អ្នកស្លាប់ដោយសារកូវីដនៅអាមេរិក កើនលើស ៦០ម៉ឺននាក់ 

ចំនួនអ្នកស្លាប់ដោយសារជំងឺកូវីដ-១៩នៅសហរដ្ឋអាមេរិក បានកើនលើស៦០០,០០០នាក់ហើយ គិតត្រឹមថ្ងៃអង្គារ (ថ្ងៃពុធនៅកម្ពុជា) ថ្វីបើក្រុមមន្រ្តីបានសាទរចំពោះការវិវត្ត ឆ្ពោះទៅរកភាពធម្មតាឡើងវិញក៏ដោយ។

រហូតមកដល់ពេលនេះ សហរដ្ឋអាមេរិក មានអ្នកស្លាប់ច្រើនជាងគេបំផុត តាមពីក្រោយដោយប្រទេសប្រេស៊ីលនិងឥណ្ឌា។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីមានការរិះគន់យ៉ាងចាស់ដៃ ចំពោះការឆ្លើយតបពេលរោគរាតត្បាតផ្ទុះឡើងដំបូង ចាប់តាំងពីពេលនោះមក សហរដ្ឋអាមេរិក បានរៀបចំខ្លួន ក្លាយជាប្រទេសមួយស្ថិតក្នុងចំណោមប្រទេស បើកយុទ្ធនាការចាក់វ៉ាក់សាំងប្រកបដោយប្រសិទ្ធភាពបំផុត នៅលើពិភពលោក។

យ៉ាងណាក្តី លោកប្រធានាធិបតី Joe Biden បាននិយាយថា “នៅតែមានមនុស្សជាច្រើនទៀត នឹងត្រូវបាត់បង់ជីវិត”។ លោកកត់សម្គាល់ថា ទោះបីជាចំនួនអ្នកស្លាប់ធ្លាក់ចុះជារៀងរាល់ថ្ងៃក៏ដោយ តែការបន្តបាត់បង់អាយុជីវិតគឺជា“ សោកនាដកម្ម”។

កាលពី៤ខែមុន ពោលគឺក្នុងខែកុម្ភៈ សហរដ្ឋអាមេរិក បានកត់ត្រាអ្នកស្លាប់ដោយសារជំងឺកូវីដ-១៩ លើស៥០០,០០០នាក់។ 

គួរបញ្ជាក់ថា គិតត្រឹមព្រឹកថ្ងៃពុធនេះ សហរដ្ឋអាមេរិក បានកត់ត្រាករណីឆ្លងកូវីដសរុប ៣៤,៣៥២,១៨៥ករណី ស្លាប់៦១៥,៧១៧នាក់ និងជាសះស្បើយ២៨,៥៧៨,៧០១នាក់៕

ប្រែសម្រួល៖ Vann Vann

ប្រភព៖ News

ចុចអាន៖ អ្នកធ្លាប់ឆ្លងនិងមិនធ្លាប់ឆ្លងកូវីដ បញ្ចេញភាពស៊ាំខុសគ្នា ក្រោយចាក់វ៉ាក់សាំង