កូវីដ-១៩

អាជ្ញាធរខេត្តកោះកុង ចុះកំណត់ទីតាំងដី៥ហិកតា ត្រៀមសម្រាប់បញ្ចុះសពសាសនិកឥស្លាម ស្លាប់ដោយជំងឺកូវីដ-១៩

បានផុស

៣ years មុន

នៅ

ថ្ងៃសៅរ៍ ១០ កក្កដា ២០២១

ដោយ

អាជ្ញាធរខេត្តកោះកុង បានចុះកំណត់ទីតាំងដី៥ហិកតា នៅចំណុចដីសម្បទានសង្គមកិច្ចអតីតយុទ្ធជនស្រុកកោះកុង ស្ថិតក្នុងភូមិកកោះកុងក្នុង ឃុំត្រពាំងរូង ស្រុកកោះកុង ខេត្តកោះកុង ដើម្បីត្រៀមសម្រាប់បញ្ចុះសពសាសនិកឥស្លាមស្លាប់ដោយជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះពិនិត្យដីទំហំ៥ហិកតានេះ ដោយមានការចូលរួមពីលោក សុខ សុទ្ធី អភិបាលរង នៃគណៈអភិបាលខេត្ត ជាអនុប្រធានគណៈកម្មាធិការគ្រប់គ្រងដីរដ្ឋខេត្តកោះកុង លោក ឃឹម ចន្ទ័ឌី ប្រធានអនុគណៈកម្មការគ្រប់គ្រង និងចាត់ចែងសាកសពអ្នកជំងឺកូវិដ-១៩ លោក វណ្ណ សាលី តំណាងគណៈអ៊ីម៉ាំខេត្ត លោកប្រធាន អនុប្រធានមន្ទីរ អភិបាលរងស្រុកកោះកុង ភូមិបាលស្រុក លោកស្រីមេឃុំត្រពាំងរូង និងជំនាញពាក់ព័ន្ធផ្សេងៗផងដែរ។

បន្ទាប់ពីការចុះពិនិត្យទីតាំងដីផ្ទាល់ជាលទ្ធផល អាជ្ញាធរបានកំណត់លើទីតាំងជាក់ស្តែង បាញ់ថ្នាំសម្គាល់កំណត់ព្រំដី។ កំណត់ដីសម្រាប់ឈូសឆាយធ្វើផ្លូវចូលទីតាំងត្រៀមសម្រាប់បញ្ចុះសពសាសនិកឥស្លាម។ ត្រៀមដំឡើងស្លាកសញ្ញាថា(ជាដីទីស្មសានត្រៀមបញ្ចុះសពសាសនិកឥស្លាមទំហំ៥ហិកតា)។ នៅក្នុងឱកាសនោះតំណាងគណ:អ៊ីមាំខេត្តកោះកុង និងសមាជិកសាសនិកឥស្លាមបានថ្លែងអំណរគុណ ចំពោះរដ្ឋបាលខេត្ត ដែលបានផ្តល់ទីតាំងដីត្រៀមសម្រាប់បញ្ចុះសពសាសនិកឥស្លាមដែលស្លាប់ដោយសារជំងឺកូវីដ-១៩។

ក្រោយពីបានពីបានចុះពិនិត្យទីតាំងជាក់ស្តែងរួចមកលោក សុខ សុទ្ធី អភិបាលរង នៃគណៈអភិបាលខេត្ត ជាអនុប្រធានគណៈកម្មាធិការគ្រប់គ្រងដីរដ្ឋខេត្តកោះកុង បានស្នើឲ្យគណ:អ៊ីម៉ាំខេត្តកោះកុងក្រោយបានទទួលដីនេះ ហើយសូមជួយពន្លឿនការឈូសឆាយដីឲ្យបានលឿន និងថែរក្សាទីតាំងដីត្រៀមបញ្ចុះសពសាសនិកឥស្លាមដែលបានស្លាប់ដោយជំងឺកូវីដ-១៩ បានគង់វង្សសម្រាប់សាសនិកឥស្លាមជំនាន់ក្រោយៗទៀត៕

អត្ថបទ៖ សំអឿន