កូវីដ-១៩
ទីតាំងលក់ដូរថ្មីបន្ទាប់ពីបិទផ្សារច្បារអំពៅ
ភ្នំពេញ៖ ប្រជាពលរដ្ឋរស់នៅក្នុងសង្កាត់ច្បារអំពៅទី១ សង្កាត់ព្រែកប្រា និងសង្កាត់និរោធក្នុងមូលដ្ឋានខណ្ឌច្បារអំពៅ រាជធានីភ្នំពេញ សូមរួសរាន់មកលក់ដូរ និងទិញម្ហូបអាហារនៅទីតាំងថ្មីដោយអាជ្ញាធរខណ្ឌច្បារអំពៅ។
យោងតាមសេចក្តីរាយការណ៍ពីលោក គុយ គឹមហ៊ាង ប្រធានការិយាល័យសាធារណៈការ សាលាខណ្ឌច្បារអំពៅបានប្រាប់ កម្ពុជាថ្មី ថា ចាប់តាំងពីថ្ងៃទី១ ខែឧសភានេះតទៅ សាលាខណ្ឌច្បារអំពៅបានសម្រេចបង្កើតស្តង់លក់ដូរនៅលើកំណាត់ផ្លូវព្រែកបារាំងដែលមានទីតាំងស្ថិតនៅក្រោយវត្តនិរោធ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ។
លោក គុយ គឹមហ៊ាង បន្តថា ស្តង់ថ្មីនេះគឺមានគម្លាត៥ម៉ែត្រហើយទាំងអ្នកលក់ និងអ្នកទិញត្រូវអនុវត្តន៍វិធានការណ៍របស់ក្រសួងសុខាភិបាលដែលក្នុងនោះគឺត្រូវពាក់ម៉ាស់ និងលាងអាល់កុលរាល់ពេលទទួលថវិកា ក៏ដូចជាអីវ៉ាន់ដោះដូរ។
លោក គុយ គឹមហ៊ាង បានបញ្ជាក់ថា ដោយសារបងប្អូនរស់នៅក្នុងមូលដ្ឋានសង្កាត់ដែលបានរៀបរាប់ខាងលើពុំមានកន្លែងលក់ដូរ ហើយប្រជាពលរដ្ឋពិបាក និងរកផ្សារលក់ដូរបន្ទាប់ពីសាលារាជធានីបានសម្រេចបិទផ្សារធំៗក្នុងមូលដ្ឋានខណ្ឌច្បារអំពៅដោយសារផ្ទុះជំងឺកូវីដ-១៩ធ្ងន់ធ្ងរពេក ទើបលោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅបានស្នើសុំទៅអភិបាលរាជធានីសម្រេចយកផ្លូវព្រែកបារាំងដែលមានភាពធំទូលាយមកបង្កើតជាស្តង់លក់ដូរបណ្តោះអាសន្នក្នុងដំណាក់កាលជំងឺកូវីដ-១៩ កំពុងវាយលុកខ្លាំងរាល់ថ្ងៃនេះ។
ប៉ុន្តែអ្នកលក់ និងអ្នកទិញត្រូវគោរពនិងអនុវត្តវិធានការរបស់ក្រសួងសុខាភិបាលដែលបានដាក់ចេញឲ្យបានខ្ជាប់ខ្ជួនបំផុត៕
អត្ថបទ៖ នរា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ