ព័ត៌មានអន្ដរជាតិ
ផលិតកម្មរថយន្តToyota កើនជាលើកដំបូងក្នុងរយៈពេល១ឆ្នាំ ខែមុន
ក្រុមហ៊ុនផលិតរថយន្តយក្សជប៉ុន Toyota Motor បានឱ្យដឹងនៅថ្ងៃព្រហស្បតិ៍នេះថា ផលិតកម្មរថយន្តនៅទូទាំងពិភពលោករបស់ខ្លួន បានកើនឡើងជាលើកដំបូងបំផុតក្នុងរយៈពេល ១ ឆ្នាំ កាលពីខែមករា។ នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។
ផលិតកម្មរថយន្តសកលរបស់ Toyota សម្រាប់ខែមករា បានកើនឡើង ៦ ភាគរយ ឆ្នាំលើឆ្នាំ ដល់ ៧៨១ ៧២៩ គ្រឿង ដោយក្នុងនោះ ផលិតកម្មនៅជប៉ុនបានកើនឡើង ២២ ភាគរយ ដោយស៊ីសងគ្នាទៅនឹងការធ្លាក់ចុះនៅបណ្ដារោងចក្រក្រៅប្រទេសផ្សេងៗ។
ការផលិតនៅអាមេរិកខាងជើងបានកើនឡើង ៣ ភាគរយ នៅខែមករា ដោយសារកំណើនផលិតកម្មនៅម៉ិកស៊ិក ដែលប៉ះប៉ូវការធ្លាក់ចុះនៅសហរដ្ឋអាមេរិក និងកាណាដា។
យ៉ាងណាមិញ ការលក់ជាសាកលរបស់ក្រុមហ៊ុន Toyota មានសភាពដូចគ្នា ដោយកំណើនលក់ ១៣ ភាគរយនៅជប៉ុន ត្រូវស៊ីសងនឹងការធ្លាក់ចុះ ១៤ ភាគរយ នៅចិន និង ១ ភាគរយ នៅសហរដ្ឋអាមេរិក។ ប៉ុន្តែក្រុមហ៊ុននៅតែនិយាយថា តម្រូវការនៅអាមេរិកខាងជើងសម្រាប់រថយន្ត Toyota នៅតែរឹងមាំ ទោះបីមានភាពអវិជ្ជមានមួយចំនួនពីការធ្លាក់ព្រិលនៅខែមករា ក៏ដោយ៕
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត