ព័ត៌មានអន្ដរជាតិ

ត្រាំ៖ បុគ្គល ឬក្រុមហ៊ុនណាដែលវិនិយោគ ១ ប៊ីលានដុល្លារឡើងទៅ នឹងទទួលបានការអនុញ្ញាតឆាប់រហ័ស

បានផុស

២ years មុន

នៅ

ថ្ងៃព្រហស្បតិ៍ ១២ ធ្នូ ២០២៤

ដោយ

ប្រធានាធិបតីជាប់ឆ្នោតរបស់សហរដ្ឋអាមេរិក លោក ដូណាល់ ត្រាំ បានសន្យាកាលពីថ្ងៃអង្គារថា បុគ្គល ឬក្រុមហ៊ុនណាមួយដែលដាក់ការវិនិយោគយ៉ាងហោចណាស់ ១ ប៊ីលានដុល្លារ នៅលើទឹកសហរដ្ឋអាមេរិក នឹងទទួលបានការអនុញ្ញាតឆាប់រហ័ស រួមទាំងទាំងការអនុញ្ញាតផ្នែកបរិស្ថានទាំងអស់។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានប្រកាសយ៉ាងដូច្នេះ នៅលើបណ្ដាញសង្គម Truth Social របស់លោក ប៉ុន្តែមិនបានផ្ដល់ព័ត៌មានលម្អិតបន្ថែមនោះទេ។

យ៉ាងណាមិញ រ៉យទ័របានស្រង់សម្ដីប្រភពដឹងពីបញ្ហានេះ ដែលនិយាយថា ក្រុមការងាររបស់លោក ត្រាំ កំពុងរៀបចំផែនការដើម្បីអនុម័តការអនុញ្ញាតឱ្យនាំចេញយ៉ាងឆាប់រហ័សសម្រាប់គម្រោងឧស្ម័នធម្មជាតិពង្រាវ និងគម្រោងពង្រីកការខួងយកប្រេងនៅលើដីសហព័ន្ធ និងក្នុងសមុទ្រ នៅពេលលោកចូលកាន់តំណែងនៅថ្ងៃទី ២០ ខែមករា។

យ៉ាងណាមិញ គេមិនច្បាស់នៅឡើយទេ ថាតើរដ្ឋបាលរបស់លោក ត្រាំ ឬលោក ត្រាំ នឹងធ្វើការបែបណាជាមួយគណៈកម្មការឯករាជ្យ ដូចជាគណៈកម្មការគ្រប់គ្រងថាមពលសហព័ន្ធ ដែលថ្មីៗនេះ តម្រូវឱ្យបន្ថែមការត្រួតពិនិត្យបរិស្ថានលើគម្រោងឧស្ម័នធម្មជាតិពង្រាវ។

គួរបញ្ជាក់ថា កន្លងមក មានសេចក្ដីរាយការណ៍ថា លោក ត្រាំ មានគម្រោងលុបចោលផ្នែកមួយចំនួននៃបទប្បញ្ញត្តិ និងច្បាប់ស្តីពីអាកាសធាតុកំពូលៗរបស់ប្រធានាធិបតីប្រជាធិបតេយ្យលោក ចូ បៃដិន ដូចជាឥណទានពន្ធសម្រាប់រថយន្តអគ្គិសនី និងស្តង់ដាររោងចក្រថាមពលស្អាតថ្មី ដែលមានបំណងកាត់បន្ថយធ្យូងថ្ម និងឧស្ម័នធម្មជាតិ ជាដើម។

អ្នកបរិស្ថាន និងអ្នកជំនាញបានព្រួយបារម្ភថា ការលុបចោលនូវបទបទប្បញ្ញត្តិផ្សេងៗដែលមានបំណងប្រយុទ្ធប្រឆាំងនឹងការប្រែប្រួលអាកាសធាតុ នឹងធ្វើឱ្យសហរដ្ឋអាមេរិកដើរថយក្រោយក្នុងកិច្ចខំប្រឹងប្រែងដោះស្រាយបញ្ហាសកល ដែលជាការគំរាមកំហែងដ៏ធំបំផុតមួយនេះ៕