ជីវិតកម្សាន្ដ

បវរកញ្ញាចក្រវាលថៃត្រូវបានប៉ូលិសប្តឹងពីបទរំលោភលើទង់ជាតិក្នុងការចូលរួមប្រកួតអន្តរជាតិ

បានផុស

៥ years មុន

នៅ

ថ្ងៃពុធ ២៤ វិច្ឆិកា ២០២១

ដោយ

ប៉ូលិសបានកំពុងធ្វើការពិនិត្យទៅលើបវរកញ្ញាចក្រវាលថៃ កញ្ញា Anchilee Scott-Kemmis ដែលមើលទៅដូចជាកំពុងឈរជាន់លើទង់ជាតិដែលនាងកាន់មានក្រណាត់វែងត្រូវបានដាក់ក្នុងវេបសាយរបស់កម្មវិធីប្រកួត។

ចំណាត់ការត្រូវបានប្តឹងទៅលោកឧត្តមសេនីយ៍ទោ Samran Nuanma ស្នងការប៉ូលិសក្រុង (MPB) តាមរយៈការិយាល័យរបស់លោក Sonthiya Sawasdee អតីតទីប្រឹក្សាគណកម្មាធិការសភាផ្នែកច្បាប់ យុត្តិធម៌ និងសិទ្ធិមនុស្សកាលពីថ្ងៃអង្គារ៍ម្សិលមិញ។

រូបភាពដែលកញ្ញា Anchilee Scott-Kemmis កំពុងកាន់ទង់ជាតិ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sonthiya បានចោទប្រកាន់កញ្ញា Anchilee ពីបទរំលោភលើច្បាប់ទង់ជាតិឆ្នាំ១៩៧៩ និងសេចក្តីប្រកាសរបស់ខុទ្ទកាល័យនាយករដ្ឋមន្ត្រីអំពីការប្រើប្រាស់ទង់ជាតិសម្រាប់គោលបំណងពាណិជ្ជកម្ម។

រូបភាពដែលរាជនីសម្រស់ថៃកំពុងឈរថតដែលទង់ជាតិមានពណ៌ឆ្នូតស្រដៀងនឹងទង់ជាតិត្រូវបានផ្សព្វផ្សាយតាមអនឡាញនៅក្នុងកម្មវិធីផ្សព្វផ្សាយមុនពេលកញ្ញា Anchilee ចូលរួមប្រកួតបវរកញ្ញាចក្រវាលលើកទី៧០ នាថ្ងៃទី១២ ខែធ្នូ ខាងមុខនៅប្រទេសអ៉ីស្រាអែល។

លោក Sonthiya បាននិយាយថា លោកចង់ឲ្យស្នងការប៉ូលិសក្រុងធ្វើការស៊ើបអង្កេតលើការចោទប្រកាន់ពីបទរំលោភលើទង់ជាតិដើម្បីកុំឲ្យក្លាយជាគំរូអាក្រក់ដល់ក្មេងជំនាន់ក្រោយ ដោយសារកញ្ញា Anchilee លេចធ្លោខ្លាំងតាមបណ្តាញទំនាក់ទំនងសង្គម។

លោកបានឲ្យដឹងថា បវរកញ្ញាចក្រវាលថៃប្រហែលជាមិនដឹងថា ការឈរជាន់លើទង់ជាតិត្រូវបានចាត់ទុកជាទង្វើខុសឆ្គង។ ជាពិសេសទៀតនោះ លោកចង់ដឹងថា តើកម្មវិធីប្រកួតទទួលបានការអនុញ្ញាតពីខុទ្ទល័យនាយករដ្ឋមន្ត្រីសម្រាប់ការប្រើប្រាស់ទង់ជាតិដែរឬយ៉ាងណា។

លោកបានបញ្ជាក់ថា ប្រការនេះមិនមែនស្វែងរកដើម្បីចាត់វិធានការឲ្យជាប់ពន្ធនាគារទេ ប៉ុន្តែគ្រាន់តែចាត់វិធានការការពារកិត្យានុភាពទង់ជាតិប៉ុណ្ណោះ៕

ប្រែសម្រួល៖ វីរបុត្រ
ប្រភព៖ bangkokpost

Related Topics:ប្រទេសថៃ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា