ខ្មែរតែមួយ! សុខគា គីមលាង ទទូចសុំចិត្តកុំបែកបាក់សាមគ្គីភាពគ្នានាំឱ្យប្រទេសជិតខាងមើលងាយ

នាដការីរបាំបុរាណនិងជាលំដាប់រងទី១ នៃកម្មវិធី Miss Universe Cambodia 2025 កញ្ញា សុខគា គីមលាង ហៅ កូនអាន បានចេញមុខជាថ្មីដោយទទូចស្នើសុំចិត្តមហាជនអ្នកគាំទ្រ ពិសេសកូនខ្មែរគ្រប់រូបកុំបែកបាក់សាមគ្គីភាពគ្នានាំឱ្យប្រទេសជិតខាគេមើលងាយយើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បវរកញ្ញា សុខ គាគីមលាង បានបំផុសនិងចាត់ទុកថាពាក្យសន្តិភាពសម្រាប់ប្រទេសកម្ពុជាគឺជាកាចងចាំរបស់ប្រជាជាតិដែលនាំឱ្យមានសុខសុវត្ថិភាពសុខសុភមង្គលក៏ដូចជាអាចឱ្យយើងបានឃើញនូវហេដ្ឋារចនាសម្ព័ន្ធ និងសមិទ្ធផលនានា ។

ដោយឡែកថ្មីៗនេះនាដការីរបាំបុរាណកញ្ញា សុខ គាគីមលាង បានចេញមុខលើកឡើងថា ក្តីស្រឡាញ់គ្មានលក្ខខណ្ឌ Kon Ant ចង់ប្រាប់ថាស្រឡាញ់អ្នកទាំងអស់គ្នាព្រោះជាខ្មែរតែមួយកុំបែកបាក់សាមគ្គីភាពគ្នាខុស ឬត្រូវចេះអត់ឱននិងស្ថាបនាដើម្បីប្រទេសជាតិយើងរីកចម្រើនទៅមុខកុំឱ្យប្រទេសជិតខាងគេមើលងាយ។

តារាស្រីរូបនេះបានបញ្ជាក់បន្ថែមទៀតថា “បើយើងខ្លាំងគ្មានអ្នកណាលាបពណ៌យើងជាប់ និងបំបែកបំបាកយើងបានឡើយដូច្នេះកូនខ្មែរគ្រប់រូបកុំបែកបាក់សាមគ្គីភាពគ្នាយើងត្រូវរួមគ្នាក្នុងនាមស្មារតីខ្មែរមួយ”។

គួរបញ្ជាក់ថា សិល្បការិនីដ៏ឆ្នើមនឹងជានាដការីកញ្ញាសុខគា គីមលាង ហៅ កូនអាន កន្លងមកត្រូវបានទ ស្សនិកជនបានដឹងថានាងតែងមានភាពលេចធ្លោលើសកម្មភាពផ្សព្វផ្សាយវប្បធម៌សិល្ប:ខ្មែរ។ តួយ៉ាង កាលពីថ្មីៗកន្លងទៅ សុខគា គីមលាង បានចេញមុខប្តេជ្ញាចូលរួមផ្សព្វផ្សាយវប្បធម៌អរិយធម៌កេរត្តិ៍មរតកដូនតាខ្មែរមិនអាចឲ្យស្លាប់ទេ៕ ដោយ : ចាន់រ៉ា