ព័ត៌មានអន្ដរជាតិ
ឧស្សាហកម្មកៅស៊ូសកល រំពឹងពីផលិតកម្មមិនគ្រប់តម្រូវការឆ្នាំនេះ
តម្រូវការកៅស៊ូធម្មជាតិសកល រំពឹងថានឹងបន្តកើនឡើងនៅឆ្នាំ ២០២៥ ប៉ុន្តែវានឹងមិនមានគ្រប់តាមតម្រូវការនោះទេ ដោយសារតែកម្សោយនៃការចៀរកៅស៊ូនៅតាមប្រទេសផលិតធំៗដូចជាឥណ្ឌូណេស៊ី និងវៀតណាម ជាដើម។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
សេដ្ឋវិទូជាន់ខ្ពស់នៃសមាគមប្រទេសផលិតកៅស៊ូធម្មជាតិ (ANRPC) លោក Lekshmi Nair បានប្រាប់រ៉យទ័រ នៅថ្ងៃពុធថា៖ «តម្រូវការបានកើនឡើងជាជាប់លាប់ក្នុងបណ្តាប្រទេសដូចជាចិន ឥណ្ឌា និងថៃ ប៉ុន្តែការផលិតមានភាពយឺតយ៉ាវដោយសារតែតម្លៃកៅស៊ូទាប ដោយវាទើបតែកើនឡើងនៅឆ្នាំមុនប៉ុណ្ណោះ»។
ផលិតកម្មមិនគ្រប់តម្រូវការ ទំនងនឹងរក្សាតម្លៃកៅស៊ូខ្ពស់ ដែលឈានដល់កម្រិតខ្ពស់បំផុតក្នុងរយៈពេល ១៣ ឆ្នាំ កាលពីឆ្នាំមុន ដែលអាចបង្កើនតម្លៃសម្រាប់ក្រុមហ៊ុនផលិតសំបកកង់។
យោងតាម ANRPC ផលិតកម្មសកលរំពឹងថានឹងកើនឡើង ០,៣ ភាគរយ ដល់ ១៤,៩ លានតោន ក្នុងឆ្នាំ ២០២៥ ខណៈតម្រូវការរំពឹងថានឹងកើនឡើងក្នុងអត្រាលឿនជាងមុន ១,៨ ភាគរយ ដល់ ១៥,៦ លានតោន។ នេះនឹងធ្វើឱ្យ ២០២៥ គឺជាឆ្នាំទី៥ជាប់គ្នាៗ ដែលឧស្សាហកម្មកៅស៊ូប្រឈមមុខនឹងផលិតកម្មមិនគ្រប់តម្រូវការ
តម្លៃកៅស៊ូ ដែលទាបជាងដំណាំឧស្សាហកម្មដទៃទៀតដូចជា ដូងប្រេង កាហ្វេ និងកាកាវ អស់រយៈពេលជាង ១០ ឆ្នាំ មកហើយនោះ កើនឡើងភ្លាមៗនៅក្នុងត្រីមាសចុងក្រោយនៃឆ្នាំ ២០២៤។ ការកើនឡើងនេះបណ្តាលមកពីបញ្ហាអាកាសធាតុ ដែលកាត់បន្ថយផលិតកម្មកៅស៊ូក្នុងបណ្តាប្រទេសអាស៊ី។
លោក Nair បាននិយាយថា កង្វះខាតកៅស៊ូនាពេលបច្ចុប្បន្ននេះ គឺដោយសារតែតម្លៃធ្លាក់ចុះខ្លាំងក្នុងរយៈពេលពី ៧ ទៅ ៨ ឆ្នាំចុងក្រោយ ដែលបណ្តាលឱ្យការដាំដុះឡើងវិញថយចុះ និងធ្វើឱ្យកសិករងាកទៅដាំដំណាំផ្សេងៗ ដែលអាចរកប្រាក់ចំណូលបានច្រើន៕
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ២ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត