ព័ត៌មានជាតិ
យុវតីវ័យជាង ២០ ឆ្នាំ ប្រាប់បទពិសោធន៍ បើករថយន្តបែនតម្លៃជាង ១ លានដុល្លារ ដឹករ៉ែមាស
ដោយមានជំនឿថា ការងារមិនប្រកាន់ប្រុសស្រីឲ្យតែមានសមត្ថភាពនិងឆន្ទៈ យុវតីម្នាក់បានឆ្លៀតផ្ដល់បទសម្ភាសន៍ដល់ក្រុមអ្នកសារព័ត៌មានពីការងារបើកបររថយន្តបែនដឹករ៉ែមាស នៅការដ្ឋានជីករុករករ៉ែមាសនៅអូរខ្វាវ ខេត្តមណ្ឌលគិរី។
ដោយធ្លាប់សិក្សាជំនាញបើកបររថយន្តទូទៅ និងបានពង្រឹងសមត្ថភាពបើកបររថយន្តបែនដឹកជញ្ជូនធុនធ្ងន់ យុវតី រិន ធានា បានរៀបរាប់ពីបទពិសោធន៍ការបើកបររថយន្តបែនដឹករ៉ែមាស ជាមួយការតាំងចិត្តជម្នះការមើលស្រាលពីមជ្ឈដ្ឋានទូទៅមួយចំនួន ដែលថាស្រ្តីមិនអាចធ្វើការងារធ្ងន់ប្រើកម្លាំងខ្លាំងដូចបុរស។
ពាក់ព័ន្ធការបើកបររថយន្តដែលមានទម្ងន់ជាង ១០០ តោន យុវតីរូបនេះប្រាប់ថា ការរចនារថយន្តនេះមានសុវត្ថិភាពជាងរថយន្តធម្មតាសម្រាប់ប្រើប្រាស់ក្នុងលក្ខខណ្ឌជាពិសេសដូចជាក្នុងការដ្ឋានរ៉ែ។
ជាមួយបទពិសោធន៍បើកបរអស់រយៈពេលជាង ៣ ឆ្នាំនៅការដ្ឋានរុករករ៉ែមាសក្នុងខេត្តមណ្ឌលគិរី យុវតី រិន ធានា ប្រាប់ថា មិនដែលជួបបញ្ហាគ្រោះថ្នាក់អីធ្ងន់ធ្ងរនោះទេ ខណៈដែលរថយន្តកម្លាំងខ្លាំងនេះបានបំពាក់ប្រព័ន្ធបច្ចេកទេសទំនើបជួយសម្រួលដល់ការបើកបរ និងអាចកាត់បន្ថយគ្រោះថ្នាក់ផ្សេងៗ។
យុតីរូបនេះក៏ចង់ចែករំលែកឲ្យស្រ្តីគ្រប់រូបត្រូវមានភាពរឹងមាំ ជឿជាក់លើខ្លួនឯង ជឿថានារីក៏អាចធ្វើកិច្ចការធំៗដូចបុរសបានដែរឲ្យតែជឿជាក់លើសមត្ថភាពខ្លួនឯង៕
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៥ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន