ព័ត៌មានអន្ដរជាតិ

សិង្ហបុរី ពង្រឹងសន្តិសុខក្នុងវិស័យហិរញ្ញវត្ថុ ផ្ដោតលើសុវត្ថិភាពបច្ចេកវិទ្យា

បានផុស

៧ ខែ មុន

នៅ

ថ្ងៃចន្ទ ១៩ សីហា ២០២៤

ដោយ

អាជ្ញាធររូបិយវត្ថុសិង្ហបុរី (MAS) បានសហការជាមួយធនាគារផ្សេងៗ ដើម្បីស្វែងរកដំណោះស្រាយលើសន្តិសុខ កង់ទិច (Quantum Security) ក្នុងវិស័យហិរញ្ញវត្ថុ ក្រោយព្រមានពីហានិភ័យបច្ចេកវិទ្យាកង់ទិចផ្សេងៗសម្រាប់វិស័យដដែល។ នេះបើតាមការចុះផ្សាយរបស់ទីភ្នាក់ងារសារព័ត៌មានវៀតណាម (VNA)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

MAS បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយធនាគារ DBS, HSBC, OCBC, UOB, SPTel និង SpeQtral កាលពីសប្ដាហ៍មុន ដើម្បីចាប់ផ្តើមកិច្ចសហការផ្នែកសន្តិសុខកង់ទិច និងសិក្សាពីកម្មវិធីវិធីសាស្ត្រទំនាក់ទំនងប្រកបដោយសុវត្ថិភាព Quantum Key Distribution (QKD) ក្នុងសេវាកម្មហិរញ្ញវត្ថុ។

QKD ត្រូវបានគេចាត់ទុកថាជាឧបករណ៍ដ៏មានសក្ដានុពលមួយ ដើម្បីជួយស្ថាប័នហិរញ្ញវត្ថុការពារការដោះដូរកូដសម្ងាត់គ្រីបតូ ឬសោរគ្រីបតូ (Cryptographic Keys) ដើម្បីដោះស្រាយការគំរាមកំហែងសុវត្ថិភាពតាមអ៊ិនធឺណិត ដែលបង្កឡើងដោយបច្ចេកវិទ្យាកង់ទិច។

គួររំឭកថាកាលពីដើមឆ្នាំនេះ MAS បានចេញព្រមានដល់ស្ថាប័នហិរញ្ញវត្ថុទាំងអស់ អំពីហានិភ័យសុវត្ថិភាពអ៊ិនធឺណិតដែលទាក់ទងនឹងបច្ចេកវិទ្យាកង់ទិច និងបានផ្តល់អនុសាសន៍សម្រាប់ពួកគេដើម្បីការពារខ្លួនពីការគំរាមកំហែងពាក់ព័ន្ធផ្សេងៗដែលបានកំណត់។