សេដ្ឋកិច្ច

ការអនុវត្តគោលនយោបាយជាតិស្ដីពីស្វាយចន្ទី ២០២២-២០២៧ មានវឌ្ឍនភាពល្អ

បានផុស

២៣ ម៉ោង មុន

នៅ

ថ្ងៃពុធ ២៨ ឧសភា ២០២៥

ដោយ

លោក ទិត សីច័ន្ទលី អគ្គនាយកជំរុញពាណិជ្ជកម្ម នៃក្រសួងពាណិជ្ជកម្ម នៅព្រឹកថ្ងៃទី ២៦ ខែឧសភា ឆ្នាំ ២០២៥ បានដឹកនាំកិច្ចប្រជុំលេខាធិការដ្ឋាន ដើម្បីពិនិត្យ និងពិភាក្សាលើវឌ្ឍនភាពការងារនៃការអនុវត្តគោលនយោបាយជាតិស្តីពីស្វាយចន្ទី ឆ្នាំ២០២២-២០២៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំ មានការអញ្ជើញចូលរួមពី តំណាងសហព័ន្ធស្វាយចន្ទីកម្ពុជា និងសមាគមស្វាយចន្ទីកម្ពុជា។ ក្រសួង-ស្ថាប័ន និងវិស័យឯកជនពាក់ព័ន្ធបានប្តេជ្ញានឹងបន្តខិតខំប្រឹងប្រែង និងសហការឱ្យកាន់តែជិតស្និត ក្នុងស្មារតីរួមគ្នាអភិវឌ្ឍវិស័យស្វាយចន្ទីកម្ពុជាបន្ថែមទៀត។

លោក ស៊ុយ កុកធាន អនុប្រធានសមាគមស្វាយចន្ទីកម្ពុជា មានប្រសាសន៍ថា៖ «យើងមើលឃើញសកម្មភាពនានាក្នុងការជំរុញឱ្យកម្ពុជាក្លាយទៅជាប្រទេសដែលកែច្នៃបាន ២៥% នៃផលិតកម្មសរុបរបស់យើងក្នុងឆ្នាំ ២០២៧ យើងឃើញផែនការសកម្មភាពភាគច្រើនបំផុតយើងធ្វើបានលើសពី ៦០%»។

នៅឆ្នាំ ២០២៤ កម្ពុជាសម្រេចបានការប្រមូលទិន្នផលគ្រាប់ស្វាយចន្ទីចំនួន ៨៥ ម៉ឺនតោន ក្នុងនោះនាំចេញគ្រាប់ឆៅបានចំនួន ៨១ ម៉ឺន ៥ ពាន់តោន កើនឡើង ២១ ភាគរយ គិតជាទឹកប្រាក់ ១,១៥០ ពាន់លានដុល្លារ កើន ២៦,១៥ ភាគរយ។ ក្នុងនោះនាំចេញទៅវៀតណាម មានចំនួន ៧៩ ម៉ឺន ៥ ពាន់តោន៕