ជីវិតកម្សាន្ដ

អ៊ុន សិទ្ធា ហាក់បង្ហាញតម្រុយចង់ឃ្លាតឆ្ងាយពីអាជីព ក្រោយសាងកេរ្តិ៍ឈ្មោះប្រមាណ ២០ឆ្នាំ លើវិថីសិល្បៈ

បានផុស

៩ ខែ មុន

នៅ

ថ្ងៃចន្ទ ២៧ តុលា ២០២៥

ដោយ

តារាសម្តែងប្រុសសាច់ដុំកង់ៗ អ៊ុន សិទ្ធា បានប្រឡូកក្នុងវិស័យសិល្បៈតាមរយៈវិស័យដើរម៉ូត សម្ដែងរឿង និងធ្វើជាពិធីករតាមកម្មវិធីផ្សេងៗ តាំងពីឆ្នាំ២០០៦ ដែលរហូតមកដល់បច្ចុប្បន្ននេះ មានរយ:ពេលប្រមាណ ២០ឆ្នាំមកហើយ ។

ឆ្លងកាត់បទពិសោធយូរឆ្នាំកន្លងមកនេះ ត្រូវបានតារាសម្តែងលោក អ៊ុន សិទ្ធា ទម្លាយថា កំឡុងពេលប្រឡូកវិស័យមួយនេះ គឺបានបង្រៀនឱ្យស្គាល់គ្រប់រសជាតិ។ មិនតែប៉ុណ្ណោះ លោកថែមទាំងមើលមនុស្សសឹងតែមេីលធ្លុះទៀតផង។យ៉ាងណាលោក អ៊ុន សិទ្ធា ក៏ហាក់បង្ហាញតម្រុយឃ្លាតឆ្ងាយពីសិល្ប: ដែលខំសាងកេរ្តិ៍ឈ្មោះ ២០ឆ្នាំកន្លងមកដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ លោក អ៊ុន សិទ្ធា បានរំលឹកនូវអនុស្សាវរីយ៍ខ្លះៗដែរថា “ថ្វីត្បិតតែរឿងបានថតបញ្ចប់ និងចាក់ផ្សាយចប់ហេីយក៏ដោយ ក៏ខ្ញុំនៅតែនឹក និងមានអនុស្សាវរីយ៍ជាច្រើនជាមួយគ្នាមិនថាតែជាមួយតួក្រុមការងារ ជាពិសេស ឯកឧត្ដមបង ហ៊ុយ វាសនា នឹងកាន់តែអស្ចារ្យសម្រាប់ខ្ញុំ គឺមានវាសនាខ្ពស់ណាស់បានជួបសម្តេចពុកដោយផ្ទាល់ និងបានការណែនាំពីពុកផ្ទាល់ ពីបុគ្គលិកលក្ខណៈរបស់តួអង្គ(ធី) ព្រមទាំងបងវាសនាផងដែរ គឺសុទ្ធសឹងតែអ្នកផ្តល់ឱកាសនឹងមេីលឃេីញពីសមត្ថភាពរបស់ខខ្ញុំ”។

តារាសម្តែងលោក អ៊ុន សិទ្ធាបន្តថា “បេះដូងសិល្បៈតែលោកក៏មិនដឹងថាបេះដូងមួយនេះ និងឈរលេីផ្លូវនេះបានយូរដល់ពេលណាទេ។ អ្វីៗសម្រេចលេីពេលលវេលា”។

លោក អ៊ុន សិទ្ធា ធ្លាប់បានបញ្ជាក់ឱ្យដឹងថា ២០ឆ្នាំជាងលេីវិស័យសិល្ប:ដែលធ្វេីឱ្យលោកស្គាល់គ្រប់ស្ទេីរតែគ្មានចន្លោះ ហេីយក៏បង្ហាត់បង្រៀនលោកឱ្យចេះសឹងតែសព្វគ្រប់ការងារផងដែរ។ ចំណុចដែលសំខាន់បំផុតនោះ គឺធ្វេីឱ្យលោកចេះមេីលមនុស្សបានថែមទៀតសឹងតែមេីលថ្លុះទៀតផងថាជា AI ឬក៏ពិតបាន៕ ចាន់រ៉ា