តារាចម្រៀង វណ្ណា ស័ក្ត៖ យកជីវិតខ្ញុំទៅ សូមកុំយកជីវិតម៉ែខ្ញុំអី!

ភ្នំពេញ៖ តារាចម្រៀងប្រុសលោក វណ្ណា ស័ក្ត ដែលត្រូវជាកូនប្រុសបង្កើតរបស់តារាកំប្លែងលោកយាយ ណយ សំណាង បានបង្ហាញអារម្មណ៍ស្លុតចិត្តខ្លាំងខណៈដែលអ្នកម្តាយបានឆ្លងជំងឺកូវីដ-១៩។
ទន្ទឹមគ្នានេះលោក វណ្ណា ស័ក្ត បាននិយាយទាំងអួលដើមករថា៖ “មិនគួរណាមានបញ្ហាអ៊ីចឹងមកលើអ្នកម្តាយខ្ញុំ និងគ្រួសារខ្ញុំសោះ! ហេតុអ្វីទៅលោកអើយ? អាណិតម៉ែណាស់។ សូមវត្ថុស័ក្តិសិទ្ធិជួយតាមថែរក្សាម៉ែខ្ញុំឆាប់ជាពីរជំងឺនេះផង”។
លោកបន្តថា៖ “ខ្ញុំសុខចិត្តឱ្យខ្ញុំ ធ្វើអ្វីក៏បានដែរ ខ្ញុំព្រមធ្វើតាមទាំងអស់ ឱ្យតែម៉ែបានជាសះស្បើយពីជំងឺដ៏កាចសាហាវនេះ ខ្ញុំមិនដឹងនិយាយថាម៉េចឱ្យត្រូវទេ គាំងអស់ហើយ មានតែសុំពាក្យជូនពរពីបងប្អូនទាំងអស់គ្នាឱ្យម៉ែខ្ញុំ និងគ្រួសារខ្ញុំបានជាសះស្បើយពីរជំងឺនេះផងចុះ។
តារាចម្រៀងលោកវណ្ណា ស័ក្ត និយាយបន្ថែមទៀតថា៖ “យកជីវិតខ្ញុំទៅ សូមកុំយកជីវិតម៉ែខ្ញុំអី!”។

តាមរយៈការលើកឡើងនេះធ្វើឱ្យមហាជនជាច្រើនសម្តែងការបារម្ភ និងជូនពរគ្រប់គ្នា។

សូមជម្រាបថាលោកយាយ ណយ សំណាង ពេលនេះកំពុងសង្គ្រោះបន្ទាន់នៅអាគារដឺព្រេមៀសែនសុខក្រោយឆ្លងកូវីដ-១៩៕

អត្ថបទ៖ ចាន់រ៉ា