កូវីដ-១៩
ក្រសួងសេដ្ឋកិច្ច ៖ កម្ពុជាដើរឆ្លងកាត់វិបត្តិកូវីដ១៩ប្រកបដោយភាពរឹងមាំ និងមិនមានបញ្ហាអ្វីធ្ងន់ធ្ងរទេ
លោកបណ្ឌិត ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ បានបញ្ជាក់នៅព្រឹកថ្ងៃអង្គារនេះថា ជំងឺកូវីដ១៩ បានបង្កនូវវិបត្តិធំធេង ហើយប្រទេសទាំងអភិវឌ្ឍ និងមិនអភិវឌ្ឍ គឺជួបបញ្ហាប្រឈមទាំងអស់គ្នា ទាំងបញ្ហាហេដ្ឋារចនាសម្ព័ន្ធ បញ្ហាធនធានមនុស្ស ក៏ដូចជាធនធានហិរញ្ញវត្ថុ។ ប៉ុន្តែ សម្រាប់កម្ពុជា គឺអាចទប់ទល់នឹងវាបាន។
លោកបណ្ឌិត ផាន់ ផល្លា បានអះអាងថា នៅក្នុងរយៈពេលពីរឆ្នាំកន្លងមកនេះ ប្រទេសកម្ពុជាបានឆ្លងកាត់វិបត្តិនេះ ប្រកបដោយភាពរឹងមាំ ដោយជោគជ័យ និងមិនមានបញ្ហាអ្វីធ្ងន់ធ្ងរទេសម្រាប់ប្រទេស ក៏ដូចជាប្រជាជនកម្ពុជា។ លោកថា នៅក្នុងការរៀបចំកន្លងមកនេះ កម្ពុជាក៏បានពិនិត្យទៅលើការដាក់ចេញរបស់រាជរដ្ឋាភិបាលកន្លងមកនូវផែនការ ដើម្បីស្ដារលំនឹងជីវភាពប្រជាជន ក៏ដូចជា រក្សាលំនឹងអាជីវកម្ម និងសេដ្ឋកិច្ចរបស់ប្រជាពលរដ្ឋ។
លោកបណ្ឌិត ផាន់ ផល្លា បានអះអាងបែបនេះ នៅក្នុងសន្និសីទសារព័ត៌មានស្ដីពី“យុទ្ធសាស្ត្រស្ដារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយជំងឺកូវីដ-១៩ តាមគន្លងប្រក្រតីភាពថ្មី” ដែលរៀបចំឡើងដោយអង្គភាពអ្នកនាំពាក្យរាជរដ្ឋាភិបាលនៅព្រឹកថ្ងៃទី១៤ ខែធ្នូ ឆ្នាំ២០២១នេះ នៅទីស្ដីការគណៈរដ្ឋមន្ត្រី។
មន្រ្តីជាន់ខ្ពស់ក្រសួងសេដ្ឋកិច្ចរូបនេះ ក៏បានអះអាងទៀតថា រយៈពេលពីរឆ្នាំកន្លងមកនេះ កម្ពុជាបានដាក់ចេញនូវវិធានការចំនួន១០ជុំ ហើយជុំចុងក្រោយនេះ សម្រាប់ខែតុលា ដល់ខែធ្នូ ឆ្នាំ២០២១ ដែលជាខែចុងក្រោយ។ ប៉ុន្តែ ចាប់ពីខែមករា ឆ្នាំ២០២២ តទៅ វិធានការជុំៗនេះ លែងមានតទៅទៀតហើយ ដោយហេតុថា រដ្ឋាភិបាល ត្រូវដាក់ចូលទៅក្នុងផែនការយុទ្ធសាស្រ្ដ និងជំរុញកំណើននេះតែម្ដង។ យ៉ាងណា លោកបណ្ឌិត ផាន់ ផល្លា បញ្ជាក់ថា ការផ្តល់សាច់ប្រាក់ជូនប្រជាពលរដ្ឋក្រ-១ ក្រ-២ នៅតែធ្វើឡើងដដែល៕
អត្ថបទ ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល