ជីវិតកម្សាន្ដ
សំណាង អេលីណា ពោលប៉ុន្មានឃ្លានេះ មុនបញ្ចប់តួនាទីជាម្ចាស់មកុដបវរកញ្ញាចក្រវាលកម្ពុជានាឆ្នាំចាស់
អតីតកញ្ញាឯកកម្ពុជា សំណាង អេលីណា ថ្លែងទៅកាន់បេក្ខនារីដែលនឹងក្លាយជាម្ចាស់មកុដឆ្នាំថ្មីថា ត្រូវធ្វើអ្វីៗដោយក្ដីស្រឡាញ់ និងមានទំនួលខុសត្រូវច្បាស់លាស់ជាមួយតំណែងរបស់ខ្លួន។
ក្នុងកម្មវិធីប្រកួតប្រជែងសម្រស់លំដាប់ពិភពលោក Miss Universe Cambodia 2020 នាវគ្គផ្ដាច់ព្រ័ត្រដែលទើបបញ្ចប់កាលពីយប់មិញ ក្នុងនោះអតីតបវរកញ្ញាចក្រវាលកម្ពុជា ២០១៩ សំណាង អេលីណា បានចូលរួមជាគណកម្មការ និងជាភ្ញៀវកិត្តិយសដើម្បីបំពាក់មកុដដល់កញ្ញាឯកជំនាន់ថ្មី។
រាជនីកំពូលសម្រស់របស់រាជាណាចក្រកម្ពុជារូបនេះ បានបង្ហាញខ្លួនក្នុងសម្លៀកបំពាក់ដ៏ស្រស់ស្អាត រួមជាមួយការចាក់បញ្ចាំងវីដេអូខ្លី ក្នុងន័យរំឭកអតីតកាលមុនគ្រងមកុដក្នុងឆ្នាំកន្លងទៅ ក៏ដូចថ្លែងអំណរគុណ ព្រមទាំងផ្ញើសារទៅបេក្ខនារីទាំង ២០ រូបផងដែរ។
កញ្ញាពោលដូច្នេះ កន្លងមកខ្លួនតែងតែជឿជាក់ថា ស្ត្រីគឺជាមនុស្សម្នាក់ដែលក្លាហាន និងអាចធ្វើអ្វីៗបានគ្រប់យ៉ាង ហើយការគិតនិងក្ដីសុបិនមួយនេះបានក្លាយជាការពិតនៅពេលដែលកញ្ញាបានគ្រងមកុដបវរកញ្ញាឯកកម្ពុជា ឆ្នាំ២០១៩។ ជាក្មេងស្រីម្នាក់ដែលមានក្ដីស្រមៃ និងមានឆន្ទៈ សំណាង អេលីណា បានក្លាយជាស្ត្រីក្លាហាន មោះមុត ដែលតំណាងឲ្យកម្ពុជាក្នុងកម្មវិធីសម្រស់ក៏ធំមួយរបស់ពិភពលោកគឺ Miss Universe ។ កម្មវិធី និងតំណែងមួយនេះបានឆ្លុះបញ្ចាំងពីការតស៊ូ សេចក្ដីខំប្រឹង ការតាំងចិត្ត និងទំនួលខុសត្រូវដ៏ច្បាសលាស់របស់នារីខ្មែរគ្រប់រូប។ តំណែងមួយនេះ និងផ្នត់គំនិតទាំង៤ បានផ្លាស់ប្ដូរជីវិតរបស់បវរកញ្ញាយើងមកដល់សព្វថ្ងៃ។
អតីតម្ចាស់ជយលាភីរូបនេះបន្ថែមទៀតថា ចាប់តាំងពីថ្ងៃដែលចូលប្រកួត គោលបំណងរបស់ខ្លួន គឺចង់លើកការតស៊ូមតិលើការអប់រំកុមារកំព្រា ក្មេងតូចៗ និងលើកកម្ពស់ដល់ស្ត្រី។ កញ្ញាបានប្រើប្រាស់សំឡេង និងតំណែងរបស់ខ្លួន ដោយសហការជាមួយសប្បុរសជនជាច្រើនដើម្បីបំពេញនូវការសន្យាកន្លងមក។
សំណាង អេលីណា ថ្លែងជាចុងក្រោយថា “ជាការបញ្ចប់កាព្វកិច្ចមួយនេះ នាងខ្ញុំសូមបញ្ចប់ដោយក្ដីស្រឡាញ់ និងសេចក្ដីដឹងគុ អស់ពីបេះដូង។ សូមឲ្យស្ត្រីខ្មែរគ្រប់រូបដែលមានក្ដីស្រមៃ កុំបោះបង់ចោល សូមបន្តនូវក្ដីសង្ឃឹមនិងការតស៊ូ ហើយសូមឲ្យអ្នកដែលកាន់តំណែងនេះបន្តត្រូវចងចាំថា ត្រូវធ្វើដោយក្ដីស្រឡាញ់ និងមានទំនួលខុសត្រូវច្បាស់លាស់ទៅលើមកុដមួយនេះ”៕
អត្ថបទ៖ សន្យា
ចុចអាន៖ រ៉េត សារីតា អាចគ្រងមកុដបវរកញ្ញាចក្រវាលកម្ពុជា ដោយសារមានសមត្ថភាពពូកែបែបនេះ
ចុចអាន៖ ឈុតតំណាងជាតិបវរកញ្ញាចក្រវាល និមិត្តរូបវប្បធម៌ដ៏សំបូរបែបនៃព្រះរាជាណាចក្រកម្ពុជា
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ