ។ ចំណែក អ្នកប្រកបរបរចិញ្ចឹមសត្វនៅក្នុងស្រុក ក៏ចង់មានការកាត់បន្ថយឱ្យបានច្រើននូវការនាំចូលសាច់បង្កកនេះផងដែរ ពីព្រោះថា បើការនាំចូលកាន់តែច្រើន នឹងនាំប៉ះពាល់អាជីវកម្មចិញ្ចើមសត្វ និងលក់សាច់នៅក្នុងស្រុក៕
-
ព័ត៌មានជាតិ១ សប្តាហ៍ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានជាតិ២ ថ្ងៃ ago
ប្រធានសមាគមសិល្បករខ្មែរ អ្នកឧកញ៉ា ម៉ៅ ចំណាន អញ្ជើញសួរសុខទុក្ខភរិយាអធិរាជសំឡេងមាស
-
ជីវិតកម្សាន្ដ១១ ម៉ោង ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ព័ត៌មានជាតិ៤ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានអន្ដរជាតិ១ សប្តាហ៍ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានជាតិ១ សប្តាហ៍ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានជាតិ៣ ថ្ងៃ ago
ស្ពានឆ្លងទន្លេពីដីឥដ្ឋ ភ្ជាប់ទៅផ្លូវល្បឿនលឿនភ្នំពេញបាវិត បន្តវឌ្ឍនភាពតាមការគ្រោងទុក
-
ចរាចរណ៍១ សប្តាហ៍ ago
រដ្ឋបាលរាជធានី ស្នើពលរដ្ឋដែលពុំមានការចាំបាច់ ពុំគួរធ្វើដំណើរឆ្លងកាត់តំបន់ទាំងនេះថ្ងៃ ១៧ ឧសភា