Connect with us

ព័ត៌មានអន្ដរជាតិ

បក្សប្រឆាំង ឥណ្ឌូណេស៊ី ស្នើបោះឆ្នោតម្ដងទៀត និងដកឈ្មោះកូនប្រុស​លោក Widodo ចេញពីសន្លឹកឆ្នោត

បានផុស

នៅ

បេក្ខជនប្រធានាធិបតីដែលចាញ់ឆ្នោតរបស់ឥណ្ឌូណេស៊ីលោក Anie Baswedan បានស្នើសុំតុលាការធម្មនុញ្ញចេញសេចក្ដីបង្គាប់បញ្ជាឲ្យរៀបចំការបោះឆ្នោតសាជាថ្មីម្ដងទៀត ហើយថែមទាំងទាមទារឲ្យដកឈ្មោះកូនប្រុសរបស់លោកប្រធានាធិបតី Joko Widodo ចេញពីសន្លឹកឆ្នោតផងដែរ ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី២១ ខែមីនានេះ ។

លោក Anie Baswedan

លោក Ari Yusuf Amir ដែលជាមេធាវីរបស់មេបក្សប្រឆាំងខាងលើបាននិយាយនៅថ្ងៃព្រហស្បតិ៍នេះថា លោក Anie Baswedan ដែលជាអតីតអភិបាលក្រុងហ្សាកាតាបានស្នើឲ្យរៀបចំការបោះឆ្នោតជ្រើសរើសប្រធានាធិបតីម្ដងទៀត ជាពិសេសគឺដកឈ្មោះបេក្ខជន Gibran Rakabuming Raka ចេញពីសន្លឹកឆ្នោតផងដែរ ព្រោះថា កូនប្រុសរបស់លោក Joko Widodo រូបនេះ ត្រូវបានអនុញ្ញាតឲ្យចូលរួមប្រកួតប្រជែងដោយអយុត្តិធម៌ ដោយសារតែការផ្លាស់ប្តូរច្បាប់បោះឆ្នោតភ្លាមៗនៅវិនាទីចុងក្រោយ ។

ទន្ទឹមនោះ ការស្នើសុំឲ្យរៀបចំការបោះឆ្នោតជ្រើសរើសប្រធានាធិបតីឥណ្ឌណេស៊ីសាជាថ្មីម្ដងទៀតនេះ គឺផ្ដោតមុខព្រួញយ៉ាងសំខាន់ទៅលើកូនប្រុសសំណព្វចិត្តវ័យ ៣៧ ឆ្នាំរបស់លោក Joko Widodo ក្រោយទទួលបានសិទ្ធិក្នុងការឈរឈ្មោះបោះឆ្នោតប្រធានាធិបតី បន្ទាប់ពីតុលាការចេញសេចក្ដីសម្រេចថា អ្នកដែលធ្លាប់ជាមន្ត្រីជាប់ឆ្នោតអាចចុះឈ្មោះជាបេក្ខជនប្រធានាធិបតី ឬអនុប្រធានាធិបតីបាន បើទោះជាច្បាប់ចែងថា បេក្ខជនត្រូវមានអាយុចាប់ពី ៤០ ឆ្នាំឡើងក៏ដោយ ។

ពាក់ព័ន្ធនឹងបញ្ហានេះទៀតសោត លោកមេធាវីបានបញ្ជាក់បន្ថែមថា ការរៀបចំបោះឆ្នោតម្ដងទៀតនេះនឹងធានាបានថា មិនមានការជ្រៀតជ្រែក ឬលូកលាន់ណាមួយឡើយ ហើយក្រុមអ្នកច្បាប់របស់លោក Anies ក៏មានព័ស្តុតាងគ្រប់គ្រាន់ក្នុងការបង្ហាញថា រដ្ឋាភិបាលលរបស់លោក Joko Widodo បានប្រើប្រាស់ជំនួយសង្គមដើម្បីជះឥទ្ធិពលដល់លទ្ធផលបោះឆ្នោតកាលពីថ្ងៃទី១៤ ខែកុម្ភៈកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនត្រឹមតែលោក Anies នោះទេដែលមិនទទួសលស្គាល់លទ្ធផលបោះឆ្នោតនេះ ពោលបេក្ខជនប្រជែងតំណែងប្រធានាធិបតីឥណ្ឌូណេស៊ីមួយរូបទៀតគឺលោក Ganjar Pranowo ជាអតីតអភិបាលខេត្តជ្វាកណ្ដាលក៏បានបង្ហាញពីការថ្នាំងថ្នាក់ចិត្តចំពោះលទ្ធផលនេះនោះដែរ ហើយលោកថែមទាំងអះអាងទៀតថា ដំណើរការបោះឆ្នោតនេះមិនទាន់រលូនល្អ ឬស្អាតស្អំពេញទីនៅឡើយទេ ជាពិសេសចាត់ទុកការបោះឆ្នោតថាមានករណីក្លែងបន្លំ ។

គួរបញ្ជាក់ថា ឥណ្ឌូណេស៊ីបានរៀបចំការបោះឆ្នោតជ្រើសរើសប្រធានាធិបតីកាលពីថ្ងៃទី១៤ ខែកុម្ភៈ ហើយលោករដ្ឋមន្ត្រីការពារជាតិ Prabowo Subianto ដែលជាសម្ព័ន្ធមិត្តរបស់លោកប្រធានាធិបតី Joko Widodo គឺជាអ្នកគ្រងតំណែង ក្រោយកើបបានសំឡេងឆ្នោតគាំទ្រប្រមាណ ៩៦.២១ លានសំឡេង ឬ ៥៨.៦ ភាគរយនៃអ្នកបោះឆ្នោត ខណៈលោក Anies ទទួលបាន ២៤.៩ ភាគរយ និង Ganjar មាន ១៦.៥ ភាគរយ ហើយប្រធានាធិបតីជាប់ឆ្នោតថ្មីនឹងត្រូវស្បថចូលកាន់តំណែងជាផ្លូវការនៅខែតុលា ឆ្នាំ២០២៤ នេះ ៕

ដោយ ៖ សុខ ជីវ័ន្ត

ចុចអាន ៖ ឡាវ ត្រូវប៉ាន់ពីការនាំចេញដំឡូងមីទៅកាន់ទីផ្សារ ចិន នៅដើមឆ្នាំនេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

រដ្ឋមន្ត្រីអប់រំ ផ្ដល់អនុសាសន៍ឱ្យ អង្គការ CG បណ្តុះបណ្ដាលគ្រូបផ្នែកបំណិនជីវិតតាមសាលារៀន

ព័ត៌មានអន្ដរជាតិ៨ នាទី មុន

ប៉ូឡូញ ចំណាយប្រាក់ ៧៦០ លានដុល្លារទប់ស្កាត់ការវាយប្រហារតាមអ៊ីនធឺណិតរបស់ រុស្ស៊ី

ព័ត៌មានជាតិ២២ នាទី មុន

ប្រមុខការពារជាតិអាមេរិក នឹងជួយជំរុញវិនិយោគិនរបស់ខ្លួនឱ្យមកបណ្តាក់ទុននៅកម្ពុជា

ព័ត៌មានអន្ដរជាតិ៣១ នាទី មុន

ឥណ្ឌា ចង់​ងាកទៅ​រក​អាមេរិក ព្រោះ​រុស្ស៊ី​ខ្សត់​ការ​ផ្គត់ផ្គង់​អាវុធ ក្រោយ​​សង្គ្រាម​នៅ​អ៊ុយក្រែន

ព័ត៌មានអន្ដរជាតិ៣៣ នាទី មុន

លោក Biden ត្រៀមបិទពាក្យសុំសិទ្ធិជ្រកកោន បើលំហូរជនចំណាកស្រុក​នៅព្រំដែន ម៉ិកស៊ិក ឡើងហួសកម្រិត

សន្តិសុខសង្គម២១ ម៉ោង មុន

អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប

ព័ត៌មានជាតិ១៨ ម៉ោង មុន

ស្អែកព្រឹកប្រមុខការពារជាតិអាមេរិក នឹងបំពេញទស្សនកិច្ចនៅកម្ពុជា ហើយនឹងចេញទៅវិញនៅពេលរសៀល

សេចក្ដីជូនដំណឹង២០ ម៉ោង មុន

ឯកឧត្តម ឃួង ស្រេង និងឯកឧត្ដម ម៉ប់ សារិន ផ្ញើសារលិខិតគោរពជូនពរ ឯកឧត្ដមអភិសន្តិបណ្ឌិត ស សុខា ក្នុងឱកាសចម្រើនជន្មាយុ

សេដ្ឋកិច្ច៧ ម៉ោង មុន

​កសិដ្ឋានគិរីសួគ៌​ មានសមត្ថភាពផលិតទឹកដោះគោស្រស់​ដល់ ១ ម៉ឺន ៥ ពាន់លីត្រ ​ក្នុងមួយថ្ងៃ​

ព័ត៌មានអន្ដរជាតិ៨ ម៉ោង មុន

កាន់តែក្តៅ! ណាតូមួយប្រទេស បើកដៃឲ្យអ៊ុយក្រែន យក F-16 វាយប្រហារទឹកដី រុស្ស៊ី

Sokha Hotels

ព័ត៌មានពេញនិយម