ព័ត៌មានអន្ដរជាតិ
ប្រធានាធិបតីឥណ្ឌូណេស៊ីថ្មី គួរផ្ដោតលើផលិតកម្មឧស្សាហកម្ម ពេលកាន់អំណាច ១០០ ថ្ងៃដំបូង
សេដ្ឋវិទូឥណ្ឌូណេស៊ី បាននិយាយថា ក្នុងរយៈពេល ១០០ ថ្ងៃដំបូងពេលឡើងកាន់អំណាច ប្រធានាធិបតីថ្មីរបស់ឥណ្ឌូណេស៊ី លោក ប្រាបូវ៉ូ ស៊ូប៊ីយ៉ានតូ (Prabowo Subianto) និងរដ្ឋាភិបាលដែលទើបបង្កើតឡើង គួរតែផ្ដោតលើការជំរុញផលិតកម្មឧស្សាហកម្មជាតិ។ នេះបើតាមការចុះផ្សាយរបស់កាសែត Jakarta Globe កាលពីថ្ងៃអង្គារ។
សេដ្ឋវិទូមកពីវិទ្យាស្ថានស្រាវជ្រាវ Core លោក Yusuf Rendy Manilet បានថ្លែងថា ការផ្តោតកាន់តែខ្លាំងលើវិស័យផលិតកម្មឧស្សាហកម្ម អាចជំរុញសេដ្ឋកិច្ចជាតិ។ ដោយនាំឱ្យមានការបង្កើតការងារ វាជួយរដ្ឋាភិបាលក្នុងការដោះស្រាយបញ្ហាសេដ្ឋកិច្ចសង្គម ដូចជាភាពអត់ការងារធ្វើ និងភាពក្រីក្រជាដើម។
លោក Yusuf បានលើកឡើងយ៉ាងដូច្នេះថា៖ «វិស័យផលិតកម្ម គឺជាអ្នករួមចំណែកធំបំផុតដល់ផលិតផលជាតិសរុប [GDP] របស់ឥណ្ឌូណេស៊ី។ ប្រសិនបើយើងចង់ឱ្យសេដ្ឋកិច្ចកើនឡើង រដ្ឋាភិបាលគួរដាក់អាទិភាពលើវិស័យផលិតកម្មក្នុងរយៈពេល ១០០ ថ្ងៃដំបូង នៃការកាន់អំណាច»។ លោកបន្តថា៖ «រដ្ឋាភិបាលចាំបាច់ត្រូវធ្វើសមាហរណកម្មគោលនយោបាយ ដើម្បីជំរុញវិស័យផលិតកម្មជាមួយនឹងជំហានដែលអាចជំរុញសេដ្ឋកិច្ច»។
អ្នកជំនាញផ្នែកសេដ្ឋកិច្ចដដែលបានផ្ដល់អនុសាសន៍បន្តថា រដ្ឋាភិបាលថ្មីរបស់ឥណ្ឌូណេស៊ីគួរតែវាយតម្លៃគោលនយោបាយលើកទឹកចិត្តរបស់ខ្លួនសម្រាប់ផលិតកម្មឧស្សាហកម្ម។ ជាមួយគ្នានោះ ឥណ្ឌូណេស៊ីក៏ត្រូវកែលម្អការរចនាផលិតផលក្នុងស្រុករបស់ខ្លួនផងដែរ ដើម្បីអាចប្រកួតប្រជែងក្នុងទីផ្សារពិភពលោក ខណៈគួរតែរួមបញ្ចូលឧស្សាហកម្មផលិតកម្មជាតិរបស់ខ្លួនជាមួយនឹងខ្សែសង្វាក់ផ្គត់ផ្គង់ពិភពលោក ដើម្បីបង្កើនការប្រកួតប្រជែង។
លោក Yusuf បាននិយាយថា៖ «ការវិនិយោគ និងយុទ្ធសាស្ត្ររបស់រដ្ឋាភិបាល លើការកែច្នៃរ៉ែរបស់ខ្លួនក្នុងស្រុក គឺជាធាតុសំខាន់ដែលអាចឱ្យវិស័យផលិតកម្មឥណ្ឌូណេស៊ី ដើរតួនាទីក្នុងខ្សែសង្វាក់ផ្គត់ផ្គង់ពិភពលោក»។
គួរគូសបញ្ជាក់ថា មុនពេលឡើងកាន់អំនាច លោក ប្រាបូវ៉ូ បានប្ដេជ្ញាយ៉ាងណាធ្វើឱ្យសម្រេចបាននូវកំណើនសេដ្ឋកិច្ច ៨ ភាគរយ ក្នុងអំឡុងពេលលោកកាន់អំណាច៕
លោក Munoz និយាយពីកីឡាករចំណូលថ្មី ក្រោយរកបាន Hat-trick
កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ
លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ
រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់
ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម២០ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានជាតិ៣ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ