សេដ្ឋកិច្ច

អាមេរិកគ្រោងប្រកាសដាក់ពន្ធថ្មី លើវិស័យយុទ្ធសាស្ត្ររបស់ចិន

បានផុស

២ years មុន

នៅ

ថ្ងៃសុក្រ ១០ ឧសភា ២០២៤

ដោយ

ប្រធានាធិបតីសហរដ្ឋអាមេរិក លោក ចូ បៃដិន ត្រូវបានគេរំពឹងថា នឹងប្រកាសកញ្ចប់ពន្ធថ្មី ដោយដាក់គោលដៅលើវិស័យយុទ្ធសាស្រ្តផ្សេងៗរបស់ប្រទេសចិន ចំពេលដែលទំនាក់ទំនងពាណិជ្ជកម្មរវាងប្រទេសទាំង២នៅតែបន្តជូរចត់។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ ដែលស្រង់សម្ដីប្រភពដឹងច្បាស់លើបញ្ហានេះ។

ប្រភពបានឱ្យដឹងថា ការប្រកាសលើចំណាត់ការ ដែលអាចនឹងធ្វើឡើងជាផ្លូវការនៅថ្ងៃអង្គារសប្ដាហ៍ក្រោយនោះ នឹងបន្ថែមពីលើពន្ធដែលមានស្រាប់។ ប៉ុន្តែវាក៏អាចនឹងត្រូវបានពន្យារពេលប្រកាសផងដែរ។

ប្រភពដដែលបន្តថា ព័ត៌មានលម្អិតអំពីតម្លៃឬប្រភេទនៃពន្ធជាក់លាក់ ដែលនឹងត្រូវដាក់ចេញ ស្ថិតនៅជាសេចក្ដីព្រាងនៅឡើយ ប៉ុន្តែរដ្ឋបាល បៃដិន ផ្ដោតលើផលប្រយោជន៍ក្នុងការប្រកួតប្រជែងជាយុទ្ធសាស្ត្រ និងតំបន់សន្តិសុខជាតិ។

ទាក់ទិននឹងបញ្ហានេះដូចគ្នា សារព័ត៌មាន Bloomberg បានរាយការណ៍ថា វិស័យដែលស្ថិតនៅក្នុងគោលដៅពន្ធថ្មី នឹងរួមបញ្ជូលដូចជា រថយន្តអគ្គិសនី ថ្ម និងឧបករណ៍ថាមពលពន្លឺព្រះអាទិត្យជាដើម។

យ៉ាងណាមិញ គេមើលឃើញថា វិធានការបែបនេះអាចបង្កការសងសឹកពីចិន ចំពេលដែលប្រទេសទាំង២ស្ថិតនៅក្នុងស្ថានភាពតានតឹងរួចទៅហើយ មិនថាភូមិសាស្រ្តនយោបាយ ឬទំនាក់ទំនងពាណិជ្ជកម្មនោះទេ។

នៅឆ្នាំ ២០២២ លោក បៃដិន បានចាប់ផ្តើមការពិនិត្យឡើងវិញនូវគោលនយោបាយសម័យអតីតប្រធានាធិបតី ដូណាល់ ត្រាំ ក្រោមកថាខណ្ឌទី ៣០១ នៃច្បាប់ពាណិជ្ជកម្មរបស់សហរដ្ឋអាមេរិក។ កាលពីខែមុន ប្រធានាធិបតីរូបនេះ បានអំពាវនាវឱ្យដំឡើងពន្ធខ្ពស់លើផលិតផលដែករបស់ចិន។

ជាមួយគ្នានោះ រដ្ឋបាលលោក បៃដិន ក៏កំពុងដាក់សម្ពាធប្រទេសជិតខាងម៉ិកស៊ិក ឱ្យហាមឃាត់ប្រទេសចិនកុំឱ្យលក់ផលិតផលដែករបស់ខ្លួនទៅសហរដ្ឋអាមេរិក ដោយប្រយោលតាមរយៈម៉ិកស៊ិកផងដែរ៕

Related Topics:សហរដ្ឋអាមេរិក ប្រទេសចិន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា