ព័ត៌មានអន្ដរជាតិ

ប្រវត្តិមេប៉ូលិសថៃសំខាន់ៗ ជាប់ពាក់ព័ន្ធ ឧក្រិដ្ឋកម្មគ្រឿងញៀន ឆបោកអនឡាញ ស៊ីសំណូក លាងលុយ…

បានផុស

១ year មុន

នៅ

ថ្ងៃសុក្រ ១១ កក្កដា ២០២៥

ដោយ

ព្រះរាជាណាចក្រថៃមានប្រវត្តិកត់ត្រានូវបទល្មើសគ្រឿងញៀន ការស៊ីសំណូក បទឧក្រិដ្ឋធ្វើទារុណកម្ម ឆបោក និងការលាងលុយខុសច្បាប់ដែលជាប់ពាក់ព័ន្ធថ្នាក់ដឹកនាំនគរបាលជាតិថៃ និងនាំទៅដល់ការកើនឡើងបញ្ហាអសន្តិសុខដ៏ខ្លាំងរហូតមកដល់បច្ចុប្បន្ននេះដែលនាំទៅដល់ជម្លោះពាក្យសម្តីរវាង នាយករដ្ឋមន្ត្រី ផែថងថាន ស៊ីណាវ៉ាត្រ និង អតីតរដ្ឋមន្ត្រីក្រសួងមហាផ្ទៃ Anutin Charnvirakul។

រូបភាពបង្ហាញពីសកម្មភាពបង្រ្កាបគ្រឿងញៀនដែលរីករាលដាលនៅថៃ។ FB

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទល្មើសសំខាន់ៗ ត្រូវបានផ្សព្វផ្សាយយ៉ាងទូលំទូលាយដោយសារព័ត៌មានបរទេស មាន Associated Press របស់សហរដ្ឋអាមេរិក សារព័ត៌មាន The Asahi Shimbun របស់ប្រទេសជប៉ុន ទីភ្នាក់ងារសារព័ត៌មានបារាំង AFP និងសារព័ត៌មានក្នុងស្រុកជាដើម។

ជាក់ស្តែងណាស់ ករណីថ្មីៗបំផុត អតីតអគ្គស្នងការរងនគរបាលជាតិថៃឈ្មោះ Surachate Hakparn មានជាប់ពាក់ព័ន្ធការស៊ីសំណូកជាហូរហែរក្នុងការចុះបង្ក្រាបបទល្មើសតាមប្រព័ន្ធអនឡាញ ដែលធ្វើឲ្យការឆបោកតាមប្រព័ន្ធអនឡាញ រីកដុះដាលយ៉ាងខ្លាំងក្នុងប្រទេសថៃ និងនាំទៅដល់បញ្ហាអសន្តិសុខ។

លោក Surachate Hakparn ដែលត្រូវបានគេហៅឈ្មោះក្រៅថា «Big Joke» បានជាប់ផុងនៅក្នុងការចុះបង្ក្រាបបណ្តាញបទល្មើសល្បែងតាមអនឡាញ ហើយ លោកត្រូវបានចោទប្រកាន់ពីបទលាងលុយ។

សារព័ត៌មាន AFP បានរាយការណ៍កាលថ្ងៃទី១២ខែមីនាឆ្នាំ២០២៥នេះ ឲ្យដឹងថា ទម្រង់នៃការភ្នាល់ភាគច្រើនគឺខុសច្បាប់នៅក្នុងប្រទេសថៃ។ លោក Surachate ដែលបានកាន់តួនាទីនោះជាយូរ ហើយត្រូវបានគេភ្ជាប់ជាមួយនឹងឥស្សរជនដ៏មានឥទ្ធិពលក្នុងរដ្ឋាភិបាលដែលចូលបក្សសម្ព័ន្ធដោយកងទ័ពមុន។

អតីតអគ្គស្នងការរងនគរបាលជាតិថៃឈ្មោះ Surachate Hakparn។ PSB world

អគ្គស្នងការរងរូបនេះ ត្រូវបានតែងតាំងដោយឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ Prawit Wongsuwan ជាប្រធានការិយាល័យអន្តោប្រវេសន៍ក្នុងខែកញ្ញា ឆ្នាំ ២០១៨។ ក្រោយមក មេប៉ូលិសជាន់ខ្ពស់រូបនេះ បានបាត់វត្តមាននៅឆ្នាំ ២០១៩ ដោយសារហេតុផលមិនច្បាស់លាស់ មុនពេលដែលនាយករដ្ឋមន្ត្រី ប្រាយុត ចាន់អូចា (Prayut Chan-o-Cha) បានតែងតាំងគាត់ជាទីប្រឹក្សាពិសេសស្តីពីយុទ្ធសាស្ត្រដល់ប៉ូលីសនៅឆ្នាំ២០២១។

យោង Associated Press ផ្សាយនៅខែសីហាឆ្នាំ២០២៤ បទល្មើសដ៏ធំនិងកក្រើកផ្សេងទៀតនៅក្នុងប្រទេសថៃ គឺនៅពេលដែលអតីតអតីតអគ្គស្នងការនគរបាលជាតិ លោក Somyot Poompanmoung អតីតអគ្គព្រះរាជអាជ្ញារង Nate Naksuk និងមនុស្ស៦នាក់ផ្សេងទៀត ត្រូវបានតុលាការក្រុងបាងកក ចោទប្រកាន់ពីបទសមគំនិតក្នុងការផ្លាស់ប្តូរព័ត៌មានក្នុងបំណងការពារសេដ្ឋី Yoovidhya ជាម្ចាស់ក្រុមហ៊ុនភេសជ្ជៈខ្នាតយក្ស «Red-Bull»។

អតីតមេប៉ូលិសលោក Somyot Poompanmoung ក៏មានរឿងអាស្រូវផ្សេងទៀត ពេលដែលកាន់តំណែងជាប្រធានសមាគមកីឡាបាល់ទាត់ថៃ (Thai FA) ពីឆ្នាំ ២០១៦ ដល់ឆ្នាំ ២០២៤។

ក្រៅពីនោះ មានអតីតមេប៉ូលិស Thitisan Utthanaphon ដែលត្រូវចោទប្រកាន់ពីបទធ្វើទណ្ឌកម្មនិងការស្លាប់ជនសង្ស័យ និង ឧត្តមសេនីយទោ Ekkarat Intasueb និង Samrit Aimkamol ជាប់ពាក់ព័ន្ធបទល្មើស បទល្បែង និងការជួញដូរខុសច្បាប់តាមព្រំដែន។

បទល្មើសនៅប្រទេសថៃត្រូវផ្សាភ្ជាប់មិនអាចប្រកែកបានជាមួយសមត្ថកិច្ចរបស់ថៃ។

សារព័ត៌មានថៃ The Nation បានផ្សាយនៅថ្ងៃទី១១ខែកក្កដាន បង្ហាញថា យោងតាមការិយាល័យស៊ើបអង្កេតឧក្រិដ្ឋកម្មតាមអ៊ីនធឺណិត (CCIB) ចាប់ពីថ្ងៃទី ១ខែមករា ដល់ថ្ងៃទី ៩ខែកក្កដា ឆ្នាំ២០២៥ ប្រទេសថៃបានកត់ត្រាករណីឧក្រិដ្ឋកម្មតាមអ៊ីនធឺណិតចំនួន ១៧៥ ៤៧៧ ករណី ដែលមានជាមធ្យម ៩១៩ករណីក្នុងមួយថ្ងៃ។

ក្នុងចំណោមនោះ មាន ៣១១០៧ ត្រូវបានរាយការណ៍តាមអ៊ីនធឺណិត និង ១៥៤០៧ ត្រូវបានប្តឹងដោយផ្ទាល់ទៅអាជ្ញាធរ។ ការខូចខាតផ្នែកហិរញ្ញវត្ថុសរុបត្រូវបានប៉ាន់ប្រមាណថាមានចំនួន ១៤,៨៧ ពាន់លានបាត ពាន់លានបាត ដោយមានត្រឹមតែ ២ភាគរយ (ប្រហែល ២៩៥,៨ លានបាត) ត្រូវបានបង្កកដោយជោគជ័យទាន់ពេលវេលា។

លោកស្រី ផែថងថាន ស៊ីណាវ៉ាត្រ ចុះពិនិត្យ ការរឹបអួសម្សៅគ្រឿងញៀន។ FB

ក្នុងសប្តាហ៍នេះ នៅពេលដែលប្រទេសថៃបានដកច្បាប់ការស៊ីណូដ៏ចម្រូងចម្រាស ជម្លោះពាក្យសម្តីបានកើតឡើងរវាង អតីតរដ្ឋមន្ត្រីក្រសួងមហាផ្ទៃ លោក Anutin Charnvirakul ដែលអះអាងថា សេចក្តីស្នើច្បាប់នោះ បានធ្វើឲ្យទេសចរចិនបានធ្លាក់ចុះយ៉ាងគំហុក ហើយ ប្រធានាធិបតីចិន ស៊ី ជីនពីង បានព្រមាននាយករដ្ឋមន្ត្រីថៃរហូតដល់ទៅ៣ដងឲ្យដកច្បាប់នោះចេញ ប៉ុន្តែជាការវាយបក នាយករដ្ឋមន្ត្រី ផែថងថាន ស៊ីណាវ៉ាត្រ បានចោទប្រកាន់ថា «កត្តាអសន្តិសុខក្នុងប្រទេស» បានធ្វើឲ្យធ្លាក់ចុះភ្ញៀវទេសចរ។ បញ្ហាអសន្តិសុខក្នុងប្រទេសដោយសារការគ្រប់គ្រងរបស់ក្រសួងមហាផ្ទៃដែល លោក Anutin ដឹកនាំ៕

រ៉ាន់ រើយ