ជីវិតកម្សាន្ដ

បវរកញ្ញា លីវ ជូលី ព្រមានចាត់ការតាមផ្លូវច្បាប់លើអ្នកច្នៃរ៉ូបម្នាក់

បានផុស

៥ years មុន

នៅ

ថ្ងៃអង្គារ ១២ តុលា ២០២១

ដោយ

ភ្នំពេញ ៖ កញ្ញា លីវ ជីលី ដែលជាម្ចាស់ម្កុដMissG rand Cambodia 2020 បានបញ្ចេញប្រតិកម្មបង្ហាញការមិនពេញចិត្តនិងថែមទាំងព្រមានចាត់ ការតាមផ្លូវច្បាប់លើអ្នកច្នៃរ៉ូបម្នាក់ដែលមានចរិតតាមផ្ចាញ់ផ្ចាលខ្លួន។

ប្រតិកម្មរបស់បវរកញ្ញា លីវ ជីលី នេះបានធ្វើឡើងក្រោយពេលម្ចាស់គណនីហ្វេសប៊ុកមួយឈ្មោះAh ron Kong ដែលគេស្គាល់ថា ជាអ្នកច្នៃម៉ូដរ៉ូបឲ្យនាងកន្លងមកនោះបានបង្ហោះសារផ្លែផ្លាដូច្នេះថា «អត់អន់ចិត្តទេ ឆេះក្បាលយកម៉ង់»។

គណនីហ្វេសប៊ុកដដែលនេះបន្តថា បញ្ជាក់រឿងដែលថា មកកាត់ជាភ្ញៀវហើយឱ្យលុយហ្នឹងគឺជួយលើកតម្លៃអ្នកឯងទេការពិតសុំទោសផងចុះអត់បានមួយរៀលទេចា៎។ fake ឆ្នាំមុនឆេះអារឿងពានក្រោមឆាកឆ្នាំនេះមកអារ៉ូបក្រោមឆាកទៀត។

បន្ទាប់ពីមានការលើកឡើងខាងលើនេះភ្លាមៗនោះ លីវ ជីលី ក៏បានឆ្លើយតបវិញថា «ហាមខ្ញុំមិនឲ្យផុសរូបតែព្យាយាមផុសពីខ្ញុំរហូតចង់ល្បីខ្លាំងមែនត្រូវការខ្ញុំបុកព័ត៌មានឱ្យថែមទេ មួយទៀតរឿងរ៉ូបធ្វើឆែកសងខាងខ្ញុំក៏បានដើរក្រោមឆាកហើយវាទាក់អាចនឹងពិបាកដើរ។ ចុះបើខ្ញុំដើរដួលនៅលើឆាកតើខ្ញុំយកមុខទៅទុកឯណា?

កញ្ញា លីវ ជីលី បន្តថា ហេតុអី្វបានមិនយល់ពីគ្នាដល់ថ្នាក់នេះ ហើយស្មានខ្ញុំមិនចង់ពាក់ឡើងអី្វដែលអ្នកខំធ្វើឱ្យខ្ញុំដែលមិនយកលុយពីខ្ញុំតែវាពិបាកដើរ ហើយខ្ញុំមិននឹកស្មានថា អ្នកដល់ថ្នាក់ហ្នឹងទេ។ខ្ញុំក៏ បានបកស្រាយហើយក៏ប្រាប់ពីហេតុផលរបស់រ៉ូបអ្នកឯងហើយដែរនិងសុំទោសអ្នកឯងរួចហើយតែអ្នកឯងមិនទទួលស្គាល់ការពិតហើយប្លុកខ្ញុំចោលទៀត!។

លីវ ជីលី បន្ថែមថា រឿងតូចធ្វើឱ្យទៅជាធំហើយយករូបខ្ញុំទៅផុសទៀតខ្ញុំមិនដែលចង់មានរឿងជាមួយនរណាទេ ទើបជួបអ្នកឯងមួយសាហាវណាស់បើផុសពាក់ព័ន្ធនឹងកិត្តិយសប៉ះពាល់ខ្ញុំម្ដងទៀតខ្ញុំនឹងចាត់ការតាមផ្លូវច្បាប់ ខ្ញុំមិនតបតកាន់តែបានចិត្ត (ស្លូតពេកគេជាន់)។

សូមជម្រាបដែរថាកញ្ញា លីវ ជីលី មុននេះក៏ទើបតែបង្ហាញខ្លួនធ្វើជាគណៈកម្មការយ៉ាងលេចធ្លោនៅក្នុងកម្មវិធីប្រកួតសម្រស់Miss Grand Cambodia 2021ដោយកញ្ញាបានគ្រងឈុតពណ៌សឆែកដល់គល់ភ្លៅ រំលេចពីភាពសិចស៊ី ជាមួយការរចនាម៉ូដប៉ាក់ឌិនយ៉ាងស្រស់ស្អាតសមជារៀមច្បងដល់បវរកញ្ញាជំនាន់ក្រោមផងដែរ៕

ដោយ ៖ ចាន់រ៉ា