កីឡា
អតីតស្ដេចប្រដាល់គុនខ្មែរអេ ភូថង បានធូរ ស្រាលច្រើនហើយបន្ទាប់ពីឆ្លងកូវីដ-១៩ ៦ថ្ងៃ
អតីតស្តេចប្រដាល់គុនខ្មែរកែងឆេះជង្គង់ហោះលោក អេ ភូថងដែលបានឆ្លងជំងឺកូវីដ១៩ ហើយសព្វថ្ងៃកំពុងសម្រាកព្យាបាលជំងឺកូវីដ-១៩ នៅមជ្ឈមណ្ឌលព្យាបាលជំងឺកូវីដ-១៩ពហុកីឡដ្ឋានជាតិអូឡាំពិក ក្រោយពីលោកបានធ្វើតេស្ដរកឃើញវិជ្ជមានកាលពីចុងសប្ដាហ៍មុននោះ មកដល់ ពេលនេះ គឺបានធូរស្រាលច្រើនហើយ បន្ទាប់ពីទទួលបានការយកចិត្តទុកដាក់ពីក្រុមគ្រូពេទ្យ។
តាមប្រភពស្និទ្ធនឹងអតីតស្តេចប្រដាល់គុនខ្មែរកែងឆេះជង្គង់ហោះ បានឲ្យដឹងថា លោកអេ ភូថងបានចូលសម្រាកព្យាបាលជំងឺកូវីដ១៩ កាលពីថ្ងៃទី១១ខែ កក្កដាឆ្នាំ២០២១នៅមជ្ឈមណ្ឌលជំងឺកូវីដ១៩ពហុកីឡដ្ឋានជាតិអូឡាំពិក ក្រោយធ្វើ តេស្តសំណាកមានវិជ្ជមានកូវីដ១៩។
សូមបញ្ជាក់ថា ការធ្វើតេស្តសំណាកកូវីដរបស់លោកអេភូថង គឺស្របពេលដែលជំងឺចាស់របស់លោករើឡើងវិញ ហើយក្រុមគ្រួសារបានបញ្ជូនទៅមន្ទីរពេទ្យ។អតីតស្តេចប្រដាល់គុនខ្មែររូបនេះមានជំងឺប្រចាំកាយ ដូចជាលើសជាតិអាស៊ីត ខ្លាញ់រុំបេះដូង សម្ពាធសរសៃបេះដូង និងលើសជាតិស្ករបន្តិចផងដែរព្រោះលោកធាត់ពេក។
បន្ទាប់ពីធ្វើការពិនិត្យឃើញថា លោក អេ ភូថង ពិតជាមានជាតិអាស៊ីតឡើងខ្លាំង ខ្លាញ់រុំបេះដូងខ្លាំងនិងសម្ពាធសរសៃឈាមបេះដូងថែមទៀត។ បន្ទាប់មកក្រុមគ្រូពេទ្យក៏បានធ្វើ តេស្ដសំណាក ដើម្បីរៀបចំឲ្យលោកសម្រាកព្យាបាលជំងឺ តែបែរ ជាទទួលបានលទ្ធផលវិជ្ជមានកូវីដ-១៩ ទៅវិញ។
តែយ៉ាងណាក្រោយសម្រាកព្យាបាលជិត ១ សប្ដាហ៍ អាការៈរបស់លោក អេ ភូថង បានធូរស្រាលច្រើនហើយ ។ នេះបើតាមប្រភពស្និទ្ធនឹងលោកអេ ភូថងបញ្ជាក់ឲ្យដឹង។
លោក អេ ភូថង និងក្រុមគ្រួសារ ដែលគ្រប់អាយុចាក់វ៉ាក់ ក៏បានចាក់វ៉ាក់សាំងការពារជំងឺកូវីដ-១៩ រួចហើយដែរ។
ប្រភពខាងលើបានបញ្ជាក់ថា នៅក្នុងអំឡុងសម្រាកព្យាបាលនៅមន្ទីរពេទ្យ និងរកឃើញវិជ្ជមានកូវីដ-១៩ លោក អេ មិនបានប្រាស្រ័យទាក់ទងជាមួយសិស្សគុន ឬកូនៗនោះទេ លើកលែងតែភរិយារបស់លោក ប៉ុន្ដែអ្នកស្រី សាំង សុម៉ាលី បានធ្វើតេស្ដជាច្រើនលើក សុទ្ធតែទទួលបានលទ្ធផលអវិជ្ជមានទាំងអស់ គឺពុំបានឆ្លងពីស្វាមីនោះទេ។
សូមបញ្ជាក់ថា លោកអេ ភូថងនិងក្រុមគ្រួសារ សុទ្ធតែទទួលបានការចាក់វ៉ាក់សាំងទាំងពីរដូសនិងទាំងអស់គ្នារួចហើយ៕
ដោយ៖ វិសិទ្ធ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ