ជីវិតកម្សាន្ដ

ខ្ញុង ហ៊ានស្បថស្បែថាការជំពាក់បំណុលវ័ន្តកជាង៥០ម៉ឺនដុល្លារមិនមែនដោយសារលេងល្បែងទេ

បានផុស

៣ years មុន

នៅ

ថ្ងៃចន្ទ ១៨ តុលា ២០២១

ដោយ

ភ្នំពេញ ៖ មហាជនបានដឹងហើយថា នៅថ្ងៃទី១៨ខែ តុលានេះមានការភ្ញាក់ផ្អើលខ្លាំងបន្ទាប់ពីតារាកំប្លែងអ្នកនាង ខ្ញុង បានទម្លាយរឿងរ៉ាវដែលផុងខ្លួនជំពាក់លុយគេរហូតដល់ទៅជាង៥០ម៉ឺនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងនេះកើយឡើងបន្ទាប់ពីអ្នកនាង ខ្ញុង បានចេញមុខសារភាពនិងសម្រេចទៅកាន់សាលាដំបូងរាជធានីភ្នំពេញដើម្បីដាក់ពាក្យប្តឹងខ្លួនឯងជុំវិញបញ្ហាក្ស័យធននិងជំពាក់បំណុលគេចំនួន៥៧២០០ ០ដុល្លារ។ ទាក់ទងរឿងនេះដែរ ក៏មានមហាជនមួយចំនួនបញ្ចេញមតិដោយជនសង្ស័យថា អ្នកនាង ខ្ញុង អាចទំនងជាប់បំណុលគេក៏ព្រោះតែយកទៅលេងល្បែងស៊ីសង។

ឆ្លើយតបនឹងសំនួរនេះមកកាន់អ្នកសារព័ត៌មាន តារាកំប្លែង ខ្ញុង បាននិយាយទាំងទឹកភ្នែកបដិសេធថា នាងហ៊ានស្បថរឿងដែលជំពាក់គេជាង៥០ម៉ឺនដុល្លារនោះ មិនមែនយកទៅលេងល្បែងទេគឺដើម្បីតែការងាររកស៊ីប៉ុណ្ណោះពោលគឺអ្នកនាងចាប់ផ្តើមខ្ចីគេតាំងពីដើមឆ្នាំ២០១៩មកម្ល៉េះហើយមានច្រើនម្ចាស់ ដែលការក្លាយជាដើមដើមក្លាយជាការ រហូតកើនបំណុលដល់ពេលនេះ។

អ្នកនាង ខ្ញុង បានលើកឡើងថា ខ្ញុំមិនបានពាក់ព័ន្ធនឹងល្បែងស៊ីសងនោះឡើយ ពោលគឺខ្ញុំមិនដែលប៉ះពាល់វានោះទេ ខ្ញុំហ៊ានស្បថ។ ក្នុងនោះអ្នកនាង ខ្ញុងក៏បានទទួលថាបើបំណុលពាក់ព័ន្ធនឹងលេងតុងទីនគឺខ្លួនធ្លាប់លេងពិតមែន។ អ្នកនាង ខ្ញុង បន្ថែមថា សម្រាប់បំណុលជំពាក់គេនោះគឺសុទ្ធសឹងតែខ្ចីដោះទ័ល ឬ បង្វិលលើមុខរបររកស៊ីរបស់នាងទាំងអស់៕

ដោយ ៖ ចាន់រ៉ា