ព័ត៌មានអន្ដរជាតិ
VinFast បើកការដ្ឋានសាងសង់រោងចក្រដំឡើងរថយន្តអគ្គិសនីថ្មីនៅឥណ្ឌូណេស៊ី
ក្រុមហ៊ុនផលិតរថយន្តអគ្គិសនីវៀតណាម VinFast Auto បានបើកការដ្ឋានសាងសង់ជាផ្លូវការនូវរោងចក្រដំឡើងរថយន្តអគ្គិសនីនៅទីក្រុង Subang ខេត្តជ្វាខាងលិច នៃប្រទេសឥណ្ឌូណេស៊ី ដើម្បីជាផ្នែកមួយនៃការពង្រីកទីផ្សារក្នុងតំបន់របស់ខ្លួន។
យោងតាមការចុះផ្សាយរបស់កាសែតវៀតណាម Viet Nam News ការបោះជំហានថ្មីនេះរំពឹងថានឹងបង្កើនការងារជាច្រើនសម្រាប់ពលកម្មក្នុងស្រុកឥណ្ឌូណេស៊ី បន្ថែមពីលើការប្ដេជ្ញាចិត្តពង្រីកវត្តមានក្នុងតំបន់របស់ VinFast ក៏ដូចជាគាំទ្រដល់ឧស្សាហកម្មរថយន្តអគ្គិសនីដែលកំពុងរីកចម្រើនរបស់ឥណ្ឌូណេស៊ី។
រោងចក្រថ្មីដែលត្រូវចំណាយការវិនិយោគប្រមាណ ២០០ លានដុល្លារ នឹងមានសមត្ថភាពដំឡើងរថយន្តចំនួន ៥០ ០០០ គ្រឿង/ឆ្នាំ ដោយមានកន្លែងផលិតកម្មសំខាន់ៗមួយចំនួនដូចជាកន្លែងដាក់តួរថយន្ត កន្លែងដំឡើងទូទៅ កន្លែងលាបពណ៌ និងទីសាកល្បងជាដើម។
រោងចក្រដដែល គ្រោងនឹងចាប់ផ្តើមប្រតិបត្តិការនៅចុងឆ្នាំ ២០២៥ ដោយនឹងផលិតម៉ាករថយន្តចង្កូតស្ដាំប្រភេទ e-SUV របស់ VinFast ដូចជា VF3, VF5, VF6 និង VF7 សម្រាប់លក់នៅលើទីផ្សារឥណ្ឌូណេស៊ី។
គួរគូសបញ្ជាក់ថា ទីផ្សាររថយន្តអគ្គិសនីនៅអាស៊ីអាគ្នេយ៍កំពុងរីកចម្រើន ខណៈដែលរដ្ឋាភិបាលផ្សេងៗកំពុងដើរទៅលើផ្លូវដើម្បីសម្រេចបានគោលដៅអាកាសធាតុរបស់ខ្លួន។ ការណ៍នេះ បង្កជាការប្រកួតប្រជែងជាខ្លាំងក្លាក្នុងតំបន់ពីក្រុមហ៊ុនផលិតរថយន្តអគ្គិសនីធំ រួមទាំងពីចិន ជប៉ុន និងកូរ៉េខាងត្បូង ក៏ដូចជាសហរដ្ឋអាមេរិក។
ឥណ្ឌូណេស៊ី និងថៃ ត្រូវបានគេមើលឃើញថាជាគោលដៅដ៏ធំៗជាងគេ។ កាលពីដើមខែនេះ ក្រុមហ៊ុនផលិតរថយន្តកូរ៉េខាងត្បូង Hyundai Motor Group និងក្រុមហ៊ុនផលិតអាគុយកូរ៉េខាងត្បូង LG Energy Solution បានបើករោងចក្រផលិតថ្មរថយន្តអគ្គិសនីនៅឥណ្ឌូណេស៊ី ដែលជារោងចក្រប្រភេទនេះដំបូងបង្អស់នៅអាស៊ីអាគ្នេយ៍។ ហើយថ្មីនេះ ក្រុមហ៊ុនផលិតរថយន្តអគ្គិសនីយក្សចិន BYD បើករោងចក្រផលិតថ្មីស្រឡាងនៅក្នុងប្រទេសថៃ ដោយមានសមត្ថភាពផលិតប្រមាណ ១៥០ ០០០ គ្រឿង/ឆ្នាំ៕
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៦ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ១ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ៧ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា