កូវីដ-១៩
រដ្ឋាភិបាលនឹងផ្ដល់ប្រាក់ជូនពលរដ្ឋ កម្មករមានជីវភាពលំបាកក្រោយបិទខ្ទប់
ភ្នំពេញ៖ រដ្ឋាភិបាលនឹងចាប់ផ្តើមអនុវត្តការបើកផ្ដល់ប្រាក់ជូនប្រជាពលរដ្ឋ និងគ្រួសារមានការលំបាកផ្នែកជីវភាព កម្មករនិយោជិតគោលដៅក្រោយពេលបិទខ្ទប់ទ្រង់ទ្រាយធំ និងគ្រួសារប្រជាពលរដ្ឋដែលបានឆ្លង និងស្លាប់ដោយសារជំងឺកូវីដ‑១៩ ក្នុង “ព្រឹត្តិការណ៍សហគមន៍ ២០កុម្ភៈ” នៅដើមខែមិថុនាឆ្នាំ២០២១ខាងមុខនេះតទៅ។
យោងតាមសេចក្តីសម្រេចរបស់ក្រសួងសេដ្ឋកិច្ច និងហិរញ្ញវត្ថុដែលទើបទទួលបាននៅថ្ងៃទី១៨ ខែឧសភានេះបានបង្ហាញថា ការឧបត្ថម្ភសាច់ប្រាក់នេះគឺសម្រាប់ប្រជាពលរដ្ឋ និងគ្រួសារប្រជាពលរដ្ឋមានការលំបាកផ្នែកជីវភាពដែលស្ថិតក្នុងតំបន់ក្រហមការអនុវត្តវិធានការបិទខ្ទប់ជាលក្ខណៈទ្រង់ទ្រាយធំនៅរាជធានីភ្នំពេញ ក្រុងតាខ្មៅនៃខេត្តកណ្ដាល និងក្រុងព្រះសីហនុ ខេត្តព្រះសីហនុប៉ុណ្ណោះ។
ក្នុងនោះគ្រួសារសម្រាប់១នាក់ទទួលបានប្រាក់ថ្លៃស្បៀងអាហារចំនួន១០ម៉ឺនរៀល ថ្លៃទឹកស្អាត២ខែចំនួន ១៨,០០០រៀល ថ្លៃអគ្គិសនី២ខែចំនួន ៣៨,០០០រៀល សរុប១៥៦,០០០រៀល។ គ្រួសារមានមនុស្សពី២ទៅ៣នាក់ចំនួន ១១៣,៥០០រៀល ថ្លៃទឹកស្អាត២ខែចំនួន៤៤,៨០០រៀល ថ្លៃអគ្គិសនី២ខែចំនួន ៨៥,៤០០រៀល សរុប ២៤៣,៧០០រៀល។ សម្រាប់គ្រួសារចាប់ពីមនុស្ស៤នាក់ឡើងទៅទទួលបាន ១២៧,០០០រៀល ថ្លៃទឹកស្អាត២ខែ ៦២,០០០រៀល ថ្លៃអគ្គិសនី២ខែ ១២,២០០០រៀល សរុប ៣១១,០០០រៀល។
ចំពោះប្រជាពលរដ្ឋ និងគ្រួសារប្រជាពលរដ្ឋដែលមានអ្នកឆ្លងកូវិដ‑១៩ និងមានជីវភាពលំបាកផ្នែកជីវភាពក៏ទទួលបានប្រាក់ឧបត្ថម្ភដូចគ្នាផដែរ។
រីឯការឧបត្ថម្ភប្រាក់សម្រាប់គ្រួសារពលរដ្ឋដែលមានអ្នកស្លាប់ដោយសារកូវីដ‑១៩ នឹងទទួលបានថវិកាសម្រាប់គ្រួសារមនុស្ស១នាក់ទទួលបានថ្លៃស្បៀងអាហារចំនួន៣០ម៉ឺនរៀល ថ្លៃទឹកស្អាត៥ខែចំនួន ៤៥,០០០រៀល ថ្លៃអគ្គិសនី៥ខែចំនួន ៩៥,០០០រៀល សរុប៤៤ម៉ឺនរៀល។ គ្រួសារដែលមានមនុស្សពី២នាក់ទៅ៣នាក់នឹងទទូលបានថ្លៃស្បៀងអាហារចំនួន៣០មម៉ឺនរៀល ថ្លៃទឹកស្អាត៥ខែ ១១២,០០០រៀល ថ្លៃអគ្គីសនី៥ ខែចំនួន ២១៣,៥០០រៀល សរុប ៦២៥,៥០០រៀល និងគ្រួសារដែលមានមនុស្ស៤នាក់ឡើងទៅទទួលបាន៣០ម៉ឺនរៀល ថ្លៃទឹកស្អាតខែចំនួន ១៥៥,០០០រៀល ថ្លៃអគ្គិសនី៥ខែចំនួន ៣០៥,០០០រៀល សរុប ៧៦ម៉ឺនរៀល។
ចំពោះគ្រួសារដែលមានប័ណ្ណសមធម៌ដែលកំពុងទទួលការឧបត្ថម្ភជារៀងរាល់ខែពីកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងប្រយុទ្ធនឹងជំងឺកូវីដ‑១៩ មិនទទួលបានការឧបត្ថម្ភបន្ថែមទៀតទេ។
ចំណែកកម្មករនិយោជិតបម្រើការងារនៅតាមរោងចក្រសហគ្រាសក្នុងវិស័យកាត់ដេរសំលៀកបំពាក់ស្បែកជើង និងកាបូបនៅក្នុងតំបន់ក្រោមការអនុវត្តវិធានការបន្ទាន់ជាលក្ខណៈទ្រង់ទ្រាយធំនៃរាជធានីភ្នំពេញ ក្រុងតាខ្មៅ ខេត្តកណ្ដាល និងក្រុងព្រះសីហនុ ខេត្តព្រះសីហនុ ត្រូវទទួលបានការឧបត្ថម្ភជាសាច់ប្រាក់ចំនួន១៦ម៉ឺនរៀលតែមួយលើកគត់។
គួរបញ្ជាក់ថាការបើផ្តល់ការឧបត្ថម្ភសាច់ប្រាក់សម្រាប់ប្រជាពលរដ្ឋ និងគ្រួសារប្រជាពលរដ្ឋមានការលំបាកផ្នែកជីវភាពដែលស្ថិតក្នុងតំបន់ក្រហមការអនុវត្តវិធានការបិទខ្ទប់ជាលក្ខណៈទ្រង់ទ្រាយធំនៅរាជធានីភ្នំពេញ ក្រុងតាខ្មៅនៃខេត្តកណ្ដាល និងក្រុងព្រះសីហនុនៅខេត្តព្រះសីហនុនេះគឺបើកតែ១លើកគត់៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ