ព័ត៌មានអន្ដរជាតិ

វៀតណាមកំណត់គោលដៅបង្កើនការនាំចេញគ្រាប់ស្វាយចន្ទី ដល់ ៤,៥ ប៊ីលានដុល្លារឆ្នាំនេះ

បានផុស

២ ម៉ោង មុន

នៅ

ថ្ងៃអង្គារ ១៥ កក្កដា ២០២៥

ដោយ

ក្រសួងកសិកម្ម និងបរិស្ថានវៀតណាម បានឱ្យដឹងថា វៀតណាមបានកំណត់គោលដៅបង្កើនការនាំចេញគ្រាប់ស្វាយចន្ទី ដល់ ៤,៥ ប៊ីលានដុល្លារ នៅឆ្នាំនេះ ដោយកើនឡើងប្រមាណ ២,៧ ភាគរយ ធៀបនឹងឆ្នាំមុន។ នេះបើតាមការចុះផ្សាយរបស់កាសែត VnExpress កាលពីថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរយៈពេល ៦ ខែ ដើមឆ្នាំនេះ វៀតណាមបាននាំចេញគ្រាប់ស្វាយចន្ទីប្រមាណ ៣៤៦ ៨០០ តោន ក្នុងតម្លៃ ២,៣៦ ប៊ីលានដុល្លារ ដោយធ្លាក់ចុះ ២,៧ ភាគរយ គិតជាបរិមាណ និងកើនឡើងរហូតដល់ ២០,៤ ភាគរយ បើគិតជាតម្លៃ។

កំណើនតម្លៃនាំចេញជួញជំរុញតម្លៃសរុប ទោះបីជាបរិមាណធ្លាក់ចុះក៏ដោយ ដោយគ្រាប់ស្វាយចន្ទីនាំចេញក្នុងតម្លៃប្រមាណ ៦ ៨០៥ ដុល្លារ/តោន ជាមធ្យម ក្នុងរយៈពេល ៦ ខែ ដោយកើនឡើង ២៣,៨ ភាគរយ។ ចិន សហរដ្ឋអាមេរិក និងហូឡង់ នៅតែជាប្រទេសទិញគ្រាប់ស្វាយចន្ទីកំពូលរបស់វៀតណាម។

ក្រសួងកសិកម្មវៀតណាម កំពុងអំពាវនាវឱ្យមានកិច្ចប្រឹងប្រែងបន្ថែមទៀត ដើម្បីចូលទៅទីផ្សារកំពុងរីកចម្រើន ដែលមានតម្រូវការគ្រាប់ស្វាយចន្ទីខ្លាំង ប៉ុន្តែវត្តមានផលិតផលវៀតណាមមានតិចតួច រួមទាំងអារ៉ាប់រួម និងអារ៉ាប៊ីសាអូឌីត ជាដើម៕