ព័ត៌មានអន្ដរជាតិ
ផលិតកម្មរថយន្តជាសកលរបស់ Toyota បន្តធ្លាក់ចុះ ១០ ខែជាប់ៗគ្នា ទោះការលក់កើនឡើង
ក្រុមហ៊ុនផលិតរថយន្តជប៉ុន Toyota Motor បានឱ្យដឹងនៅថ្ងៃពុធនេះថា ការផលិតរថយន្តជាសកលរបស់ក្រុមហ៊ុនបានបន្តធ្លាក់ចុះនៅខែវិច្ឆិកា ដែលជាការធ្លាក់ចុះនៅខែទី១០ជាប់ៗគ្នា ទោះបីជាការលក់នៅទូទាំងពិភពលោកបានកើនឡើងដោយសារតែតម្រូវការរឹងមាំនៅសហរដ្ឋអាមេរិក និងចិន ក៏ដោយ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
Toyota បានផលិតរថយន្តចំនួន ៨៦៩ ២៣០ គ្រឿងនៅទូទាំងពិភពលោកនៅខែវិច្ឆិកា ដោយធ្លាក់ចុះ ៦,២ ភាគរយ ធៀបនឹងរយៈពេលដូចគ្នាកាលពីឆ្នាំមុន និងធំជាងការធ្លាក់ចុះ ០,៨ ភាគរយ កាលពីខែតុលា។
ផលិតកម្មនៅទីផ្សារសំខាន់ៗ ដូចជាសហរដ្ឋអាមេរិក ចិន និងជប៉ុន សុទ្ធតែបានធ្លាក់ គ្រាន់តែថា ការធ្លាក់ចុះនៅចិនហាក់បានស្រាកស្រាន្តខ្លាំង ធៀបនឹងខែតុលា។
ផ្ទុយទៅវិញ ការលក់កើនឡើងនៅខែវិច្ឆិកា ដែលជាកំណើន២ខែជាប់ៗគ្នា។ Toyota បានកត់ត្រាពីកំណើននៃការលក់ ១,៧ ភាគរយ ឬសរុបប្រមាណ ៩២០ ៥៦៩ គ្រឿង នៅខែវិច្ឆិកា។
ប៉ុន្តែ ចន្លោះពីខែមករាដល់ខែវិច្ឆិកា ផលិតកម្មរថយន្តសកលរបស់ Toyota មានការថយចុះ ៥,២ ភាគរយ បើធៀបនឹងរយៈពេលដូចគ្នាកាលពីឆ្នាំមុន ត្រឹមចំនួនប្រហែលសរុប ៨,៧៥ លានគ្រឿង ខណៈការលក់ក្នុងរយៈពេលដូចគ្នា បានធ្លាក់ចុះ ១,២ ភាគរយ។
គួរគូសបញ្ជាក់ថា ការធ្លាក់ចុះនៃផលិតកម្មរថយន្តរបស់ Toyota កើតឡើងចំពេលដែលមានការប្រកួតប្រជែងកាន់តែខ្លាំងពីក្រុមហ៊ុនផលិតរថយន្តផ្សេងៗ ជាពិសេសលើវិស័យរថយន្តអគ្គិសនីរបស់ក្រុមហ៊ុនចិន៕
-
កីឡា១ សប្តាហ៍ agoអបអរសាទរ! អេស្ប៉ាញ ជាជើងឯកពិភពលោក World Cup 2026 ក្រោយឈ្នះ អាហ្សង់ទីន
-
ព័ត៌មានជាតិ១ សប្តាហ៍ agoពលរដ្ឋអាចស្នើប្តូរបណ្ណកម្មសិទ្ធិមានកំហុស ឬ QR Code ស្កេនមិនចេញ បាននៅមន្ទីររៀបចំដែនដី រាជធានីភ្នំពេញ
-
សន្តិសុខសង្គម៦ ថ្ងៃ agoទើបរៀបការ ២ ខែ! នារីម្នាក់ ត្រូវបុរសស្គាល់តាម Facebook បោកមកធ្វើការនៅភ្នំពេញ សម្លាប់ក្នុងផ្ទះសំណាក់ ពេលនេះសមត្ថកិច្ចចាប់បានឃាតកហើយ
-
ព័ត៌មានអន្ដរជាតិ៣ ថ្ងៃ agoថៃ ដាក់ច្បាប់អាជ្ញាសឹក នៅ Narathiwat, បើកដៃ ឲ្យទាហាន មានសិទ្ធបាញ់តាមចិត្ត
-
កីឡា៣ ថ្ងៃ agoក្រុមបាល់ទះកម្ពុជា ទទួលបាន ៦.០៣ ពិន្ទុ នៅក្នុងតារាងពិភពលោក ក្រោយឈ្នះ ហ្វីលីពីន យប់មិញ
-
កីឡា៦ ថ្ងៃ agoយប់នេះជំនួបសំខាន់ ក្រុមបាល់ទះកម្ពុជា ប៉ះ ឥណ្ឌូណេស៊ី ជាការជួបគ្នាលើកទី១១
-
ព័ត៌មានជាតិ៣ ថ្ងៃ agoកម្ពុជា-អាម៉េរិក ឈានដល់ការពិភាក្សាលើនីតិវិធីក្នុងការជ្រើសរើសយោធាកម្ពុជាទៅសិក្សានៅសាលាទ័ពជើងទឹកអាម៉េរិក
-
ព័ត៌មានជាតិ២ ថ្ងៃ agoអ្នកដំណើរជនជាតិបារាំងម្នាក់ អះអាងថា ត្រូវអាជ្ញាធរថៃបដិសេធការចូលប្រទេស និងបញ្ជូនត្រឡប់មកកម្ពុជាវិញ