សម្ពាធពន្ធចិន-អាមេរិក ធូរស្រាល ទាញទម្លាក់តម្លៃហាងឆេងមាស

ហាងឆេងមាសបានបើកផ្សារនៅតម្លៃ ៣៩០០ ដុល្លារ ក្នុងមួយតម្លឹងសម្រាប់ទៅផ្សារនៅកម្ពុជា នៅថ្ងៃសុក្រ ០២ ខែ​ឧសភា ឆ្នាំ ២០២៥ ជាតម្លៃធ្លាក់​ចុះ​ ធៀបនឹង​សប្ដាហ៍​មុន ដែលមានតម្លៃរហូតដល់ ៤០៦០ ដុល្លារ​​ក្នុងមួយតម្លឹង។

​

លោក ឡុង សំណាង ​ប្រធានផ្នែកប្រឹក្សាយោបល់ហិរញ្ញវត្ថុក្រុមហ៊ុន ​PP Link securities ប្រាប់​កម្ពុ​ជាថ្មីថា សម្ពាធពន្ធអាមេរិក និងចិនធូរស្រាល ធ្វើឱ្យតម្លៃមាសបន្តធ្លាក់ចុះ ខណៈគោលន​យោ​បាយហិរញ្ញវត្ថុ​ធនាគារ​កណ្ដាល​​សហ​រដ្ឋអាមេរិក បន្ទាប់ពី លោក ដូ ណាល់ត្រាំ បានបញ្ជាក់​ថា មិនមានចេតនា ដក​លោក ​Jerome Powell ចេញពីដំណែងនោះទេ ក៏ជាឆ្លុះបញ្ចាំងពីការ​ប្រែ​ប្រួលតម្លៃមាសផងដែរ។

ម្យ៉ាងទៀត វិនិយោគិនជាច្រើន បានកាត់យកផលចំណេញនៅតម្លៃ ៣៤៩៩ ក្នុងមួយអោន ដែល​​ជាតម្លៃពស់ កាលពីខែមុន ខណៈភូមិសាស្ត្រនយោបាយ និងសង្គ្រាមស្ងប់ស្ងាត់ ហើយ​ប្រាក់​ដុល្លារងើបឡើង ធ្វើឱ្យមាសធ្លាក់ចុះវិញ។

លោក ឡុង សំណាង យល់ឃើញថា៖ «ការប្ដូរប្រាក់ដុល្លារជាមួយរូបិយបណ្ណបាន​ងើបឡើង​បន្តិច​​នៅ​តាមបណ្ដាធនាគារធំៗនៅលើពិភពលោក ពោលគឺប្រាក់ដុល្លារមានភាពល្អប្រសើរ ទាញ​​ឱ្យតម្លៃហាងឆេងមាសធ្លាក់ចុះបន្តិចទៀត»។

អាជីវករផ្សាធរថ្មី ប្រាប់ថា តម្លៃមាសប្រែប្រួលឡើងចុះលឿនធ្វើឱ្យ ការទិញ-លក់ ហាក់​ស្ងប់ស្ងាត់។ នៅថ្ងៃទី ០២ ខែឧសភា ឆ្នាំ ២០២៥ តម្លៃមាសក្នុងស្រុកតាមបណ្ដាហាងនានា​លក់ចេញ ៣៩៤ ដុល្លារ ក្នុងមួយជី៕

អត្ថបទ៖ ឡេង ដេត