Connect with us

កូវីដ-១៩

រដ្ឋមន្ត្រីសុខាភិបាលបញ្ជាក់ពីមូលហេតុដែលអ្នកជំងឺកូវីដ‑១៩ជាសះស្បើយច្រើនជាងមុន

បានផុស

នៅ

លោកសាស្រ្តាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានអះអាងថា មូលហេតុដែលមានអ្នកជំងឺកូវីដ‑១៩ជាសះស្បើយច្រើនដោយសារការចាក់វ៉ាក់សាំងការពារជំងឺកូវីដ‑១៩ គួបផ្សំនឹងការប្រើប្រាស់ឱសថបុរាណចិន Lianhua Qingwenទើបធ្វើឲ្យមានអ្នកជាសះស្បើយច្រើនក្នុង១ថ្ងៃៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងឱកាសចុះពិនិត្យមើលដំណើរការដាក់សម្ភារសង្គ្រោះបន្ទាន់នៅមន្ទីរពេទ្យព្រះអង្គឌួង នៅព្រឹកថ្ងៃទី២៤ ឧសភានេះ លោក រដ្ឋមន្ត្រី បានមានប្រសាសន៍បន្តថា«ឥឡូវនេះយើងឃើញថាអ្នកជំងឺស្រាលៗបានជាសះស្បើយមានច្រើន ដោយសារតែម្យ៉ាងយើងបានចាក់ថ្នាំបង្ការគួបផ្សំនឹងថ្នាំបុរាណចិនកំពុងប្រើប្រាស់សម្រាប់ព្យាបាលអ្នកជំងឺ ដែលមានរោគសញ្ញាស្រាលៗដូចជាអ្នកជំងឺមានហៀសំបោរ ក្អក និងក្តៅខ្លួនពេលលេបទៅវាមានប្រសិទ្ធភាព។ អីចឹងទើបឃើញអ្នកជំងឺខាងក្រៅដែលនៅក្នុងមណ្ឌលព្យាបាលមានជាសះស្បើយច្រើន»។

លោក រដ្ឋមន្ត្រី បានបន្តទៀតថា អ្នកជំងឺដែលបានទទួលការចាក់វ៉ាក់សាំង និងប្រើថ្នាំបុរាណចិនមិនមានការវិវត្តន៍ជំងឺទៅជាធ្ងន់ដែរបើមានធ្ងន់ក៏មានចំនួនតិចតួចដែរពោលគឺមានតែ២ទៅ៣នាក់ប៉ុណ្ណោះ។ ចំណែកអ្នកមរណភាពដោយសារជំងឺកូវីដ‑១៩វិញ ភាគច្រើនអ្នកជំងឺមានដែលមានជំងឺប្រចាំកាយនិងចាស់ជរា។ដូច្នេះហើយបានរាជរដ្ឋាភិបាលបានកំពុងខិតខំចាក់វ៉ាក់សាំងការពារជំងឺកូវីដ‑១៩ជួនដល់ប្រជាពលរដ្ឋដែលមានអាយុច្រើនដើម្បីឲ្យគាត់មានភាពស៊ាំក្នុងខ្លួនទប់ស្កាត់ការចម្លងពីធ្ងន់មកស្រាលបើទោះបីជាគាត់មិនចេញទៅណាក៏ពិតមែនតែគាត់បានឆ្លងជំងឺនេះពីក្មេងៗ។

កាលពីថ្ងៃទី២៩ ខែមេសា ឆ្នាំ២០២១កន្លងទៅ រដ្ឋាភិបាលចិនបានផ្តល់ជំនួយឱសថបុរាណចិន Lianhua Qingwen ចំនួន៨៨០០០ប្រអប់ជួនដល់ក្រសួងសុខាភិបាលសម្រាប់ជាជំនួយក្នុងការព្យាបាលជំងឺកូវីដ‑១៩ដែលមានកម្រិតស្រាល។

បើតាមក្រសួងសុខាភិបាលនៅថ្ងៃនេះបានរកឃើញអ្នកឆ្លងថ្មី ចំនួន៥៥៦នាក់ទៀតក្នុងនោះមានករណីឆ្លងសហគមន៍ចំនួន៥៤០ នាក់និងអ្នកដំណើរមកពីបរទេសចំនួន១៦នាក់អ្នកជាសះស្បើយ ៦៥៨នាក់ និងស្លាប់០៣នាក់។ គួរបញ្ជាក់ថាគិតត្រឹមព្រឹក ថ្ងៃទី២៤ ខែឧសភា ឆ្នាំ២០២១កម្ពុជាមានអ្នកឆ្លងជំងឺកូវីដ‑១៩សរុបចំនួន២៥៧៦១នាក់ អ្នកជាសះស្បើយចំនួន១៨៣៥៩នាក់និងអ្នកស្លាប់ចំនួន១៧៩នាក់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១១ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ៨ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៤ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៦ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ៧ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម