កូវីដ-១៩
ខេត្តកំពង់ស្ពឺបន្តអនុវត្តវិធានការរដ្ឋបាលមួយសប្តាហ៍ទៀត ទប់ស្កាត់ការឆ្លងរាលដាលកូវីដ-១៩
រដ្ឋបាលខេត្តកំពង់ស្ពឺបន្តអនុវត្តវិធានការរដ្ឋបាលជាបណ្ដោះអាសន្ន រយៈពេលមួយសប្តាហ៍ទៀតដើម្បីទប់ស្កាត់ការឆ្លងរាលដាលជំងឺកូវីដ-១៩ នៅក្នុងភូមិសាស្ត្រខេត្តកំពង់ស្ពឺ។
លោក វ៉ី សំណាង អភិបាលខេត្តកំពង់ស្ពឺ បានឱ្យដឹងនៅក្នុងសេចក្តីជូនដំណឹងចុះថ្ងៃទី១៤ ខែមិថុនាថា ការបន្តដាក់វិធានការរដ្ឋបាលរយៈពេលមួយសប្តាហ៍ជាបន្តទៀតនេះ គឺចាប់អនុវត្តចាប់ពីថ្ងៃទី១៤ដល់ថ្ងៃទី២០ ខែមិថុនា ឆ្នាំ២០២១ ដើម្បីទប់ស្កាត់ការឆ្លងរាលដាលជំងឺកូវីដ-១៩។
លោកអភិបាលខេត្តបានឱ្យដឹងទៀតថា នៅក្នុងការអនុវត្តវិធានការរដ្ឋបាលជាបណ្ដោះអាសន្នរយៈពេលមួយសប្តាហ៍នេះ ត្រូវបានផ្អាកជាបណ្ដោះអាសន្ននូវសកម្មភាពដូចជា ភោជនីយដ្ឋាន អាហារដ្ឋាន តូបអាហារចល័តដែលបើកទទួលអតិថិជនចូលទទួលទានអាហារភេសជ្ជៈនៅចន្លោះម៉ោង២០យប់ដល់ម៉ោង៣ទៀបភ្លឺ ប៉ុន្តែទីតាំងអាជីវកម្មទាំងនោះអាចលក់ជាលក្ខណៈវេចខ្ចប់បាន។
លោកអភិបាលខេត្តបានបន្តទៀតថា ភោជនីយដ្ឋានអាហារដ្ឋាន តូបអាហារ ដែលបើកទទួលជនទទួលទានអាហារមិនត្រូវលក់គ្រឿងស្រវឹងជាដាច់ខាត ហើយគ្រប់ផ្សាររដ្ឋ ផ្សារឯកជន ផ្សារម៉ាត និងហាងលក់ភេសជ្ជៈត្រូវផ្អាកការលក់គ្រឿងស្រវឹងគ្រប់ប្រភេទ។
ទន្ទឹមនឹងនេះ លោកអភិបាលខេត្តបានបន្ថែមថា ផ្អាកការជួបជុំជាលក្ខណៈគ្រួសារដែលមានការទទួលគ្រឿងស្រវឹង និងរាល់ការធ្វើសកម្មភាពកីឡាដែលមានលក្ខណៈជួបជុំ ឬការប្រមូលផ្ដុំមនុស្សលើសពី២នាក់។ប៉ុន្តែត្រូវបានលើកលែងតែចំពោះករណីការជួបជុំលក្ខណៈគ្រួសារដែលរស់នៅក្នុងលំនៅឋានឬទីសំណាក់តែមួយ ។
ការរៀបចំពិធីបុណ្យសពគោរពគោរពតាមវិធានការសុខាភិបាល និងតាមការកំណត់របស់អាជ្ញាធរមានសមត្ថកិច្ច ។ ការជួបជុំរបស់បុគ្គលិកសុខាភិបាលបំពេញការងារក្នុងការថែរក្សាសង្គ្រោះផ្សេងៗ ។ ការជួបជុំរបស់អាជ្ញាធរសមត្ថកិច្ច កម្លាំងគណៈបញ្ជាការឯកភាពខេត្តក្រុងស្រុកឃុំសង្កាត់ក្នុងការបំពេញភារកិច្ចថែរក្សាសន្តិសុខសណ្ដាប់ធ្នាប់និងរបៀបរៀបរយសាធារណៈ។
លោកអភិបាលខេត្តបានព្រមានថា បុគ្គល ឬនីតិបុគ្គលទាំងឡាយណា ដែលមិនចូលរួមអនុម័តតាមរដ្ឋបាលខេត្តនឹងអនុវត្តវិធានការទៅតាមផ្លូវច្បាប់ដូចបានកំណត់ក្នុងច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ១៩ និងជំងឺកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀតព្រមទាំងលិខិតបទដ្ឋានគតិយុត្តពាក់ព័ន្ធជាធរមាន៕
អត្ថបទ ៖ សំអឿន
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម